Daˬyeˬlaˇ 10:8 - Akha

⁸ Ngaˇ tiˬ gʼaˬ tehꞈ-ehˇ kʼoeˇ gaˇ jawˇ yaꞈ-awˇ, zahˬ dui dui leˇ paˬ-ehˇ gʼeh-eu ya siˬ ya mawˇ-eu kʼoeˇ hmˬ-ahˇ haw hawˇ-ehˇ jawˇ-euˬ ma. Ngaˇ gʼaˬ tiˬ pawꞈ-iˬ maˬ ahˇ-ehˇ pyeuꞈ-iˇ-awˇ, tsawˇ haˬ tiˬ gʼaˬ-iˬ ngaˬ-ahˇ maˬ haw siˬ nya paˬ-ehˇ, myaˆ pyawˬ pyuˇ pya ni pyeuꞈ-iˇ-euˬ ma.

Daˬyeˬlaˇ 10:8 Iomraidhean Croise

Aˇ dahˬ 32:31

Peˬniˬlaˇ lehˇ kuˇ-eu jawˇ duˬ kʼoeˇ tsahˇ-ahˇ neh Yaˬkoˆ doˆ-iˇ ngeh, nahˇ ma doˆ laˇ-euˬ meh. Aˬ yawꞈ-euˬ shaˬ pyaˬ myaˆ bi teˇ puiˇ-euˬ miˇ neh, kuiˇ dzaˇ kuiˇ dzaˇ-ehˇ iˇ gʼeh-euˬ meh.

Doˆ-iˇ 3:3

“Heu-aˬ, zahˬ dui dui leˇ paˬ-ehˇ gʼeh-eu nga. Aˬ jeˬ miˇ neh baw duˆ kʼoeˇ duˆ miˬ dzaˬ maˬ puiˆ dzaˬ-euˬ nga. Ngaˇ dawˬ peh le peh-awˇ haw duˬ leˇ la” lehˇ, Moˇseˬ shaˇ noeˬ-euˬ meh.

Daˬyeˬlaˇ 10:16

Kʼoeˇ ngeh, tsawˇ haˬ zaˬ-ahˇ duˇ leˇ-eu mˬ taˆ gʼaˬ kʼehˇ kʼoeˇ gʼaˬ, aˬ laꞈ cawˬ ja leꞈ-awˇ, ngaˬ-euˬ mehˬ luꞈ-ahˇ toeˬ ciˆ-euˬ meh. Kʼoeˇ naˇ, ngaˬ-euˬ kʼaˬ meh mˇ nga-awˇ dawˬ ngehˬ dahˬ beh-awˇ, aˬ yawꞈ-ahˇ heu loꞈ-ehˇ ehˇ nehˬ-euˬ ma. “Yaw huiˬ yaw mahˇ gʼaˬ-oˇ, yaw sahˇ laꞈ kʼoeˇ ya siˬ ya mawˇ-euˬ heu ngaˬ-ahˇ gʼaˬ baˬ dui dui-iˇ-awˇ, yaw dzuˬ dzuˬ-eu maˬ naˬ leˇ nya.

Daˬyeˬlaˇ 10:17

Sahˬ paˬ mehˬ shi yawꞈ leˇ-euˬ zaˬ kʼaˆ-ahˇ duˇ miˇ-a. Nawˬ-ahˇ ngaˇ dawˬ aˬ joˆ-ehˇ ngehˬ cawˬ coeˇ nmˇ. Ngaˬ-euˬ laꞈ kʼoeˇ gʼaˬ jiˇ-awˇ, saꞈ gʼawˇ-euˬ gʼeh maˬ paˇ dzeˇ miˇ-a.”

Daˬyeˬlaˇ 7:28

Gaˇ kawˆ heu hmˬ heu gaˇ jiˇ-euˬ meh. Ngaˇ guˆ dui dui-iˇ-euˬ miˇ neh, myaˆ pyawˬ pyuˇ pya ni pyeuꞈ-iˇ-awˇ, aˬ cawˬ-ahˇ maˬ ja nehˬ ni nui ma laꞈ kʼoeˇ juiˇ taˬ-euˬ ma.

Daˬyeˬlaˇ 8:27

Ngaˇ Daˬyeˬlaˇ nui ma gʼaˬ baˬ dui dui-iˇ-awˇ, gʼawˬ mya nah jawˇ saˇ maˬ doˆ ni jawˇ-euˬ ma. Kʼoeˇ naˇ, ngaˇ paˇ tuˇ laˇ-awˇ, sahˬ paˬ-euˬ gaˇ paˇ mˇ daˆ leꞈ-euˬ ma. Ehˇ kʼawꞈ, ngaˬ neh yaw sahˇ laꞈ kʼoeˇ ya siˬ ya mawˇ-euˬ jeˬ-ahˇ noeˬ-eu nui ma maˬ byoˆ-iˇ-ehˇ, gaˇ kawˆ kʼoeˇ maˬ noeˬ shaw nya ni jawˇ-euˬ ma.”

Daˬyeˬlaˇ 8:7

Yawˇ kʼoeˇ mawˇ-ahˇ aˬ yawꞈ coeˬ tahˬ gʼeh gaˇ ngaˇ haw luꞈ-eu ma. Aˬ yawꞈ nui ma pehˇ dui dui-eu miˇ neh, yawˇ kʼoeˇ mawˇ-ahˇ ciˬ tuˆ dzeh gʼeh-awˇ, uˬ coeˇ nyiˬ kahˬ luꞈ tahˬ kʼehꞈ-euˬ meh. Yawˇ kʼoeˇ mawˇ aˬ yawꞈ-ahˇ ciˬ daˬ-eu gʼaˬ maˬ ahˇ-a. Miˇ tsa bi tahˬ dzeh gʼeh-awˇ, nawˬ pahˬ nawˬ lahˇ nehˬ-euˬ meh. Ehˇ kʼawꞈ, yawˇ kʼoeˇ mawˇ-ahˇ tiˬ gʼaˬ-iˬ maˬ ka kʼoꞈ nehˬ nya-a.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Maꞈtehˬ 17:6

Teˇ saˇ kʼoeˇ-ahˇ zaˬ lahˇ deuˬ ya gaˬ ngeh, guˆ dui dui-iˇ-awˇ, miˇ tsa awˆ byaˆ-euˬ meh.

Maˬkuˆ 9:6

Aˬ ha smˇ gʼaˬ guˆ dui dui-awˇ, Beˬtuˆluˆ dawˬ ngehˬ tsaˬ maˬ siˬ-a.

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

2 Gawˇliˬtu 12:7

Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.

Panmaeq 1:17

Aˬ yawꞈ-ahˇ ngaˇ mawˇ ngeh, tsawˇ shiˇ loꞈ-ehˇ aˬ yawꞈ-euˬ aˬ kuiˇ dawˬ peh coˬ dzeh-euˬ ma. Kʼoeˇ ngeh, aˬ yawꞈ ngaˬ-ahˇ aˇ maˇ laꞈ baꞈ daˆ-awˇ, heu loꞈ-ehˇ ehˇ-eu meh. “Taˬ guˆ, ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma.