Dawˬ tsoˆ 7:12 - Akha

¹² Zaˬ siˬ tsawˇ gahˇ pyuˇ-ahˇ duˇ-awˇ, aˬ dui-ahˇ haw piˇ nya-eu meh. Zaˬ siˬ tsawˇ gahˇ-euˬ saꞈ laˇ-ahˇ, zaˬ siˬ tsawˇ gahˇ haw piˇ-eu meh.

Dawˬ tsoˆ 7:12 Iomraidhean Croise

Dawqdaq 8:35

Ngaˬ-ahˇ mawˇ-euˬ tsawˇ haˬ dehꞈ-eu saꞈ laˇ mawˇ-awˇ, aˬ yawꞈ-ahˇ Sahˬpaˬ Miˬyehˇ nui kʼahˇ shiˇ tehꞈ-a.

Dawqdaq 3:18

Zaˬ siˬ tsawˇ gahˇ-ahˇ kʼaˇ tuˆ tehˬ taˬ-euˬ deuˬ, dehꞈ-eu saꞈ laˇ aˇ bawˇ-ahˇ tuˆ tehˬ taˬ gaˇ duˇ-awˇ, aˬ yawꞈ-ahˇ ziꞈ dah ni kʼaˇ tuˆ tehˬ taˬ-euˬ deuˬ-ahˇ, laˬ kʼaˬ cehˇ-eu jeˬ byah-eu tsawˇ haˬ lehˇ kuˇ-eu meh.

Dawqdaq 2:7

Yaw sui yaw dawˇ deuˬ gʼaˇ duˬ muiˬ-eu zaˬ siˬ tsawˇ gahˇ aˬ yawꞈ jeˬ hmˬ taˬ-awˇ, yaw tsaˬ yaw dawˇ tsawˇ haˬ deuˬ-ahˇ aˬ yawꞈ haw piˇ-eu meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 12:50

Aˬ yawꞈ-euˬ dawˬ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ ahˇ meh lehˇ ngaˇ siˬ nya ma. Ngaˬ neh ngehˬ-euˬ dawˬ-aˬ, Aˬ da Miˬ yehˇ neh ngaˬ-ahˇ bi ngehˬ laꞈ-euˬ dawˬ meh.”

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Yaˇ kʼaˬ daˇ 9:15

Aˬ gah baw duˆ ehˇ-eu, ‘Naw maꞈ ngaˬ-ahˇ naw maꞈ-eu sahˬ paˬ aˬ diˇ aˬ maˇ bi geuꞈ mawꞈ te lehˇ ngeuˇ naˇ, ngaˇ jawˇ gaˇ naˇ shmˇ awˆ laˇ-awˬ. Naw maꞈ naˇ shmˇ maˬ awˆ laˇ naˇ, aˬ gah tsoꞈ-eu ngaˬ-eu uˬ pyaˬ uˬ laꞈ deuˬ-ahˇ miˬ dzaˬ doꞈ doˆ laˇ-awˇ, Leˬbaˬnoˬ-ahˇ jaˆ-eu miˬ shuˬ aˇ bawˇ deuˬ-ahˇ puiˆ dzaˬ tehꞈ-a’ lehˇ ehˇ-eu meh.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

Iˇsaˬyaˇ 33:6

Naw maꞈ-euˬ aˇ nah aˇ yamˬ gʼaˇ duˬ, ziꞈ dah ni gʼeh-eu dawˬ pehˬ aˬ yawꞈ meh. Aˬ yawꞈ-euˬ tsawˇ haˬ-ahˇ ka kʼoꞈ nehˬ-awˇ, zaˬ siˬ nui gahˇ biꞈ nehˬ tehꞈ-a. Sahˬpaˬ Miˬyehˇ-ahˇ yaw zeu baw-eu jeˬ-aˬ, huiˬ dzehˬ-eu smˇ muiˬ muiˬ-eu jeˬ meh.

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Dawqdaq 9:11

Zaˬ siˬ tsawˇ gahˇ nawˬ-ahˇ ziˇ bi baw-awˇ, nawˬ-euˬ aˇ kʼoꞈ bi mahˇ dzehˬ laˇ tehꞈ-a.

Dawqdaq 2:11

Yaw muiˬ yaw doeˇ tseˇ paˆ nya-eu tsawˇ gahˇ nawˬ-ahˇ haw piˇ-awˇ, noeˬ siˬ noeˬ mawˇ nya-eu jeˬ nawˬ-ahˇ loꞈ piˇ-eu laꞈ kʼoeˇ,

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Dawˬmehˬ 32:47

Mehˬ-eu tsoˆ-eu dawˬ heu deuˬ-aˬ, gaˇ dahˇ maˬ tsoeˬ-eu dawˬ deuˬ maˬ ngeuˇ-a. Heu-aˬ, naw maꞈ-euˬ dehꞈ jeˬ dehꞈ kawˆ meh. Heu deuˬ-ahˇ naˇ haˬ geuꞈ naˇ, naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ paw jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.”

Iˇsaˬyaˇ 30:2

Ngaˬ-ahˇ tiˬ dawˬ maˬ naˇ haˬ ni, Iˇjiˇtuˆ miˇ kʼahˬ-ahˇ laꞈ jeuˬ shaˇ-awˇ, Iˇjiˇtuˆ sahˬ paˬ-ahˇ jah-eu laꞈ kʼoeˇ, Iˇjiˇtuˆ tsawˇ jeuˬ-ahˇ tahˬ shaˇ-euˬ meh.

Dawqdaq 14:20

Iˇ shaˬ zaˬ-ahˇ aˬ yuiꞈ aˬ nyiˇ maˬ haw nahˇ-ehˇ, smˇ muiˬ zaˬ cawˬ maˬ cawˬ jiˇ coeˇ-a.

Dawˬ tsoˆ 2:13

Yaw zahˇ naˆ maˬ tseˇ yaw shehꞈ muiˬ dzehˬ-eu loꞈ-ehˇ, aˬ dzawˬ aˇ gah gah-eu jeˬ naˆ maˬ tseˇ zaˬ siˬ tsawˇ gahˇ muiˬ dzehˬ meh.

Dawˬ tsoˆ 7:19

Meuˬdzoeˬsahˬpaˬ tseˇgʼaˬ maˬtseˇ, zaˬ siˬ tiˬ gʼaˬ baoˬ huiˬ-eu meh.

Dawˬ tsoˆ 9:16

Zaˬ siˬ tsawˇ gahˇ-aˬ, baoˬ naˆ maˬ tseˇ aˇ poeˬ kʼaˆ dzehˬ meh lehˇ ngaˇ aˬ myah luꞈ ehˇ-eu ma. Ehˇ kʼawꞈ, iˇ shaˬ zaˬ-euˬ zaˬ siˬ tsawˇ gahˇ-ahˇ aˬ cawˬ yaw zeu maˬ baw-ehˇ, aˬ yawꞈ neh ngehˬ-euˬ dawˬ-ahˇ maˬ naˇ haˬ mawꞈ-a.

Dawˬ tsoˆ 9:18

Zaˬ siˬ tsawˇ gahˇ-aˬ, guiˇ deuˆ-eu keu ka naˆ maˬ tseˇ gaˇ dahˇ tsoeˬ-eu meh. Ehˇ kʼawꞈ, iˬ baˇ zaˬ tiˬ gʼaˬ yaw muiˬ gʼawˬ mya jeˬ-ahˇ laˆ cawˆ nya-eu meh.

Dawˬ tsoˆ 10:19

Dzaˬ byawˬ dawˇ byawˬ-eu jeˬ tsawˇ haˬ-ahˇ laˬ kʼaˬ bi cehˇ-awˇ, aˬ gaꞈ dzaˇ uiˇ dawˇ-eu jeˬ nui ma-ahˇ laˆ saˆ nya-eu meh. Ehˇ kʼawꞈ, pyuˇ-aˬ, yawˬ jeˬ na luꞈ jahˇ pyeuꞈ nya-eu meh.