Daˬyeˬlaˇ 10:12 - Akha

¹² Aˬ yawꞈ ehˇ-eu, “Daˬyeˬlaˇ-oˇ, taˬ guˆ. Nawˇ zaˬ siˬ tsawˇ gahˇ za nya ni nui ma nahˬ yu ni taˬ ma lehˇ noeˬ tsehˆ dahˬ beh ngeh nah neh, nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Nawˬ neh guiˬ lahˬ shaˇ-euˬ gaˇ kawˆ ehˇ kʼoꞈ nehˬ le-eu lehˇ ngaˇ oe-euˬ ma.

Daˬyeˬlaˇ 10:12 Iomraidhean Croise

Jaceuq 69:10

Dzaˇ dzaˬ sheuˬ-awˇ nui ma nahˬ yu ni taˬ ngeh, aˬ cawˬ yaˬ kʼehˇ yaˬ gaˇ ya daˬ luꞈ-eu ma.

Iˇsaˬyaˇ 35:4

Nui ma gʼaˬ baˬ luꞈ-eu tsawˇ haˬ deuˬ-ahˇ, “Gʼaˬ byehˆ maˬ byehˆ-ehˇ maˬ guˆ ni jawˇ-awˬ. Naw maꞈ-ahˇ ka kʼoꞈ nehˬ-awˇ, muiˇ-eu deuˬ-ahˇ kʼehˬ-eu gʼaˇ duˬ, Miˬyehˇ oe luꞈ meh” lehˇ ehˇ nehˬ-awˬ.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Daˬyeˬlaˇ 10:11

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ, “Daˬyeˬlaˇ-oˇ, Miˬyehˇ nawˬ-ahˇ gaˬ-eu meh. Tuˇ-awˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Nymˬ-mˇ ngaˇ nawˇ jawˇ gaˇ oe-eu lehˇ oe-euˬ ma” lehˇ ehˇ laˇ ngeh, ngaˇ yaw dzuˬ dzuˬ dzuˬ-ehˇ gawˬ yawꞈ yawꞈ-euˬ ma.

Daˬyeˬlaˇ 10:19

“Miˬyehˇ nawˬ-ahˇ gaˬ-eu meh. Kʼoeˇ miˇ neh, nawˇ tiˬ jeˬ-ahˇ-iˬ noeˬ shaˬ-awˇ taˬ guˆ” lehˇ aˬ yawꞈ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ ngeh, ngaˇ gʼaˬ paˇ ahˇ dzehˬ laˇ-awˇ, heu loꞈ-ehˇ ehˇ-euˬ ma. “Yaw huiˬ yaw mahˇ gʼaˬ-oˇ, nawˇ ngaˬ-ahˇ dzawˇ nehˬ paˬ-ehˇ gʼeh-eu jeˬ dzawˇ nehˬ laꞈ-awˬ. Nawˬ neh ngaˬ-ahˇ gʼaˬ bi ahˇ dzehˬ laˇ-euˬ miˇ-a.”

Uˬ duˬ 16:29

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ aˬ myah luꞈ ya caw teh meh. Ba la shiꞈ siˬ tiˬ siˬ tseˇ nah tiˬ nah-ahˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ, maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw meh.

Uˬ duˬ 16:31

Kʼoeˇ ngeh nah-aˬ, aˬ yawꞈ maꞈ maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw-eu muiˬ dui shawˇ dui dui-eu aˇ nah pyeuꞈ-eu meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni, ya caw teh meh.

Bawˇtsahˬ 29:7

Ba la shiꞈ siˬ tiˬ siˬ tseˇ nah tiˬ nah-ahˇ, gaˇ maˬ mˇ-ehˇ, maˬ dzaˬ maˬ dawˇ ni lah-eu laꞈ kʼoeˇ, tiˬ gaˇ uiˬ leˇ-awˇ uˬ duˬ tahˬ-awˬ.

Maꞈtehˬ 28:10

Yeˬsuˇ aˬ yawꞈ nyaꞈ-ahˇ ehˇ nehˬ-eu, “Taˬ guˆ. Ngaˬ-euˬ mehˇ nmˇ loꞈ-ehˇ gʼeh-eu deuˬ jawˇ gaˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Gaˬliˬlehˇ miˇ kʼahˬ-ahˇ iˇ-awˬ. Kʼoeˇ gaˇ ngaˬ-ahˇ ya mawˇ tehꞈ-a’ lehˇ ehˇ nehˬ-iˇ-awˬ.”

Maꞈtehˬ 28:5

Mˬ taˆ gʼaˬ kʼehˇ kʼoeˇ gʼaˬ zaˬ miˬ zaˬ kʼoeˇ nyiˬ gʼaˬ-ahˇ heu loꞈ-ehˇ ehˇ nehˬ-euˬ meh. “Naw nyaꞈ taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Yeˬsuˇ kʼoeˇ gʼaˬ-ahˇ naw nyaꞈ poˆ luꞈ-eu ngaˇ siˬ nya ma.

Maˬkuˆ 16:6

Zaˬ guˬ kʼoeˇ gʼaˬ aˬ yawꞈ maꞈ-ahˇ ehˇ-eu, “Taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Naˬzaˬlehˇ tsawˇ haˬ Yeˬsuˇ-ahˇ naw maꞈ haw le-euˬ meh lehˇ ngaˇ siˬ nya ma. Aˬ yawꞈ heu gaˇ maˬ paˇ jawˇ meh. Miˬyehˇ neh aˬ yawꞈ-ahˇ bi gʼoꞈ dehꞈ laˇ gʼaˬ-euˬ meh. Haw sheˇ. Aˬ yawꞈ-ahˇ heu gaˇ baꞈ taˬ-awˇ bi jaˆ-euˬ meh tawˇ.

Luˇkaꞈ 1:13

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Luˇkaꞈ 1:30

Mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ ehˇ-eu, “Maˬliˇ-oˇ, taˬ guˆ. Miˬyehˇ nawˬ-ahˇ gʼawˬ shaˬ gaˬ luꞈ meh.

Luˇkaꞈ 2:10

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, ‘Taˬ guˆ. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ laˬ kʼaˬ cehˇ dui dui paˬ-ehˇ gʼeh-eu laˬ kʼaˬ cehˇ-eu guiˬ lahˬ dawˬ naw maꞈ-ahˇ ngaˇ tsaꞈ gaˬ le-euˬ ma.

Luˇkaꞈ 24:38

Kʼoeˇ ngeh, aˬ yawꞈ maꞈ-ahˇ aˬ yawꞈ ehˇ nehˬ-eu, “Aˬ jeˬ miˇ neh naw maꞈ nui ma suˬ saˬ-awˇ tsawˬ toeˬ tsawˬ daˆ-ehˇ noeˬ luꞈ te.

Gʼaˬkʼehˇ 27:24

‘Pawˇluˆ-oˇ, taˬ guˆ. Sahˬ paˬ Gehˇsaˬ mehˬ shi nawˇ ya yawꞈ leˇ tehꞈ-a. Nawˬ-euˬ myaˆ pyawˬ-ahˇ Miˬyehˇ haw-awˇ, nawˬ nehˬ-ehˇ saˇ baoˬ kʼaˇ dziˬ luꞈ-eu tsawˇ haˬ dawˬ tawˆ luꞈ-ahˇ maˬ shiˇ ni bi dzeuˇ-iˇ tehꞈ-a’ lehˇ ehˇ le-euˬ meh.

Panmaeq 1:17

Aˬ yawꞈ-ahˇ ngaˇ mawˇ ngeh, tsawˇ shiˇ loꞈ-ehˇ aˬ yawꞈ-euˬ aˬ kuiˇ dawˬ peh coˬ dzeh-euˬ ma. Kʼoeˇ ngeh, aˬ yawꞈ ngaˬ-ahˇ aˇ maˇ laꞈ baꞈ daˆ-awˇ, heu loꞈ-ehˇ ehˇ-eu meh. “Taˬ guˆ, ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma.