Daˬyeˬlaˇ 1:4 - Akha

⁴ Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.

Daˬyeˬlaˇ 1:4 Iomraidhean Croise

Aˇ dahˬ 41:46

Yoˇsehˆ sahˬ paˬ-euˬ gaˇ mˇ dahˬ beh ngeh, aˇ kʼoꞈ smˬ tseˇ kʼawˆ laˇ-euˬ meh. Sahˬ paˬ-euˬ nymˇ-ahˇ neh aˬ yawꞈ doˆ-iˇ-awˇ, miˇ kʼahˬ doe doe-ehˇ cah haw-iˇ-euˬ meh.

2 Saˬmeuˬlaˆ 14:25

Iˇsaˬleˬlaˆ miˇ kʼahˬ laꞈ kʼoeˇ, Aˬbaˇsaˬloˬ loꞈ-ehˇ seuˆ dzeuꞈ aˇ gʼehˇ muiˬ-awˇ, tsawˇ myahˇ doˆ-eu tsawˇ haˬ tiˬ gʼaˬ-iˬ maˬ jawˇ-a. Uˬ duˬ-ahˇ neh aˬ kuiˇ pehˬ zaˬ-ahˇ keuˆ ni, ehˇ kʼaˇ za-eu tiˬ tsahˇ-iˬ maˬ jaˆ-a.

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Dawˬ tsoˆ 7:19

Meuˬdzoeˬsahˬpaˬ tseˇgʼaˬ maˬtseˇ, zaˬ siˬ tiˬ gʼaˬ baoˬ huiˬ-eu meh.

Iˇsaˬyaˇ 36:11

Kʼoeˇ ngeh, Eˇliˇkmˬ, Sheˬbaˬnaˬ hawˇ-eu Yoˇaˬ aˬ ha smˇ gʼaˬ, yaw huiˬ yaw mahˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Nga maꞈ-ahˇ Aˬlaˬmiˇ dawˬ ngehˬ cawˬ nehˬ laꞈ-awˬ. Nga maꞈ gʼoˆ shaw nya ma. Heˬbyehˇ dawˬ taˬ ngehˬ cawˬ laꞈ. Meuˬ meuˬ lahˇ kʼoeˇ taˆ daˆ-eu tsawˇ haˬ dawˬ tawˆ luꞈ naˇ haˬ luꞈ nga.”

Yeˬlaˬmiˇ 5:15

Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ guiˇ bi deuˆ le-eu gʼaˇ duˬ, naw maꞈ-ahˇ dawˬ maˬ duˇ leˇ-eu, aˇ hu ba neh ziꞈ luꞈ-eu tsawˇ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ sheuˬ leꞈ tehꞈ-a.

Daˬyeˬlaˇ 2:10

Sahˬ paˬ-ahˇ nui noeˬ nui duˇ biꞈ-eu tsawˇ haˬ deuˬ heu loꞈ-ehˇ ehˇ-eu meh. “Sahˬ paˬ-oˇ, nawˇ kʼaˇ siˬ nya mawꞈ-eu jeˬ ehˇ nehˬ nya-eu tsawˇ haˬ tiˬ gʼaˬ-iˬ miˇ tsaˬ kʼoeˇ taˆ maˬ jawˇ-a. Sahˬ paˬ tiˬ gʼaˬ-iˬ, yawˬ ha-euˬ nyiˇ paˬ shaˆ ma deuˬ hawˇ-eu mah loˬ ja maw nya-eu deuˬ-ahˇ, teu naˆ naˆ-ehˇ ka tiˇ-awˇ maˬ naˇ haˬ haw-aˬ. Baoˬ huiˬ dui dui-eu sahˬ paˬ deuˬ kʼawꞈ, kʼoeˇ loꞈ-ehˇ maˬ jahˇ haw-aˬ.

Daˬyeˬlaˇ 2:2

Kʼoeˇ miˇ neh, ja maw mah loˬ nya-eu deuˬ hawˇ-eu, nyiˇ paˬ shaˆ ma deuˬ-ahˇ aˬ yawꞈ bi kuˇ laˬ-iˇ-awˇ, yuꞈ maˆ dawˬ tsuiꞈ bi yuˇ doˆ-euˬ meh. Tsawˇ haˬ kʼoeˇ deuˬ laˇ keuˆ-awˇ, sahˬ paˬ-euˬ mehˬ shi yawꞈ luꞈ-eu meh.

Daˬyeˬlaˇ 3:8

Kʼoeˇ ngeh, Baˬbuˇloˬ tsawˇ haˬ tiˬ paˆ na deuˬ Yuˇdaˆ tsawˇ haˬ deuˬ-ahˇ laˆ shaˬ-eu jeˬ jahˇ-euˬ meh.

Daˬyeˬlaˇ 4:7

Kʼoeˇ naˇ, nyiˇ paˬ shaˆ ma dawˬ tawˆ luꞈ hawˇ-eu, mah loˬ ja maw kʼaˇ nya-eu deuˬ dawˬ tawˆ luꞈ bi kuˇ uiˬ laꞈ-awˇ, ngaˬ neh yuꞈ maˆ maˆ-euˬ dawˬ tsuiꞈ bi yuˇ doˆ-euˬ ma. Ehˇ kʼawꞈ, aˬ yawꞈ maꞈ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nya-a.

Daˬyeˬlaˇ 5:11

Nawˬ-euˬ miˇ kʼahˬ laꞈ kʼoeˇ muiˬ-eu shawˇ-eu Miˬyehˇ-euˬ yaw sahˇ ahˇ-eu tsawˇ haˬ tiˬ gʼaˬ jawˇ meh. Nawˬ da dzoeˬ dzaˬ ngeh, tsawˇ haˬ kʼoeˇ gʼaˬ zaˬ siˬ tsawˇ gahˇ ahˇ dui dui-awˇ, Miˬyehˇ tiˬ gʼaˬ loꞈ-ehˇ siˬ nya mawˇ nya gaˇ ya mawˇ-euˬ meh. Nawˬ da sahˬ paˬ Neˬbuˬkaˬneˬzaˬ neh aˬ yawꞈ-ahˇ, nyiˇ paˬ shaˆ ma hawˇ-eu mah loˬ ja maw dawˬ tawˆ luꞈ kʼoeˇ taˆ huiˬ dzehˬ-eu gʼaˬ bi geuꞈ-euˬ meh.

Daˬyeˬlaˇ 5:7

Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”

Daˬyeˬlaˇ 9:1

Meˬdiˇ tsawˇ jeuˬ Dzeuˬsehˆ-euˬ aˬ li Daˬliˇ-aˬ, Baˬbuˇloˬ miˇ kʼahˬ-ahˇ uˆ lahˇ-euˬ meh.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Gʼaˬkʼehˇ 7:20

Kʼoeˇ ngeh yamˬ-ahˇ Moˇsehˬ dehꞈ le-euˬ meh. Aˬ yawꞈ-aˬ, muiˬ dui dui-eu aˬ li tiˬ li pyeuꞈ-eu meh. Ba la smˇ siˬ byah ni aˬ yawꞈ-ahˇ iˇ kahˇ laꞈ kʼoeˇ bo saˆ-awˇ cu-euˬ meh.

Gʼaˬkʼehˇ 7:22

Iˇjiˇtuˆ tsawˇ jeuˬ-euˬ zaˬ siˬ tsawˇ gahˇ dawˬ tawˆ luꞈ aˬ yawꞈ ya dzaw-awˇ, ngehˬ-eu tmˇ-eu paw dzeˇ maˬ ehˇ, mˇ-eu shaˇ-eu paw dzeˇ maˬ ehˇ, nya dui dui-eu tsawˇ haˬ tiꞈ gʼaˬ pyeuꞈ laˇ-euˬ meh.

Eˇpeˇsu 5:27

Iˇ cuꞈ neh tsiˬ shawˇ-euˬ kʼoeˇ-aˬ, maˇ byawꞈ maˇ naˇ maˬ baw-ehˇ, ehˇ kʼaˇ maˬ za-eu uˬ taꞈ, shawˇ jehˆ ni gʼeh-awˇ iˬ baˇ taˬ kʼaˇ maˬ za-eu aˇ gʼehˇ muiˬ dui dui-eu Ka li zaˬ aˇ muˇ-ahˇ, aˬ yawꞈ-euˬ bi pyeuꞈ laˇ-eu gʼaˇ duˬ mˇ-euˬ jeˬ pyeuꞈ-eu meh.

Yaˇ kʼaˬ daˇ 8:18

Kʼoeˇ naˇ, “Taˬbawˬ meuˬ-ahˇ naw maꞈ neh sehꞈ-euˬ tsawˇ haˬ kʼoeˇ deuˬ aˬ joˆ-ehˇ gʼeh ta” lehˇ, Zeˬbah hawˇ-eu Zaˬlaˬmoˇnaˬ-ahˇ Giˇdoˬ naˇ haˬ nehˬ-euˬ meh. Aˬ yawꞈ nyaꞈ ehˇ-eu, “Aˬ yawꞈ maꞈ nawˬ-ahˇ duˇ-eu meh. Aˬ yawꞈ gʼaˬ yawꞈ sahˬpaˬ-euˬ aˬ li loꞈ-ehˇ gʼeh-eu tsawˇ haˬ tehꞈ meh.”