Daˬyeˬlaˇ 10:1 - Akha

¹ (Sahˬ paˬ Guˇluˆ Paˇshaˇ miˇ kʼahˬ-ahˇ uˆ lahˇ-euˬ smˇ kʼoꞈ tiˬ kʼoꞈ-ahˇ, Beˬteˬshaˬzaˬ lehˇ kuˇ-eu Daˬyeˬlaˇ-ahˇ, dawˬ pah mehˬ le-euˬ meh. Dawˬ kʼoeˇ dawˬ tsaˬ-eu dawˬ pyeuꞈ-eu meh. Ehˇ kʼawꞈ, gʼoˆ shaw nya-eu gʼaˇ duˬ maˬ awˬ-a. Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, dawˬ kʼoeˇ-euˬ dawˬ tsuiꞈ aˬ yawꞈ-ahˇ ehˇ mehˬ nehˬ le-euˬ meh.)

Daˬyeˬlaˇ 10:1 Iomraidhean Croise

Aˇ dahˬ 41:32

Nyiˬ poˆ keuˆ ni nawˇ yuꞈ maˆ maˆ mawˇ-euˬ dawˬ tsuiꞈ-aˬ, gʼawˬ myahˇ maˬ gʼeh-ehˇ kʼoeˇ loꞈ-ehˇ bi pyeuꞈ laˇ-eu gʼaˇ duˬ Miˬyehˇ lehˬ hmˬ dah taˬ-euˬ gaˇ ehˇ mawꞈ-eu meh.

2 Laˬsaˬbaˬ 36:22

Paˇshaˇ miˇ kʼahˬ-ahˇ sahˬ paˬ Guˇluˆ uˆ lahˇ-euˬ yaw beh kʼoꞈ-ahˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ ehˇ taˬ-euˬ dawˬ kʼoeˇ dawˬ byah laˇ ni, Sahˬpaˬ Miˬyehˇ jahˇ-euˬ meh. Guˇluˆ sahˬ paˬ sahˬ boꞈ boꞈ-awˇ, aˬ yawꞈ-euˬ miˇ kʼahˬ doe ni bi gui gaˬ-iˇ-eu gʼaˇ duˬ, aˬ yawꞈ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Eˇzaˬlaˬ 3:7

Tsaˬ byaˆ gawˬ-eu deuˬ hawˇ-eu laꞈ myawˬ laꞈ sawˆ mˇ-eu deuˬ-ahˇ biꞈ-eu gʼaˇ duˬ aˬ yawꞈ maꞈ pyuˇ damˬ-euˬ meh. Leˬbaˬnoˬ gawˬ jawˬ-ahˇ dehꞈ-eu shuˬ liˇ aˇ bawˇ nehˬ-ehˇ bi paˇ-eu gʼaˇ duˬ, dzaˬ dzaˬ dawˇ dawˇ hawˇ-eu saˬ loˬ tsiˇ deuˬ, Duˇlu meuˬ hawˇ-eu Siˇdoˬ meuˬ-ahˇ aˬ yawꞈ maꞈ biꞈ gʼeh-euˬ meh. Daˇ kawˬ kʼoeˇ deuˬ-ahˇ, iˬ ma laˆ shaˆ-ahˇ neh Yuˇbeˬ meuˬ-ahˇ ya hehˇ ka leꞈ-eu meh. Paˇshaˇ sahˬ paˬ Duˇlu neh aˬ kaw-aˬ biꞈ-euˬ loꞈ-ehˇ, kʼoeˇ deuˬ dawˬ tawˆ luꞈ-ahˇ aˬ yawꞈ maꞈ mˇ-euˬ meh.

Eˇzaˬlaˬ 4:3

Zeˬluˇbaˬbeˬlaˇ, Yawˇshuˆ hawˇ-eu, tsawˇ jeuˬ tsawˇ ca deuˬ kʼoeˇ taˆ aˬ yuiꞈ aˬ tsu geuꞈ-eu deuˬ aˬ yawꞈ maꞈ-ahˇ heu loꞈ-ehˇ ehˇ kʼoꞈ nehˬ-euˬ meh. “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ Uˬ duˬ tahˬ nymˇ nymˇ ma tsoˆ gaˇ naw maꞈ caw ba nehˬ laꞈ-eu maˬ loˬ-a. Paˇshaˇ sahˬ paˬ Guˇluˆ neh nga maꞈ-ahˇ dawˬ biꞈ taˬ-euˬ loꞈ-ehˇ, nga maꞈ yawˬ haˇ yawˬ ha tsoˆ ma.”

Eˇzaˬlaˬ 4:5

Yuˇdaˆ tsawˇ haˬ kʼoeˇ loꞈ-ehˇ mˇ luꞈ gaˇ laˆ tsoeˬ ni, Paˇshaˇ tsawˇ haˬ pyeuꞈ-eu miˇ kʼahˬ-ahˇ uˆ lahˇ-eu yaw huiˬ yaw mahˇ deuˬ-ahˇ kʼawꞈ, aˬ yawꞈ maꞈ laꞈ nmꞈ nmꞈ nehˬ-euˬ meh. Sahˬ paˬ Guˇluˆ uˆ lahˇ-eu yamˬ-ahˇ neh sahˬ paˬ Daˬliˇ uˆ lahˇ-eu yamˬ-ahˇ keuˆ ni, aˬ yawꞈ maꞈ kʼoeˇ loꞈ-ehˇ laˆ bahˬ laˆ bahˬ-ehˇ jawˇ-euˬ meh.

Eˇzaˬlaˬ 6:14

Miˬyehˇ gʼaˇ duˬ ngehˬ dah-eu nyiˬ gʼaˬ pyeuꞈ-eu Haˬgaiˇ hawˇ-eu Zaˬkaˬliˇ aˬ nyaꞈ neh gʼaˬ biꞈ nehˬ-euˬloꞈ-ehˇ, Yuˇdaˆ tsawˇ haˬ aˬ yuiꞈ aˬ tsu deuˬ Uˬ duˬ tahˬ nymˇ nymˇ ma tsoˆ-eu gaˇ-ahˇ tiˬ tiˆ saˇ-iˬ tiˬ tiˆ mˇ daˆ leꞈ-euˬ meh. Iˇsaˬleˬlaˆ-euˬ Miˬyehˇ hawˇ-eu Paˇshaˇ sahˬ paˬ deuˬ pyeuꞈ-eu Guˇluˆ, Daˬliˇ hawˇ-eu Aˬtaˬdzeuˬsehˆmaꞈ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-ahˇ aˬ yawꞈ maꞈ tsoˆ gʼaˬ-euˬ meh.

Eˇzaˬlaˬ 6:3

“Sahˬ paˬ Guˇluˆ sahˬ paˬ geuꞈ-awˇ uˆ lahˇ beh beh-euˬ kʼoꞈ-ahˇ, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma bi tsoˆ muiˬ-awˇ, lawˇ-eu shehˇ-eu jeˬ kʼoeˇ gaˇ paˇ bi mˇ-eu gʼaˇ duˬ dawˬ biꞈ-euˬ meh. Uˬ duˬ tahˬ nymˇ nymˇ ma-ahˇ yaw goˇ paw tseˇ ngaˬ lmˇ hawˇ-eu yaw jeˇ paw tseˇ ngaˬ lmˇ byah ni tsoˆ-awˬ lehˇ ehˇ taˬ-euˬ meh.

Iˇsaˬyaˇ 44:28

Guˇluˆ-ahˇ ngaˇ heu loꞈ-ehˇ ehˇ nehˬ-euˬ ma. ‘Ngaˬ-euˬ gʼaˇ duˬ nawˇ dzoeˬ ya dzaˬ tehꞈ-a. Ngaˬ-euˬ nui kʼahˇ-ahˇ nawˇ mˇ byah tehꞈ-a. Yeˬluˇsaˬlehˬ meuˬ-ahˇ nawˇ paˇ bi tsoˆ muiˬ-awˇ, Uˬ duˬ tahˬ nymˇ nymˇ ma-euˬ dawˬ pehˬ gawˬ tehꞈ-a.’ ”

Daˬyeˬlaˇ 1:17

Sahˬ boꞈ hawˇ-eu shaˇ noeˬ-eu tsawˇ gahˇ paw nya-iˇ ni, zaˬ guˬ kʼoeˇ oeˬ gʼaˬ-ahˇ Miˬyehˇ zaˬ siˬ nui gahˇ biꞈ-euˬ meh. Kʼoeˇ uˬ taꞈ, yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu yuꞈ maˆ maˆ mawˇ-euˬ jeˬ-ahˇ dawˬ tsuiꞈ yuˇ doˆ nya-eu tsawˇ gahˇ, Daˬyeˬlaˇ-ahˇ Miˬyehˇ biꞈ-euˬ meh.

Daˬyeˬlaˇ 1:21

Paˇshaˇ sahˬ paˬ Guˇluˆ neh Baˬbuˇloˬ miˇ kʼahˬ-ahˇ deuˆ gʼaˬ ngeh keuˆ ni, sahˬ paˬ-euˬ gaˇ-ahˇ Daˬyeˬlaˇ mˇ mˇ-ehˇ jawˇ-euˬ meh.

Daˬyeˬlaˇ 1:7

Sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ huiˬ dzehˬ-eu yaw huiˬ yaw mahˇ kʼoeˇ gʼaˬ neh, aˬ yawꞈ maꞈ-euˬ tsawˇ myahˇ Beˬteˬshaˬzaˬ, Shaˬdaˬlaˆ, Meˬshaˆ, Aˬbeˬdaˬneˬgoˬ lehˇ myahˇ paˇ nehˬ-euˬ meh.

Daˬyeˬlaˇ 10:14

Aˬ kaˇ mehˬ hu paw nawˬ-euˬ tsawˇ jeuˬ kʼoeˇ taˆ aˬ joˆ-ehˇ pyeuꞈ laˇ-eu gaˇ kawˆ nawˇ gʼoˆ shaw nya ni ngaˇ ja mehˬ le-euˬ ma. Heu-aˬ, aˬ kaˇ mehˬ hu paw pyeuꞈ laˇ-eu gaˇ kawˆ-ahˇ taꞈ leˇ-eu yaw sahˇ laꞈ kʼoeˇ ya siˬ ya mawˇ-eu jeˬ meh.”

Daˬyeˬlaˇ 11:2

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Nymˬ-mˇ poˆ jawˇ-aˬ, nawˬ-ahˇ ngaˇ aˬ diˇ aˬ maˇ pyeuꞈ laˇ-eu jeˬ ehˇ nehˬ nyaˇ. Paˇshaˇ miˇ kʼahˬ-ahˇ sahˬ paˬ smˇ gʼaˬ paˇ uˆ lahˇ tehꞈ-a. Kʼoeˇ naˇ, yaw beh deuˬ naˆ maˬ tseˇ smˇ muiˬ muiˬ dui dui-eu sahˬ paˬ oeˬ gʼaˬ tiˬ gʼaˬ paˇ uˆ lahˇ tehꞈ-a. Aˬ yawꞈ baoˬ kʼaˇ ahˇ maˬ ahˇ ahˇ-awˇ, pyuˇ shuiˇ kʼaˇ jaˆ maˬ jaˆ jaˆ ngeh, Heˬlaˬshaˆ miˇ kʼahˬ-ahˇ guiˇ deuˆ cawˬ cawˬ tehꞈ-a.

Daˬyeˬlaˇ 12:4

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ poˆ jawˇ-aˬ, sahˬ boꞈ piˬ tehˬ-awˇ, miˇ tsaˬ heu aˇ saˬ saˬ ngeh keuˆ ni jmˬ diˬ-awˇ bi jaˆ-awˬ. Aˇ yamˬ heu tiˬ kʼehˬ laꞈ kʼoeˇ, aˬ joˆ-ehˇ pyeuꞈ laˇ luꞈ-eu gaˇ kawˆ siˬ duˬ mawꞈ-eu tsawˇ haˬ deuˬ, kʼoeˇ paw heu paw coeˬ coeˬ-ehˇ shaˬ tehꞈ-a.”

Daˬyeˬlaˇ 12:9

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ nawˇ heu gaˇ neh doˆ iˇ-awˬ. Aˬ jeˬ miˇ neh ehˇ naˇ, aˇ saˬ saˬ-eu aˇ yamˬ maˬ keuˆ laˇ kʼoeˇ keuˆ ni, gaˇ kawˆ heu ya zaꞈ taˬ meh.

Daˬyeˬlaˇ 2:21

Aˇ yamˬ aˇ law yawꞈ tuˆ tehˬ-awˇ, dzoeˬ dzaˬ dzeˇ paˇ yawꞈ-ahˇ jaˆ-awˇ, zaˬ siˬ nui gahˇ yawꞈ biꞈ-eu meh

Daˬyeˬlaˇ 4:8

Kʼoeˇ naˇ, Daˬyeˬlaˇ laˇ keuˆ-euˬ meh. (Aˬ yawꞈ-ahˇ ngaˬ-euˬ miˬ yehˇ-euˬ tsawˇ myahˇ pyeuꞈ-eu Beˬteˬshaˬzaˬ lehˇ kʼawꞈ kuˇ-eu meh.) Muiˬ-eu shawˇ-eu miˬ yehˇ-euˬ yaw sahˇ aˬ yawꞈ-euˬ laꞈ kʼoeˇ jawˇ-eu meh. Kʼoeˇ ngeh, ngaˬ neh yuꞈ maˆ maˆ-euˬ gaˇ kawˆ aˬ yawꞈ-ahˇ dzawˇ nehˬ-euˬ ma. Aˬ yawꞈ-ahˇ ngaˇ heu loꞈ-ehˇ ehˇ nehˬ-euˬ ma.

Daˬyeˬlaˇ 5:12

Aˬ yawꞈ-aˬ, siˬ dui gahˇ dui dui-awˇ, yuꞈ maˆ dawˬ tsuiꞈ yuˇ doˆ-eu paw maˬ ehˇ, zahˬ dui dui leˇ taˬ-euˬ gaˇ kawˆ deuˬ sawˇ doˆ-eu paw maˬ ehˇ, tsawˇ haˬ zaˬ maˬ noeˬ doˆ coeˇ-eu naꞈ dui dui-eu dawˬ tsuiꞈ deuˬ yuˇ doˆ nehˬ-eu paw maˬ ehˇ, aˬ cawˬ-ahˇ maˬ duˇ-eu zaˬ siˬ nui gahˇ ahˇ-eu meh. Kʼoeˇ miˇ neh, sahˬ paˬ neh Beˬteˬshaˬzaˬ lehˇ myahˇ nehˬ-euˬ Daˬyeˬlaˇ lehˇ kuˇ-eu tsawˇ haˬ kʼoeˇ gʼaˬ bi kuˇ laˬ-iˇ-awˬ. Sahˬ boꞈ boꞈ taˬ-euˬ dawˬ tsuiꞈ heu aˬ yawꞈ nawˬ-ahˇ ehˇ nehˬ laꞈ tehꞈ-a.”

Daˬyeˬlaˇ 5:17

Daˬyeˬlaˇ ehˇ-eu, “Sahˬ paˬ-oˇ, nawˇ ngaˬ-ahˇ biꞈ ma lehˇ ehˇ-eu laꞈ sawˬ teu deuˬ ngaˬ-ahˇ maˬ biꞈ laꞈ ni, nawˬ nehˬ-ehˇ bi jaˆ-awˬ. Maˬ ngeuˇ naˇ, aˬ cawˬ-ahˇ biꞈ-awˬ. Boꞈ taˬ-euˬ gaˇ kawˆ heu nawˬ-ahˇ ngaˇ gui mehˬ-awˇ, dawˬ tsuiꞈ yuˇ doˆ nehˬ ma.

Daˬyeˬlaˇ 6:28

Daˬliˇ uˆ lahˇ-eu aˇ yamˬ hawˇ-eu, Paˇshaˇ tsawˇ jeuˬ Guˇluˆ uˆ lahˇ-eu aˇ yamˬ laꞈ kʼoeˇ, Daˬyeˬlaˇ dehꞈ dzaˬ dui dui-euˬ meh.

Daˬyeˬlaˇ 8:16

Kʼoeˇ ngeh, “Gaˬbeˬlaˇ-oˇ, tsawˇ haˬ teu gʼaˬ-ahˇ, aˬ yawꞈ neh ya mawˇ-euˬ gaˇ kawˆ dawˬ tsuiꞈ ehˇ mehˬ nehˬ-awˬ” lehˇ, Uˇlehˇ lawˇ baˬ paw neh guˇ-eu teˇ saˇ ngaˇ ya gaˬ-euˬ ma.

Daˬyeˬlaˇ 8:26

Nawˬ neh yaw sahˇ laꞈ kʼoeˇ ya siˬ ya mawˇ-euˬ loꞈ-ehˇ, uˬ ciꞈ uˬ taw paw hawˇ-eu uˬ shawˬ paw lawˇ-eu shehˇ-eu jeˬ mˇ-eu gaˇ kawˆ-ahˇ taꞈ leˇ-awˇ nawˬ-ahˇ ja mehˬ-euˬ jeˬ aˬ diˇ pyeuꞈ laˇ tehꞈ-a. Ehˇ kʼawꞈ, gaˇ kawˆ heu maˬ ja ni jawˇ tawˬ siˬ. Aˬ jeˬ miˇ neh ehˇ naˇ, kʼoeˇ loꞈ-ehˇ pyeuꞈ laˇ-eu gʼaˇ duˬ aˇ yamˬ gʼawˬ myahˇ ni jaˆ-a siˬ.”

Luˇkaꞈ 1:20

Aˇ yamˬ tsaˬ laˇ ngeh maˇ maˇ ni pyeuꞈ laˇ-eu gaˇ kawˆ heu-ahˇ ngaˇ tsaꞈ gaˬ le-eu kʼawꞈ, nawˇ maˬ jah-eu miˇ neh, ngaˬ neh ehˇ-euˬ loꞈ-ehˇ maˬ pyeuꞈ laˇ kʼoeˇ keuˆ ni, nawˇ dawˬ maˬ ngehˬ nya ni ciˬ cuˇ ya jawˇ tehꞈ-a.”

Panmaeq 19:9

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu, “Yawˇzaˬ oeˇ mˇ baˇ-eu bawˬ-iˬ-ahˇ laˇ-eu gʼaˇ duˬ bi kuˇ taˬ-euˬ tsawˇ haˬ deuˬ guiˬ lahˬ huiˬ-eu meh lehˇ boꞈ ahˇ taˬ-awˬ.” Aˬ yawꞈ paˇ ehˇ-eu, “Heu-aˬ, maˇ maˇ ni Miˬyehˇ neh ngehˬ-euˬ dawˬ meh.”