Daˬyeˬlaˇ 1:17 - Akha

¹⁷ Sahˬ boꞈ hawˇ-eu shaˇ noeˬ-eu tsawˇ gahˇ paw nya-iˇ ni, zaˬ guˬ kʼoeˇ oeˬ gʼaˬ-ahˇ Miˬyehˇ zaˬ siˬ nui gahˇ biꞈ-euˬ meh. Kʼoeˇ uˬ taꞈ, yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu yuꞈ maˆ maˆ mawˇ-euˬ jeˬ-ahˇ dawˬ tsuiꞈ yuˇ doˆ nya-eu tsawˇ gahˇ, Daˬyeˬlaˇ-ahˇ Miˬyehˇ biꞈ-euˬ meh.

Daˬyeˬlaˇ 1:17 Iomraidhean Croise

1 Sahˬpaˬ 3:12

Nawˬ neh kʼaˇ shaˇ-euˬ jeˬ ngaˇ mˇ nehˬ ma. Aˇ hu ba neh tiˬ gʼaˬ-iˬ maˬ za haw-ehˇ, aˬ kaˇ kaˇ ziˇ keuˆ ni tiˬ gʼaˬ-iˬ maˬ paˇ za nya-eu zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu nui gahˇ deuˬ, nawˬ-ahˇ ngaˇ biꞈ ma.

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

2 Laˬsaˬbaˬ 1:10

Kʼoeˇ miˇ neh, aˬ yawꞈ maꞈ kʼoeˇ taˆ ngaˇ uˆ lahˇ-eu gʼaˇ duˬ, loˬ-eu zaˬ siˬ tsawˇ gahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ haˬ heu deuˬ-ahˇ ngaˇ aˬ joˆ-ehˇ uˆ lahˇ nmˇ.”

2 Laˬsaˬbaˬ 1:12

Ngaˇ nawˬ-ahˇ zaˬ siˬ tsawˇ gahˇ biꞈ ma. Kʼoeˇ uˬ taꞈ, aˇ hu ba neh aˬ kaˇ kaˇ ziˇ keuˆ ni sahˬ paˬ kʼaˇ geuꞈ-eu tsawˇ haˬ deuˬ tiˬ jawˇ-iˬ maˬ za haw-euˬ smˇ muiˬ smˇ baw baw-eu jeˬ maˬ ehˇ, pyuˇ shuiˇ myawˬ gahˬ maˬ ehˇ, tsawˇ myahˇ doˆ-eu jeˬ maˬ ehˇ, ngaˇ nawˬ-ahˇ biꞈ lahˬ nehˬ ma.”

2 Laˬsaˬbaˬ 26:5

Guiˬ lahˬ saꞈ laˇ paw taꞈ leˇ-awˇ, aˬ yawꞈ-ahˇ nui noeˬ nui duˇ biꞈ-eu gʼaˬ pyeuꞈ-eu Zaˬkaˬliˇ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ aˬ yawꞈ saˇ jaˇ ziꞈ-awˇ, Miˬyehˇ aˬ yawꞈ-ahˇ guiˬ lahˬ biꞈ nehˬ-euˬ meh.

Yawˇbaˆ 32:8

Ehˇ kʼawꞈ, tsawˇ haˬ -ahˇ tsawˇ gahˇ biꞈ-eu gʼaˬ-aˬ, Baoˬ huiˬ-euˬ Miˬyehˇ-euˬ yaw sahˇ meh.

Dawqdaq 2:6

Sahˬpaˬ Miˬyehˇ-aˬ, zaˬ siˬ tsawˇ gahˇ biꞈ-eu gʼaˬ meh. Tsawˇ gahˇ hawˇ-eu noeˬ siˬ noeˬ mawˇ nya-eu jeˬ, aˬ yawꞈ-euˬ kʼaˬ meh-ahˇ neh doˆ le-euˬ meh.

Dawˬ tsoˆ 2:26

Miˬyehˇ-aˬ, aˬ yawꞈ nui ma tsaˬ-eu tsawˇ haˬ deuˬ-ahˇ, yaw muiˬ yaw doeˇ tseˇ paˆ nya-eu nui gahˇ maˬ ehˇ, zaˬ siˬ tsawˇ gahˇ maˬ ehˇ, nui saˇ oꞈ-eu jeˬ maˬ ehˇ, biꞈ nehˬ-eu meh. Ehˇ kʼawꞈ, iˬ baˇ zaˬ deuˬ pyuˇ poˆ shuiˇ poˆ-awˇ jeˬ hmˬ taˬ nya ni, aˬ yawꞈ jahˇ nehˬ-eu meh. Kʼoeˇ-aˬ, aˬ yawꞈ nui kʼahˇ shiˇ-eu tsawˇ haˬ-ahˇ biꞈ nya ni bi poˆ uiˬ taˬ-euˬ gaˇ duˇ-eu meh. Heu deuˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Iˇsaˬyaˇ 28:26

Miˬyehˇ neh mehˬ taˬ-euˬ loꞈ-ehˇ, aˬ yawꞈ-euˬ gaˇ aˬ yawꞈ siˬ nya luꞈ meh.

Yeˬsaˬgeˬlaˇ 28:3

Daˬyeˬlaˇ naˆ maˬ tseˇ gahˇ-awˇ, nawˬ-euˬ mehˬ shi zaꞈ taˬ-euˬ jeˬ, maˬ paˇ jaˆ ma lehˇ nawˇ noeˬ meh.

Daˬyeˬlaˇ 1:18

Sahˬ paˬ neh biꞈ-euˬ aˇ yamˬ smˇ kʼoꞈ byah laˇ ngeh, zaˬ guˬ dawˬ tawˆ luꞈ-ahˇ sahˬ paˬ Neˬbuˬkaˬneˬzaˬ jawˇ gaˇ Aˬshaˇpeˬnaˆ sheuˬ gʼeh-euˬ meh.

Daˬyeˬlaˇ 1:20

Sahˬ paˬ neh kʼaˇ naˇ haˬ-euˬ dawˬ deuˬ hawˇ-eu, zaˬ siˬ tsawˇ gahˇ kʼaˇ pyehˆ tseˇ haw-euˬ yawˬ jeˬ na luꞈ laꞈ kʼoeˇ, miˇ kʼahˬ kʼoeˇ kʼahˬ-ahˇ kʼaˇ jawˇ-eu nyiˇ paˬ shaˆ ma dawˬ tawˆ luꞈ naˆ maˬ tseˇ, aˬ ha oeˬ gʼaˬ tseˇ bymˇ nya dzehˬ gaˇ ya mawˇ-euˬ meh.

Daˬyeˬlaˇ 1:4

Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.

Daˬyeˬlaˇ 10:1

(Sahˬ paˬ Guˇluˆ Paˇshaˇ miˇ kʼahˬ-ahˇ uˆ lahˇ-euˬ smˇ kʼoꞈ tiˬ kʼoꞈ-ahˇ, Beˬteˬshaˬzaˬ lehˇ kuˇ-eu Daˬyeˬlaˇ-ahˇ, dawˬ pah mehˬ le-euˬ meh. Dawˬ kʼoeˇ dawˬ tsaˬ-eu dawˬ pyeuꞈ-eu meh. Ehˇ kʼawꞈ, gʼoˆ shaw nya-eu gʼaˇ duˬ maˬ awˬ-a. Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, dawˬ kʼoeˇ-euˬ dawˬ tsuiꞈ aˬ yawꞈ-ahˇ ehˇ mehˬ nehˬ le-euˬ meh.)

Daˬyeˬlaˇ 2:19

Kʼoeˇ ngeh miˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Daˬyeˬlaˇ-ahˇ dawˬ tsuiꞈ pah mehˬ le-euˬ meh. Kʼoeˇ ngeh, mˬ taˆ Miˬyehˇ-ahˇ Daˬyeˬlaˇ heu loꞈ-ehˇ ja ceuˬ-euˬ meh.

Daˬyeˬlaˇ 2:21

Aˇ yamˬ aˇ law yawꞈ tuˆ tehˬ-awˇ, dzoeˬ dzaˬ dzeˇ paˇ yawꞈ-ahˇ jaˆ-awˇ, zaˬ siˬ nui gahˇ yawꞈ biꞈ-eu meh

Daˬyeˬlaˇ 2:23

Ngaˬ poeˬ ngaˬ bawˇ-euˬ Miˬyehˇ-oˇ, nawˬ-ahˇ ja ceuˬ-awˇ taˬ huiˬ ma. Tsawˇ gahˇ hawˇ-eu gʼaˬ biꞈ laꞈ-awˇ, shaˇ dawˬ naˇ haˬ laꞈ-euˬ uˬ taꞈ, sahˬ paˬ-ahˇ ya tmˇ leˇ-eu dawˬ, nga maꞈ-ahˇ nawˇ mehˬ laꞈ-euˬ meh.”

Daˬyeˬlaˇ 2:30

Naꞈ dui dui-eu gaˇ kawˆ heu-euˬ dawˬ tsuiꞈ, nymˬ-mˇ ngaˬ-ahˇ pah mehˬ nehˬ laꞈ-euˬ meh. Aˬ cawˬ naˆ maˬ tseˇ ngaˇ zaˬ siˬ tsawˇ gahˇ ahˇ dzehˬ-eu miˇ neh, ngaˬ-ahˇ heu loꞈ-ehˇ pah mehˬ nehˬ laꞈ-euˬ maˬ ngeuˇ-a. Ehˇ kʼawꞈ, sahˬ paˬ nawˇ nawˬ-euˬ yuꞈ maˆ dawˬ tsuiꞈ siˬ nya-awˇ, nawˬ-euˬ nui ma-ahˇ pyeuꞈ doˆ laˇ-euˬ nui noeˬ-euˬ dawˬ tsuiꞈ nawˇ ya siˬ ni, ngaˬ-ahˇ heu loꞈ-ehˇ pah mehˬ nehˬ laꞈ-euˬ meh.

Daˬyeˬlaˇ 4:6

Ngaˬ-ahˇ yuꞈ maˆ dawˬ tsuiꞈ bi dzawˇ mehˬ-eu lehˇ, Baˬbuˇloˬ meuˬ-ahˇ kʼaˇ jawˇ-eu sahˬ paˬ-ahˇ nui noeˬ nui duˇ biꞈ-eu tsawˇ haˬ deuˬ-ahˇ, ngaˇ dawˬ biꞈ-awˇ bi kuˇ uiˬ jiˇ-euˬ ma.

Daˬyeˬlaˇ 5:14

Muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, nawˇ bym dui nya dui dui-eu gaˇ kawˆ hawˇ-eu, zaˬ siˬ tsawˇ gahˇ byah dui dui-eu gaˇ kawˆ ngaˇ ya gaˬ-euˬ ma.

Daˬyeˬlaˇ 7:1

Beˬlaˇshaˬzaˬ sahˬ paˬ geuꞈ-awˇ Baˬbuˇloˬ miˇ kʼahˬ-ahˇ uˆ lahˇ-euˬ yaw beh kʼoꞈ-ahˇ, Daˬyeˬlaˇ yuꞈ maˆ maˆ-awˇ aˬ yawꞈ yuꞈ kʼaˆ luꞈ ngeh yaw sahˇ laꞈ kʼoeˇ heu loꞈ-ehˇ ya mawˇ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ, Daˬyeˬlaˇ heu loꞈ-ehˇ boꞈ doˆ taˬ-euˬ meh.

Daˬyeˬlaˇ 8:1

Beˬlaˇshaˬzaˬ sahˬ paˬ geuꞈ-euˬ smˇ kʼoꞈ tiˬ kʼoꞈ-ahˇ, yaw sahˇ laꞈ kʼoeˇ heu loꞈ-ehˇ paˇ ya mawˇ-euˬ ma.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Gʼaˬkʼehˇ 6:10

Ehˇ kʼawꞈ, Yaw sahˇ Miˬyehˇ neh Saˬteˬpaˬ-ahˇ tsawˇ gahˇ biꞈ taˬ-euˬ miˇ neh, aˬ yawꞈ maꞈ maˬ pyehˇ gʼaˬ nya-a.

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.

Gʼaˬkʼehˇ 7:22

Iˇjiˇtuˆ tsawˇ jeuˬ-euˬ zaˬ siˬ tsawˇ gahˇ dawˬ tawˆ luꞈ aˬ yawꞈ ya dzaw-awˇ, ngehˬ-eu tmˇ-eu paw dzeˇ maˬ ehˇ, mˇ-eu shaˇ-eu paw dzeˇ maˬ ehˇ, nya dui dui-eu tsawˇ haˬ tiꞈ gʼaˬ pyeuꞈ laˇ-euˬ meh.

Gawˇlawˇsehˇ 1:9

Kʼoeˇ miˇ neh, naw maꞈ-euˬ gaˇ kawˆ ya gaˬ-euˬ tiˬ nah neh, naw maꞈ gʼaˇ duˬ nga maꞈ guiˬ lahˬ maˬ tsehˆ leˇ ni shaˇ luꞈ-eu ma. Yaw sahˇ Miˬyehˇ neh biꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ laꞈ kʼoeˇ, Miˬyehˇ-euˬ nui kʼahˇ-ahˇ siˬ nya-eu jeˬ naw maꞈ laꞈ kʼoeˇ byah laˇ ni shaˇ luꞈ-eu ma.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.