Daˬyeˬlaˇ 11:10 - Akha

¹⁰ “Suˇliˆ sahˬ paˬ-euˬ aˬ li deuˬ guiˇ maꞈ maꞈ ma laˆ uiˬ-awˇ, guiˇ deuˆ-eu gʼaˇ duˬ lehˬ hmˬ tehꞈ-a. Sahˬ paˬ-euˬ aˬ li tiˬ gʼaˬ iˇ jeuˬ jeuˬ-eu loꞈ-ehˇ iˇ gʼeh-awˇ, muiˇ-eu deuˬ-euˬ taꞈ-ahˇ deuˆ tehꞈ-a.

Daˬyeˬlaˇ 11:10 Iomraidhean Croise

Iˇsaˬyaˇ 25:12

Mawˇbaˆ tsawˇ jeuˬ-euˬ goˇ dui dui-eu meuˬ meuˬ lahˇ-ahˇ aˬ yawꞈ bi coˬ-iˇ-awˇ, laˆ meuˇ laˆ loeˇ nehˬ tehꞈ-a.

Yeˬlaˬmiˇ 51:42

Iˬ ma laˆ shaˆ iˇ cuꞈ Baˬbuˇloˬ meuˬ-ahˇ yoeˇ daˆ leꞈ-awˇ, iˇ luˆ dzeh pymˬ-euˬ meh.

Daˬyeˬlaˇ 11:22

Aˬ yawꞈ-euˬ ehˇ dawˬ maˬ geuꞈ-eu tsawˇ haˬ aˬ geu gʼaˬ maˬ kaˬ, Miˬyehˇ-euˬ Piˇ ma Yaw huiˬ gʼaˬ-ahˇ keuˆ ni, tiˬ gʼaˬ-iˬ maˬ bi dzeuˇ-iˇ ni laˆ byoˆ nehˬ tehꞈ-a.

Daˬyeˬlaˇ 11:26

Aˬ yawꞈ-euˬ dawˬ peh jawˇ-awˇ aˬ yawꞈ-ahˇ nui noeˬ nui duˇ biꞈ-eu tsawˇ haˬ deuˬ aˬ yawꞈ cawˆ-iˇ ni mˇ-awˇ, aˬ yawꞈ-euˬ yehˇ gʼawˬ mya ni bi deuˆ sehꞈ-awˇ, aˬ yawꞈ-euˬ guiˇ maꞈ byoˆ-iˇ tehꞈ-a.

Daˬyeˬlaˇ 11:7

Gʼawˬ myahˇ maˬ gʼeh-ehˇ, aˬ yawꞈ-euˬ aˬ yuiꞈ aˬ nyiˇ tiˬ gʼaˬ sahˬ paˬ keuˆ leˇ tehꞈ-a. Sahˬ paˬ kʼoeˇ gʼaˬ, Suˇliˆ sahˬ paˬ-euˬ guiˇ maꞈ-ahˇ guiˇ deuˆ-awˇ, aˬ yawꞈ maꞈ-euˬ taˆ laꞈ kʼoeˇ deuˆ uˇ gʼeh-awˇ, deuˆ gʼaˬ tehꞈ-a.

Daˬyeˬlaˇ 11:9

Kʼoeˇ naˇ, Suˇliˆ sahˬ paˬ Iˇjiˇtuˆ miˇ kʼahˬ-ahˇ guiˇ paˇ deuˆ le tehꞈ-a. Ehˇ kʼawꞈ, maˬ deuˆ gʼaˬ nya-ehˇ paˇ bi teh kʼoꞈ gʼeh tehꞈ-a.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.