Daˬyeˬlaˇ 10:6 - Akha

⁶ Aˬ yawꞈ-euˬ gʼawˇ mawˇ kʼaˬ lo sehˇ loꞈ-ehˇ yaw shehꞈ bya-awˇ, aˬ yawꞈ-euˬ myaˆ pyawˬ mˬ myawꞈ myawꞈ-eu loꞈ-ehˇ naˇ guiˇ guiˇ laˇ-awˇ, aˬ yawꞈ-euˬ myaˆ nuiˆ miˬ dzaˬ miˬ lmˇ loꞈ-ehˇ nyehˆ-eu meh. Aˬ yawꞈ-euˬ aˬ kuiˇ aˬ laꞈ-aˬ, jeˬ juˇ taˬ-euˬ guiˬ shuiˇ loꞈ-ehˇ guiˇ nyiˬ ni gʼeh-awˇ, aˬ yawꞈ-euˬ teˇ saˇ tsawˇ haˬ aˇ maꞈ maꞈ ma uiˬ leˇ-awˇ guˇ gaˇ duˇ-eu ma.

Daˬyeˬlaˇ 10:6 Iomraidhean Croise

Doˆ-iˇ 28:20

oeˬ cehˆ tiˬ cehˆ-ahˇ, nyoeˇ shuiˇ shuiˇ-eu kʼaˬ lo sehˇ, neˇ tseuˆ ni gʼeh-eu kʼaˬ lo sehˇ hawˇ-eu, yaw shehꞈ gʼawˬ mya jeˬ ahˇ-eu kʼaˬ lo sehˇ maˬ ehˇ, guꞈ tsoꞈ-awˬ. Heu deuˬ-ahˇ, shuiˇ iˇ puˬ laꞈ kʼoeˇ ya dawˆ ahˇ taˬ-eu meh.

Dawˬ caˇ 5:14

Aˬ yawꞈ-euˬ laꞈ du-aˬ, lah joˆ ni gʼeh-eu shuiˇ-ahˇ duˇ-awˇ, kʼaˬ lo sehˇ toeˬ taˬ-euˬ laꞈ duꞈ duꞈ luꞈ-eu meh. Aˬ yawꞈ-euˬ gʼawˇ mawˇ-aˬ, nyoeˇ naˆ naˆ-eu kʼaˬ lo sehˇ toeˬ tsoꞈ taˬ-euˬ, ya ma juiˇ-ahˇ duˇ-eu meh.

Yeˬsaˬgeˬlaˇ 1:14

Aˇ mawˇ kʼoeˇ deuˬ, mˬ myawꞈ kʼaˇ myawꞈ-eu loꞈ-ehˇ mehˬ shi naˇ kʼah jiˆ luꞈ-eu meh.

Yeˬsaˬgeˬlaˇ 1:16

Tiˬ mawˇ-euˬ gaˇ dzeˇ tiˬ beuˆ jaˆ-eu meh. Aˇ beuˆ kʼoeˇ oeˬ beuˆ luꞈ, aˬ yawꞈ tiˬ beuˆ-ahˇ duˇ-eu meh. Aˇ beuˆ aˬ yawꞈ beuˆ yawꞈ aˇ poeˬ kʼaˆ-eu kʼaˬ lo sehˇ loꞈ-ehˇ yaw shehꞈ bya-awˇ, aˬ yawꞈ beuˆ yawꞈ byaˇ gʼaˇ paw pyawˇ-eu aˇ beuˆ tiˬ beuˆ paˇ tsoꞈ-eu meh.

Yeˬsaˬgeˬlaˇ 1:24

Aˬ yawꞈ maꞈ zaw luꞈ ngeh, aˬ dahˇ kʼoeˇ deuˬ teˇ saˇ mahˇ-eu ngaˇ gaˬ-euˬ ma. Teˇ saˇ kʼoeˇ-aˬ, iˬ ma laˆ shaˆ iˇ cuꞈ mahˇ-eu teˇ saˇ, guiˇ maꞈ maꞈ ma laˇ luꞈ-eu teˇ saˇ hawˇ-eu, baoˬ huiˬ-eu Miˬyehˇ-euˬ teˇ saˇ-ahˇ duˇ-eu meh. Aˬ yawꞈ maꞈ maˬ zaw ni naˬ leˇ ngeh, aˬ dahˇ mˇ cuꞈ taˬ-euˬ meh.

Yeˬsaˬgeˬlaˇ 1:7

Aˬ kuiˇ dawˇ coe ni tsoꞈ-awˇ, mawˇ neˇ loꞈ-ehˇ kuiˇ sehˬ tsoꞈ-eu meh. Aˬ yawꞈ maꞈ jeˬ ba taˬ-euˬ guiˬ shuiˇ loꞈ-ehˇ yaw shehꞈ bya-eu meh.

Yeˬsaˬgeˬlaˇ 10:9

Jeˬluˇbeˬ kʼoeˇ deuˬ-euˬ gaˇ dzeˇ aˇ beuˆ oeˬ beuˆ tsoꞈ gaˇ ya mawˇ-euˬ ma. Tiˬ mawˇ-euˬ gaˇ dzeˇ tiˬ beuˆ tsoꞈ-awˇ, aˇ beuˆ kʼoeˇ deuˬ aˇ poeˬ kʼaˆ-eu kʼaˬ lo sehˇ loꞈ-ehˇ yaw shehꞈ bya-eu meh.

Yeˬsaˬgeˬlaˇ 40:3

Aˬ yawꞈ ngaˬ-ahˇ kʼoeˇ gaˇ paˇ sheuˬ peh gʼeh-awˇ, guiˬ shuiˇ loꞈ-ehˇ guiˇ nyiˬ ni gʼeh-eu tsawˇ haˬ tiˬ gʼaˬ-ahˇ ya mawˇ-euˬ ma. Tsawˇ haˬ kʼoeˇ gʼaˬ, shawˇ jehˆ ni gʼeh-eu saˬ paˇ neh jahˇ taˬ-eu daˇ dza aˇ caˆ tiˬ caˆ hawˇ-eu, daˇ dza daˇ kawˬ tiˬ kawˬ yuˇ-awˇ, meuˬ lahˇ kʼehˬ dawˬ peh yawꞈ luꞈ-eu meh.

Yeˬsaˬgeˬlaˇ 8:2

Ngaˇ gʼawˇ leuˇ haw ngeh, tsawˇ haˬ-ahˇ duˇ-eu tiˬ jeˬ mawˇ-euˬ ma. Joꞈ-ahˇ neh laꞈ oˆ tsehˆ miˬ dzaˬ-ahˇ duˇ leˇ-awˇ, joꞈ-ahˇ neh laꞈ taˆ tsehˆ guiˇ nyiˬ ni gʼeh-eu guiˬ shuiˇ-ahˇ duˇ-eu meh.

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Maꞈtehˬ 28:3

Aˬ yawꞈ-euˬ gʼawˇ mawˇ-aˬ, mˬ myawꞈ myawꞈ-eu loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ-aˬ, ngehˇ loꞈ-ehˇ pyuˇ deuˬ ni gʼeh-eu meh.

Luˇkaꞈ 9:29

Aˬ yawꞈ guiˬ lahˬ shaˇ luꞈ ngeh, a yawꞈ-euˬ myaˆ pyawˬ paˇ laˇ-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ, naˇ guiˇ guiˇ laˇ-eu meh;

Panmaeq 10:1

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-ahˇ mˬ dmˇ neh lahˇ kaˬ taˬ-awˇ, uˬ duˬ tiˬ jawˬ aˇ deˇ leˇ kʼah tiˬ kʼah jaˆ-eu meh. Aˬ yawꞈ-euˬ myaˆ pyawˬ nahˇ ma-ahˇ duˇ-awˇ, aˬ kuiˇ miˬ dzaˬ kʼawˇ zeuˇ-ahˇ duˇ-eu meh.

Panmaeq 19:12

Aˬ yawꞈ-euˬ myaˆ nuiˆ miˬ dzaˬ miˬ lmˇ-ahˇ duˇ-awˇ, uˬ duˬ-ahˇ shuiˇ uˬ kʼoˆ gʼawˬ mya siˬ kʼoˆ luꞈ-eu meh. Aˬ yawꞈ-ahˇ tsawˇ myahˇ tiˬ myahˇ boꞈ myahˬ taˬ-awˇ, aˬ yawꞈ maˬ ngeuˇ naˇ tsawˇ myahˇ kʼoeˇ myahˇ-euˬ dawˬ tsuiꞈ tiˬ gʼaˬ-iˬ maˬ siˬ nya-a.

Panmaeq 2:18

“Saˬdiˬlehˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, myaˆ nuiˆ miˬ dzaˬ loꞈ-ehˇ nyehˆ-awˇ, aˬ kuiˇ guiˬ shuiˇ jeˬ ba taˬ-euˬ loꞈ-ehˇ guiˇ nyiˬ ni gʼeh-eu gʼaˬ pyeuꞈ-eu Miˬyehˇ-euˬ Zaˬmaˇ-euˬ dawˬ meh.

Panmaeq 21:20

ngaˬ siˬ tiˬ siˬ-ahˇ yaw byaꞈ byaꞈ-eu kʼaˬ lo sehˇ, koꞈ siˬ tiˬ siˬ-ahˇ neˇ tseuˆ ni gʼeh-eu kʼaˬ lo sehˇ, shiꞈ siˬ tiˬ siˬ-ahˇ neˇ shuiˇ shuiˇ-eu kʼaˬ lo sehˇ, yehꞈ siˬ tiˬ siˬ-ahˇ nyoeˇ shuiˇ shuiˇ-eu kʼaˬ lo sehˇ, gʼoeˬ siˬ tiˬ siˬ-ahˇ shuiˇ nyehˆ ni gʼeh-eu kʼaˬ lo sehˇ, tseˇ siˬ tiˬ siˬ-ahˇ shuiˇ nyoeˇ nyoeˇ-eu kʼaˬ lo sehˇ, tseˇ tiꞈ siˬ tiˬ siˬ-ahˇ neˇ leuˬ leuˬ-eu kʼaˬ lo sehˇ, tseˇ nyiꞈ siˬ tiˬ siˬ-ahˇ neˇ naˆ naˆ-eu kʼaˬ lo sehˇ, heu deuˬ neh laˆ saˆ taˬ-euˬ meh.