Daˬyeˬlaˇ 1:18 - Akha

¹⁸ Sahˬ paˬ neh biꞈ-euˬ aˇ yamˬ smˇ kʼoꞈ byah laˇ ngeh, zaˬ guˬ dawˬ tawˆ luꞈ-ahˇ sahˬ paˬ Neˬbuˬkaˬneˬzaˬ jawˇ gaˇ Aˬshaˇpeˬnaˆ sheuˬ gʼeh-euˬ meh.

Daˬyeˬlaˇ 1:18 Iomraidhean Croise

Daˬyeˬlaˇ 1:17

Sahˬ boꞈ hawˇ-eu shaˇ noeˬ-eu tsawˇ gahˇ paw nya-iˇ ni, zaˬ guˬ kʼoeˇ oeˬ gʼaˬ-ahˇ Miˬyehˇ zaˬ siˬ nui gahˇ biꞈ-euˬ meh. Kʼoeˇ uˬ taꞈ, yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu yuꞈ maˆ maˆ mawˇ-euˬ jeˬ-ahˇ dawˬ tsuiꞈ yuˇ doˆ nya-eu tsawˇ gahˇ, Daˬyeˬlaˇ-ahˇ Miˬyehˇ biꞈ-euˬ meh.

Daˬyeˬlaˇ 1:19

Aˬ yawꞈ maꞈ dawˬ tawˆ luꞈ-ahˇ sahˬ paˬ dawˬ ngehˬ cawˬ haw ngeh, Daˬyeˬlaˇ, Haˬnaˬniˇyaˆ, Miˇsheˬlaˇ, Aˬzaˬliˇ aˬ ha oeˬ gʼaˬ, aˬ cawˬ naˆ maˬ tseˇ nya dzehˬ gaˇ ya mawˇ-euˬ meh. Kʼoeˇ ngeh jawˇ aˬ yawꞈ maꞈ sahˬ paˬ-euˬ hawˇ nymˇ laꞈ kʼoeˇ gaˇ mˇ-eu tsawˇ haˬ pyeuꞈ laˇ-euˬ meh.

Daˬyeˬlaˇ 1:5

Sahˬ paˬ-euˬ hawˇ nymˇ laꞈ kʼoeˇ jawˇ-eu tsawˇ haˬ deuˬ dzaˬ-eu dzaˇ hawˇ-eu aˬ gaꞈ dzaˇ uiˇ deuˬ, aˬ yawꞈ nah yawꞈ aˬ yawꞈ maꞈ-ahˇ ya bi dzaˬ ya bi dawˇ meh lehˇ, sahˬ paˬ neh dawˬ biꞈ-euˬ meh. Smˇ kʼoꞈ smˬ myaˇ kʼoeˇ loꞈ-ehˇ dzaw gʼaˬ sawˇ gʼaˬ ngeh jawˇ, sahˬ paˬ-euˬ mehˬ shi aˬ yawꞈ maꞈ ya le-eu meh.

Daˬyeˬlaˇ 2:16

Tiˬ poˆ tehꞈ-ehˇ, sahˬ paˬ jawˇ gaˇ Daˬyeˬlaˇ le-awˇ, yuꞈ maˆ-euˬ dawˬ tsuiꞈ sahˬ paˬ-ahˇ aˬ yawꞈ ehˇ mehˬ nehˬ nya ni, aˇ yamˬ tiˬ kʼehˬ biꞈ laꞈ-eu gʼaˇ duˬ shaˇ leˇ-euˬ meh.