Daˬyeˬlaˇ 1:2 - Akha

² Sahˬpaˬ Miˬyehˇ neh aˬ yawꞈ-ahˇ sahˬ paˬ Yeˬhawˇyaˬkmˬ-ahˇ bi nyehꞈ mi-awˇ, Uˬ duˬ tahˬ nymˇ nymˇ ma-ahˇ jaˆ-eu pyuˇ shuiˇ myawˬ gahˬ tiˬ paˆ na deuˬ bi yuˇ geuꞈ-euˬ meh. Tsawˇ haˬ tiˬ paˆ na deuˬ-ahˇ nyehꞈ-awˇ, Baˬbuˇloˬ miˇ kʼahˬ-ahˇ jawˇ-eu aˬ yawꞈ-euˬ miˬ yehˇ deuˬ-euˬ uˬ duˬ tahˬ nymˇ-ahˇ nyehꞈ kʼoꞈ gʼeh-awˇ, guiˇ deuˆ za-euˬ pyuˇ shuiˇ myawˬ gahˬ deuˬ, uˬ duˬ tahˬ nymˇ kʼoeˇ deuˬ laꞈ kʼoeˇ jaˆ-eu myawˬ jeˬ hmˬ-eu kuˆ lawˆ deuˬ laꞈ kʼoeˇ bi jaˆ-euˬ meh.

Daˬyeˬlaˇ 1:2 Iomraidhean Croise

Aˇ dahˬ 10:10

Yaw beh aˬ yawꞈ-euˬ miˇ kʼahˬ-aˬ, Baˬbuˇloˬ miˇ kʼahˬ-ahˇ jaˆ-eu Baˬbuˇloˬ meuˬ, Ehˇlehˆ meuˬ, Aˬkaˆ meuˬ, heu smˇ meuˬ meh.

Aˇ dahˬ 11:2

Aˬ yawꞈ maꞈ jawˇ duˬ maˬ ziꞈ leˇ dah-ehˇ, nahˇ ma doˆ kʼehˬ paw doe doe-ehˇ pawˇ pawˇ-ehˇ jawˇ luꞈ ngeh, Baˬbuˇloˬ miˇ kʼahˬ laꞈ kʼoeˇ deh saˇ tiˬ tsahˇ iˇ zaˬ-awˇ, kʼoeˇ gaˇ jawˇ duˬ dah-euˬ meh.

2 Sahˬpaˬ 24:1

Yeˬhawˇyaˬkmˬ sahˬ paˬ geuꞈ luꞈ ngeh, Baˬbuˇloˬ sahˬ paˬ Neˬbuˬkaˬneˬzaˬ Yuˇdaˆ miˇ kʼahˬ-ahˇ uˇ le-awˇ, aˬ yawꞈ uˆ lahˇ-eu uˬ moˆ Yeˬhawˇyaˬkmˬ smˇ kʼoꞈ jawˇ-euˬ meh. Kʼoeˇ naˇ, Neˬbuˬkaˬneˬzaˬ-ahˇ Yeˬhawˇyaˬkmˬ puiˬ-euˬ meh.

2 Laˬsaˬbaˬ 36:5

Yeˬhawˇyaˬkmˬ-aˬ, nyiˬ tseˇ ngaˬ kʼoꞈ kʼawˆ ngeh Yuˇdaˆ miˇ kʼahˬ-euˬ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ tiꞈ kʼoꞈ uˆ lahˇ-euˬ meh. Aˬ yawˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 36:7

Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ tiˬ paˆ na deuˬ-ahˇ Neˬbuˬkaˬneˬzaˬ yuˇ-awˇ, Baˬbuˇloˬ meuˬ-ahˇ aˬ yawꞈ-euˬ nymˇ-ahˇ bi jaˆ-euˬ meh.

Eˇzaˬlaˬ 1:7

Yeˬluˇsaˬlehˬ meuˬ Uˬ duˬ tahˬ nymˇ nymˇ ma laꞈ kʼoeˇ jaˆ luꞈ gaˇ sahˬ paˬ Neˬbuˬkaˬneˬzaˬ neh yuˇ kʼoꞈ laꞈ-awˇ, aˬ yawꞈ-euˬ miˬ yehˇ deuˬ-euˬ uˬ duˬ tahˬ nymˇ laꞈ kʼoeˇ bi jaˆ-euˬ naˬ bo deuˬ hawˇ-eu kʼmˬ maˬ deuˬ, sahˬ paˬ Guˇluˆ neh aˬ yawꞈ maꞈ-ahˇ paˇ biꞈ kʼoꞈ nehˬ-euˬ meh.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 42:24

Iˇsaˬleˬlaˆ-ahˇ tahˇ joe bi joe byoˆ leꞈ ni, tahˇ joe laꞈ-ahˇ dehˬ ahˇ nehˬ-euˬ aˬ suˇ gʼaˬ-a. Aˬ dui mˇ bahˬ-euˬ Sahˬpaˬ Miˬyehˇ neh, tahˇ joe laꞈ-ahˇ dehˬ ahˇ nehˬ laꞈ-euˬ meh. Aˬ yawꞈ nui kʼahˇ aˬ dui maˬ dehꞈ byah-ehˇ, aˬ yawꞈ mehˬ gaˇ aˬ dui maˬ naˇ haˬ geuꞈ nehˬ-aˬ.

Yeˬlaˬmiˇ 25:1

Yeˬhawˇyaˬkmˬ-euˬ aˬ li Yawˇshiˆ Yuˇdaˆ miˇ kʼahˬ-ahˇ uˆ lahˇ luꞈ-eu oeˬ kʼoꞈ tiˬ kʼoꞈ-ahˇ, Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ taꞈ leˇ-eu dawˬ, Sahˬpaˬ Miˬyehˇ ngaˬ-ahˇ biꞈ leꞈ-euˬ meh. (Kʼoeˇ-aˬ, Neˬbuˬkaˬneˬzaˬ Baˬbuˇloˬ miˇ kʼahˬ-ahˇ uˆ lahˇ-euˬ yaw beh kʼoꞈ meh.)

Yeˬlaˬmiˇ 27:16

Kʼoeˇ naˇ, piˇ ma deuˬ hawˇ-eu miˇ kʼahˬ zaˬ deuˬ-ahˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ ngaˇ ehˇ nehˬ-euˬ ma. “Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ kʼoeˇ deuˬ, gʼawˬ myahˇ maˬ gʼeh-ehˇ Baˬbuˇloˬ miˇ kʼahˬ-ahˇ neh paˇ hehˇ kʼoꞈ keuˆ leꞈ tehꞈ-a lehˇ ehˇ luꞈ-eu, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ ehˇ gaˇ taˬ naˇ haˬ. Aˬ yawꞈ maꞈ naw maꞈ-ahˇ jaˬ myawꞈ myawꞈ luꞈ-eu meh.

Yeˬlaˬmiˇ 28:3

Sahˬ paˬ Neˬbuˬkaˬneˬzaˬ neh Baˬbuˇloˬ miˇ kʼahˬ-ahˇ kʼaˇ yuˇ gʼeh-euˬ, Uˬ duˬ tahˬ nymˇ nymˇ ma laꞈ kʼoeˇ jaˆ-euˬ pyuˇ shuiˇ myawˬ gahˬ deuˬ-ahˇ, nyiˬ kʼoꞈ laꞈ kʼoeˇ ngaˇ paˇ yuˇ kʼoꞈ keuˆ leꞈ jiˇ ma.

Yeˬlaˬmiˇ 35:11

Ehˇ kʼawꞈ, Baˬbuˇloˬ sahˬ paˬ Neˬbuˬkaˬneˬzaˬ miˇ kʼahˬ heu kʼahˬ-ahˇ guiˇ deuˆ ahˇ leꞈ ngeh jawˇ, Baˬbuˇloˬ guiˇ maꞈ hawˇ-eu Suˇliˆ guiˇ maꞈ deuˬ-euˬ laꞈ-ahˇ dzeuˇ-iˇ nya ni, Yeˬluˇsaˬlehˬ meuˬ-ahˇ cehˆ jawˇ laˇ-awˇ jawˇ luꞈ-eu ma.”

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Yeˬlaˬmiˇ 51:44

Baˬbuˇloˬ miˇ kʼahˬ-euˬ Beˇleˇ miˬ yehˇ-ahˇ ngaˇ kʼehˬ nehˬ-awˇ, aˬ yawꞈ neh kʼoeˬ uiˬ taˬ-euˬ myawˬ gahˬ deuˬ bi smˬ-iˇ jiˇ ma. Tsawˇ jeuˬ tiˬ jeuˬ-iˬ aˬ yawꞈ-ahˇ uˬ duˬ maˬ tahˬ ni pyeuꞈ-iˇ tehꞈ-a. “Baˬbuˇloˬ meuˬ lahˇ byaˆ-iˇ-euˬ meh.

Daˬyeˬlaˇ 5:13

Daˬyeˬlaˇ-ahˇ sahˬ paˬ jawˇ gaˇ sheuˬ keuˆ laꞈ-awˇ, sahˬ paˬ neh heu loꞈ-ehˇ ehˇ nehˬ-euˬ meh. “Ngaˬ da neh Yuˇdaˆ miˇ kʼahˬ-ahˇ nyehꞈ-awˇ sheuˬ kʼoꞈ laꞈ-euˬ Daˬyeˬlaˇ lehˇ kuˇ-eu kʼoeˇ gʼaˬ nawˇ ma loˇ.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Haˬbaˬkuˆ 1:16

Za baˬ da neh smˇ muiˬ muiˬ-awˇ, yaw kuiˇ ya dzaˬ dehˆ-eu miˇ neh, za-ahˇ aˬ yawꞈ uˬ duˬ tahˬ-awˇ, lawˇ-eu shehˇ-eu jeˬ mˇ-euˬ meh.

Zaˬkaˬliˇ 5:11

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Baˬbuˇloˬ miˇ kʼahˬ-ahˇ tsi gʼeh-awˇ, pawˬ tuˇ kʼoeˇ siˬ gʼaˇ duˬ, kʼoeˇ gaˇ uˬ duˬ tahˬ nymˇ tiˬ nymˇ tsoˆ-eu lehˇ gʼeh-eu meh. Uˬ duˬ tahˬ nymˇ kʼoeˇ nymˇ tsoˆ gʼaˬ naˇ, pawˬ tuˇ kʼoeˇ siˬ kʼoeˇ gaˇ bi jaˆ-awˇ, uˬ duˬ tahˬ tehꞈ-a.”

Dawˬmehˬ 32:30

Yawꞈ maꞈ gʼoe duˬ lo guˇ pyeuꞈ-eu Sahˬpaˬ Miˬyehˇ neh yawꞈ maꞈ-ahˇ maˬ byehˇ dzeh ni haw law nmˇ-aˬ, aˬ cawˬ tsawˇ haˬ tiˬ gʼaˬ tehꞈ-ehˇ, yawꞈ maꞈ tiˬ heˇ gʼaˬ-ahˇ teh-awˇ, aˬ cawˬ tsawˇ haˬ nyiˬ gʼaˬ oe-euˬ, tiˬ muiˇ gʼaˬ-ahˇ gʼaˬ leˇ nmˇ loˇ.

Yaˇ kʼaˬ daˇ 2:14

Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, tahˇ joe baˬ maꞈ pyehˬ gʼeh leꞈ-awˇ, aˬ yawꞈ maꞈ-euˬ myawˬ gahˬ deuˬ bi ceh geuꞈ-euˬ meh. Aˬ yawꞈ maꞈ-euˬ jawˬ jawˬ-ehˇ kʼaˇ jawˇ-eu aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ aˬ yawꞈ maꞈ naˆ maˬ tseˇ gʼaˬ bi kʼaˆ dzehˬ laˇ-awˇ, Iˇsaˬleˬlaˆ tsawˇ haˬ deuˬ aˬ cawˬ-ahˇ maˬ gʼaˬ leˇ ni pyeuꞈ-iˇ-euˬ meh.

Yaˇ kʼaˬ daˇ 3:8

Kʼoeˇ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ nui ma pehˇ laˇ-awˇ, Maˬsoˬpoˬtaˬmiˇ sahˬ paˬ Kuˇshaˬliˇshaˬdeˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, yehꞈ kʼoꞈ byah ni bi uˆ lahˇ-euˬ meh.

Yaˇ kʼaˬ daˇ 4:2

Kʼoeˇ miˇ neh, Sahˬpaˬ Miˬyehˇ-aˬ, Haˬzawˇ meuˬ-ahˇ jawˇ-awˇ uˆ lahˇ-eu Kaˬnaˬ sahˬ paˬ Yaˬbiˬ-ahˇ, Iˇsaˬleˬlaˆ tsawˇ haˬ-ahˇ bi deuˆ gʼaˬ-euˬ meh. Aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ-eu gʼaˬ-aˬ, Gawˇiˆ miˇ kʼahˬ Haˬloˇshehˆ meuˬ-ahˇ jawˇ-eu Siˇseˬlaˇ pyeuꞈ-eu meh.

1 Saˬmeuˬlaˆ 5:2

Kʼoeˇ naˇ, aˬ yawꞈ maꞈ-euˬ Daˬgoˬ miˬ yehˇ-euˬ uˬ duˬ tahˬ nymˇ-ahˇ baꞈ ahˇ gʼeh-awˇ, tahˬ pahˬ aˬ ma mawˇ kawˇ dawˬ peh baꞈ taˬ-awˇ bi jaˆ-euˬ meh.