Daˬyeˬlaˇ 10:7 - Akha

⁷ Yaw sahˇ laꞈ kʼoeˇ kʼoeˇ loꞈ-ehˇ ya siˬ ya mawˇ-euˬ-aˬ, ngaˇ tehꞈ ma. Ngaˬ nehˬ-ehˇ jawˇ luꞈ-eu tsawˇ haˬ deuˬ tiˬ jeˬ-iˬ maˬ ya mawˇ-aˬ. Ehˇ kʼawꞈ, aˬ yawꞈ maꞈ tsawˬ guˆ-iˇ-awˇ cehˆ zaꞈ jiˆ-euˬ meh.

Daˬyeˬlaˇ 10:7 Iomraidhean Croise

Aˇ dahˬ 3:10

Kʼoeˇ ngeh, kʼaˬ dzeˇ zaˬ gʼaˬ oˬ toˬ-awˇ ehˇ-eu, “Nawˇ yaˇ kmˇ laꞈ kʼoeˇ gaˇ ma cah luꞈ-eu teˇ saˇ ngaˇ ya gaˬ-euˬ ma. Ehˇ kʼawꞈ, ngaˇ mehˬ tsoeˬ maˬ dm luꞈ-eu miˇ neh nawˬ-ahˇ guˆ-awˇ dzuˇ zaꞈ luꞈ-eu ma” lehˇ ehˇ kʼoꞈ nehˬ-euˬ meh.

Iˇsaˬyaˇ 2:10

Sahˬpaˬ Miˬyehˇ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo byoe doe ni cehˆ uˇ-awˇ, kʼaˬ lehˇ dawˬ dah siˇ byoˆ-awˬ.

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.

Yeˬsaˬgeˬlaˇ 12:18

“Tsawˇ haˬ zaˬ-oˇ, nawˇ dzaˬ ngeh dawˇ ngeh, guˆ-awˇ yaw dzuˬ dzuˬ-awˬ.

Gʼaˬkʼehˇ 22:9

Ngaˬ nehˬ-ehˇ le-euˬ tsawˇ haˬ deuˬ yaw shehꞈ kʼoeˇ-ahˇ ya mawˇ-euˬ meh. Ehˇ kʼawꞈ, ngaˬ-ahˇ dawˬ ngehˬ cawˬ le-euˬ gʼaˬ-euˬ teˇ saˇ-ahˇ aˬ yawꞈ maꞈ maˬ ya gaˬ-aˬ.

Gʼaˬkʼehˇ 9:7

Sawˇluˆ nehˬ-ehˇ le luꞈ-eu tsawˇ haˬ kʼoeˇ deuˬ, dawˬ maˬ ngehˬ ni tsoˆ leˇ jiˇ-euˬ meh. Aˬ yawꞈ maꞈ teˇ saˇ ya gaˬ-euˬ kʼawꞈ, tsawˇ haˬ maˬ ya mawˇ-a.

HeˬByehˇ 12:21

Aˬ yawꞈ maꞈ myaˆ ya mawˇ-euˬ kʼoeˇ-aˬ, guˆ dui dui laˇ paˬ-ehˇ gʼeh-eu miˇ neh, “Ngaˇ guˆ dui dui-awˇ, yaw dzuˬ dzuˬ dui dui nya” lehˇ Moˇseˬ ehˇ-eu meh.