Dawˬ tsoˆ 4:8 - Akha

⁸ Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Dawˬ tsoˆ 4:8 Iomraidhean Croise

Aˇ dahˬ 2:18

Kʼoeˇ naˇ, “Tsawˇ haˬ zaˬ tiˬ gʼaˬ tehꞈ-ehˇ jawˇ-eu maˬ muiˬ-a. Aˬ yawꞈ-ahˇ bi caw ba-eu gʼaˇ duˬ, aˬ yawꞈ-ahˇ geuˇ-eu cawˬ tiˬ gʼaˬ ngaˇ beh nehˬ ma” lehˇ, Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 39:7

“SahˬpaˬMiˬyehˇ-oˇ, ngaˇ aˬjeˬ noeˬtmˬkʼaˇza ta. Nawˬ-ahˇnoeˬtmˬluꞈ-eu tehꞈma.

Dawqdaq 27:20

Tsawˇ haˬ zaˬ-euˬ nui kʼahˇ-aˬ, shiˇ-eu miˇ kʼahˬ-ahˇ duˇ-awˇ,

Dawˬ tsoˆ 1:13

Zaˬ siˬ tsawˇ gahˇ-ahˇ gʼoe-awˇ, mˬ heu siˬ-euˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ-ahˇ pyehˆ tseˇ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ-ahˇ Miˬyehˇ neh ciˬ baꞈ ciˬ pi nehˬ-euˬ kʼaˆ behˆ aˇ naˆ ni kah-eu nga.

Dawˬ tsoˆ 1:8

Gaˇ kawˆ kʼaˇ ngeuˇ-eu dawˬ tawˆ luꞈ, noeˬ shaˬ-eu jeˬ tehꞈ-ehˇ pyeuꞈ-awˇ, kʼaˬ meh neh maˬ ja jiˇ coeˇ-ehˇ, maˬ gaˬ maˬ mawˇ doe jiˇ coeˇ-a.

Dawˬ tsoˆ 2:21

Aˬ jeˬ miˇ neh ehˇ naˇ, zaˬ siˬ tsawˇ gahˇ hawˇ-eu yawˬ ha bym-eu nya-eu jeˬ-ahˇ gʼoe-awˇ, shaˬ doˆ mˇ doˆ taˬ-euˬ yawˬ jeˬ na luꞈ, tiˬ jeˬ-iˬ maˬ mˇ maˬ shaˇ-euˬ gʼaˬ-ahˇ ya a nehˬ yaꞈ-eu meh. Heu-aˬ, tiˬ jeˬ-iˬ gaˇ dahˇ maˬ tsoeˬ-eu uˬ taꞈ, tiˬ pawꞈ-iˬ maˬ tsaˬ maˬ dawˇ-a.

Dawˬ tsoˆ 2:23

Tsawˇ haˬ zaˬ yaw dehꞈ dehꞈ-eu tiˬ ziˇ, noeˬ shaˬ noeˬ zahˬ noeˬ dui noeˬ duiˇ-eu laꞈ kʼoeˇ gaˇ ya mˇ-awˇ, uˬ ciꞈ paw kʼawꞈ nui noeˬ gʼaˬ naˬ naˬ kʼaˇ maˬ za-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 4:7

Nahˇ ma heu siˬ uˬ moˆ gaˇ dahˇ maˬ tsoeˬ-eu tiˬ jeˬ ngaˇ paˇ ya mawˇ-euˬ ma.

Dawˬ tsoˆ 5:10

Pyuˇ shuiˇ-ahˇ gaˬ-eu nui ma aˇ saˬ saˬ-eu maˬ baw-a. Smˇ muiˬ muiˬ laˇ mawꞈ-eu tsawˇ haˬ, nui kʼahˇ tiˬ jawˇ-iˬ maˬ byah-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 5:9

Aˇ saˬ saˬ laˇ ngeh-aˬ, sahˬ paˬ kʼawꞈ cehˇ doˆ le-eu deh yaˇ-ahˇ ya gʼoe-eu meh.

Iˇsaˬyaˇ 5:8

Nymˇ tiˬ nymˇ saˇ-iˬ tiˬ nymˇ tsoˆ lahˬ-awˇ, deh yaˇ tiˬ kawˬ saˇ-iˬ tiˬ kawˬ laˆ lahˬ-eu tsawˇ haˬ, ya noeˬ shaˬ dui dui tehꞈ-a. Aˬ cawˬ jawˇ kʼaˇ maˬ za-ehˇ pyeuꞈ laˇ-awˇ, miˇ kʼahˬ heu hui ni gʼeh-eu laꞈ kʼoeˇ, jawˇ cawˬ maˬ baw ni ya shaˬ tehꞈ-a.

Iˇsaˬyaˇ 55:2

Dzaˬ-eu jeˬ maˬ ngeuˇ-eu gʼaˇ duˬ, aˬ jeˬ miˇ neh pyuˇ zmˬ dzeh te. Uˬ maˆ maˬ dehˆ-eu jeˬ gʼaˇ duˬ, aˬ jeˬ miˇ neh gʼaˬ gaˇ poeˬ zmˬ dzeh te. Ngaˬ-euˬ dawˬ-ahˇ naˇ haˬ geuꞈ-awˇ, gaˇ dahˇ tsoeˬ-eu jeˬ-ahˇ dzaˬ-awˬ. Kuiˇ-eu dzaˇ muiˬ naw maꞈ dzaˬ ngeh, naw maꞈ nui ma tmˬ jawˆ ni jaˆ tehꞈ-a.

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

1 Yoˇhaˬ 2:16

Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.