Dawˬ tsoˆ 4:1 - Akha

¹ Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Dawˬ tsoˆ 4:1 Iomraidhean Croise

Yawˇbaˆ 16:4

Naw maꞈ ngaˇ pyeuꞈ-awˇ, ngaˇ naw maꞈ pyeuꞈ law nmˇ-aˬ, naw maꞈ kʼaˇ ngehˬ-euˬ dawˬ teu deuˬ ngaˇ ngehˬ nya ma. Naw maꞈ ehˇ-eu maˬ ngeuˇ-a lehˇ ngaˇ uˬ duˬ juiꞈ-awˇ, lawˇ baˬ-ahˇ sheu bu-eu loꞈ-ehˇ ngaˬ-euˬ dawˬ laꞈ kʼoeˇ naw maꞈ-ahˇ bi bu dzaˬ nya ma.

Yawˇbaˆ 35:9

Tsawˇ haˬ zaˬ aˬ cawˬ kʼehˬ gaˇ ya daˬ ngeh ngoeˇ-awˇ, ka kʼoꞈ nehˬ-eu tsawˇ haˬ-ahˇ poˆ-eu meh.

Yawˇbaˆ 6:29

Naw maꞈ maˬ tsaˬ maˬ dawˇ-eu jeˬ aˇ dzehˬ mˇ dzeuˇ gʼaˬ meh. Maˬ paˇ mˇ ni byehˇ dzeh-awˬ. Ngaˬ-ahˇ naw maꞈ taˬ ja doeˇ. Ngaˇ-aˬ, tsaˬ-eu dawˇ-eu ma.

Yawˇbaˆ 9:24

Miˬyehˇ haiˬ-eu tsawˇ haˬ-ahˇ miˇ kʼahˬ bi dzaˬ-awˇ, yaˇ kʼaˬ daˇ-eu tsawˇ haˬ dawˬ tawˆ luꞈ-ahˇ myaˆ behꞈ bi behꞈ iˇ-eu meh. Miˬyehˇ maˬ ngeuˇ-ehˇ aˬ suˇ gʼaˬ kʼoeˇ loꞈ-ehˇ jahˇ nmˇ.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 142:4

Ngaˬ-euˬ dawˬ peh ngaˇ haw ngeh, caw ba le-eu tsawˇ haˬ-ahˇ maˬ ya mawˇ-a. Ngaˬ-ahˇ haw piˇ-eu tiˬ gʼaˬ-iˬ maˬ jawˇ-a. Ngaˬ-ahˇ ka kʼoꞈ-eu tiˬ gʼaˬ-iˬ maˬ jawˇ-a.

Jaceuq 142:5

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ guˇ-eu ma. Nawˇ-aˬ, ngaˬ-euˬ gʼoe duˬ ma. Ngaˬ-euˬ tiˬ ziˇ loˬ dui dui-eu jeˬ-aˬ, nawˇ ma.

Jaceuq 42:3

muiˇ-eu deuˬngaˇjawˇgaˇoe-awˇ, “Nawˬ-euˬMiˬyehˇaˬgaˇjawˇta”, maˬtsehˆleˇni naˇhaˬlaˇngeh, uˬciꞈnah gʼahˇmaˬtsehˆleˇni, myaˆbiˇngaˬ-euˬdzaˇgeuꞈ-euˬma.

Jaceuq 42:9

Ngaˬ-euˬgʼoe duˬlo guˇpyeuꞈ-eu, ngaˬ-ahˇhaw piˇ-eu Miˬyehˇ-ahˇ, ngaˇheu loꞈ-ehˇ ehˇnehˬ-eu ma. “Aˬjeˬmiˇneh ngaˬ-ahˇngehˇte. Muiˇ-eu deuˬngaˬ-ahˇzuiˆlaˇgaˇ, aˬjeˬmiˇneh bi daˬlaꞈte.

Jaceuq 69:20

Aˬ cawˬ-euˬ dawˬ doeˇ ngaˬ-euˬ nui ma-ahˇ zaw dui dui laˇ-awˇ, nui ma cawˆ dui dui luꞈ-eu ma. Ngaˬ-ahˇ gʼawˬ shaˬ gaˬ nehˬ laꞈ gaˇ noeˬ tmˬ kʼawꞈ, gʼawˬ shaˬ gaˬ nehˬ laꞈ-eu tiˬ gʼaˬ-iˬ maˬ jawˇ-a. Gʼaˬ biꞈ nehˬ laꞈ gaˇ noeˬ tmˬ kʼawꞈ, gʼaˬ biꞈ nehˬ laꞈ-eu tiˬ gʼaˬ-iˬ maˬ jawˇ-a.

Jaceuq 69:21

Ngaˇ hawˬ mehꞈ ngeh aˬ yawꞈ maꞈ dzaˇ doꞈ biꞈ laꞈ-awˇ, ngaˇ iˇ cuꞈ mehꞈ ngeh doꞈ ahˇ-eu iˇ cuꞈ ciˬ nehˬ laꞈ-eu meh.

Jaceuq 80:5

Nawˇ nga maꞈ-ahˇ noeˬ shaˬ noeˬ zahˬ-eu jeˬ bi dzaˬ laꞈ-awˇ, myaˆ biˇ kʼmˬ maˬ tiˬ byah ni bi dawˇ laꞈ-euˬ meh.

Doˆ-iˇ 1:16

“Heˬbyehˇ tsawˇ haˬ zaˬ miˬ zaˬ deuˬ aˬ nyiˇ ciˬ gaˇ naw nyaꞈ laˆ saˆ ngeh, aˬ li dehꞈ le naˇ laˆ sehꞈ-awˬ. Ehˇ kʼawꞈ, aˬ buˇ dehꞈ le naˇ, maˬ laˆ sehꞈ ni bi buˬ-iˇ-awˬ” lehˇ, zaˬ miˬ zaˬ kʼoeˇ nyiˬ gʼaˬ-ahˇ sahˬ paˬ ehˇ nehˬ-euˬ meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Dawqdaq 19:7

Tsawˇ shaˬ zaˬ-ahˇ mehˇ nmˇ maˬ caw-ehˇ, cawˬ deuˬ dawˬ peh maˬ nyiˬ leˇ-eu miˇ neh, dawˬ gʼoeˇ tehꞈ-ehˇ ngehˬ leˇ kʼawꞈ, myaˆ haw maˬ cawˬ nehˬ-a.

Dawqdaq 28:3

Yaw shaˬ zaˬ-ahˇ kʼehˬ-eu sahˬ paˬ sahˬ ma-aˬ, sahˬ lahˬ gʼawˬ daˇ-ahˇ laˆ cawˆ-eu uˬ yehˇ bahˬ ma-ahˇ duˇ-eu meh.

Dawqdaq 29:2

Yaw tsaˬ yaw dawˇ tsawˇ haˬ dzoeˬ dzaˬ ngeh, miˇ kʼahˬ zaˬ nui saˇ oꞈ-awˇ, maˬ tsaˬ maˬ dawˇ-eu tsawˇ haˬ dzoeˬ dzaˬ ngeh, miˇ kʼahˬ zaˬ ya noeˬ shaˬ tehꞈ-a.

Dawˬ tsoˆ 3:16

Kʼoeˇ uˬ taꞈ, nahˇ ma heu siˬ uˬ moˆ yaw tsaˬ yaw dawˇ jeˬ jaˆ paˬ-ehˇ gʼeh-eu tsahˇ-ahˇ, maˬ tsaˬ maˬ dawˇ-eu jeˬ tehꞈ-ehˇ byah luꞈ gaˇ ngaˇ ya mawˇ-euˬ ma.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Dawˬ tsoˆ 7:7

Zaˬ siˬ tsawˇ gahˇ ahˇ-eu tsawˇ haˬ, aˬ cawˬ-ahˇ nawˬ dzaˬ-eu kʼoeˇ-aˬ, aˬ dzawˬ aˇ gah-euˬ lawˇ behˇ-ahˇ, yawˬ ha shaˇ baꞈ gaˇ duˇ-eu meh. Laꞈ nmꞈ nmꞈ-eu jeˬ mˇ-eu-aˬ, tsawˇ haˬ zaˬ-ahˇ laˆ cawˆ-eu meh.

Dawˬ tsoˆ 8:9

Tsawˇ haˬ zaˬ tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ-eu nahˇ ma heu siˬ uˬ moˆ, kʼaˇ pyeuꞈ luꞈ-eu gaˇ kawˆ deuˬ-ahˇ ngaˇ shaˇ sawˇ haw ngeh, heu deuˬ dawˬ tawˆ luꞈ-ahˇ ngaˇ ya mawˇ-euˬ ma.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

Iˇsaˬyaˇ 59:7

Aˬ myah luꞈ yaw haiˬ jeˬ-ahˇ naw maꞈ shaˇ noeˬ-awˇ, yaw doeˇ maˬ mˇ-ehˇ yawˬ jawˇ maˬ saˇ-a. Tsawˇ muiˬ-ahˇ sehꞈ-eu maˬ nyi naˬ coeˇ-ehˇ, naw maꞈ kʼaˇ iˇ gaˇ yaw cawˆ jeˬ doˆ laˇ-eu meh.

Yeˬlaˬmiˇ 16:7

Gaˬ-eu gʼoeˇ-eu tsawˇ haˬ tiˬ gʼaˬ na shiˇ-euˬ kʼawꞈ, dzaˬ taꞈ dawˇ taꞈ-awˇ, gʼaˬ biꞈ-eu gʼaˬ maˬ jawˇ-ehˇ pyeuꞈ-iˇ tehꞈ-a. Aˬ ma aˬ da bi shiˇ-euˬ tsawˇ haˬ nehˬ-ehˇ kʼawꞈ, jawˇ cawˬ cawˬ nehˬ-eu tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Ngoeˇ dawˬ 1:17

Ziˇoˬ aˬ laꞈ cawˬ miˇ leꞈ gaˇ, caw ba nehˬ-eu gʼaˬ maˬ jawˇ-a. Yaˬkoˆ dawˬ peh kʼaˇ jawˇ-eu deuˬ, dawˬ tawˆ luꞈ Yaˬkoˆ-ahˇ muiˇ ni, Sahˬpaˬ Miˬyehˇ dawˬ biꞈ-euˬ meh. Yawꞈ maꞈ mehˬ shi Yeˬluˇsaˬlehˬ, maˬ shawˇ-eu jeˬ pyeuꞈ gaˇ duˇ meh.

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Aˬmoˆ 3:9

Iˇjiˇtuˆ miˇ kʼahˬ hawˇ-eu Aˬshaˬdoˇ meuˬ-ahˇ sahˬ paˬ-euˬ hawˇ nymˇ deuˬ laꞈ kʼoeˇ jawˇ-eu deuˬ-ahˇ heu loꞈ-ehˇ ehˇ gaˬ nehˬ-awˬ. “Saˬmaˬliˆ meuˬ jawˬ jawˬ-ehˇ jaˆ-eu gawˬ duˇ-ahˇ uiˬ leˇ-awˇ, Saˬmaˬliˆ meuˬ laꞈ kʼoeˇ maˬ tsaˬ maˬ tsahˇ leˇ-ehˇ bahˬ gʼa luꞈ gaˇ hawˇ-eu tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ gaˇ haw-awˬ.”

Maˬlaˬkiˇ 2:13

Naw maꞈ heu loꞈ-ehˇ paˇ ya shaˬ tehꞈ-a. Naw maꞈ neh lawˇ-euˬ shehˇ-euˬ jeˬ-ahˇ Sahˬpaˬ Miˬyehˇ maˬ paˇ ha geuꞈ-eu miˇ neh, naw maꞈ ngoeˇ dui ya dui-awˇ, naw maꞈ-euˬ myaˆ biˇ Sahˬpaˬ Miˬyehˇ-euˬ lawˇ duˬ-ahˇ dahˬ pymˬ tehꞈ-a.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.

Dawˬmehˬ 28:48

Kʼoeˇ miˇ neh, Sahˬpaˬ Miˬyehˇ neh nawˇ jawˇ gaˇ pyehˬ gʼeh leꞈ-euˬ muiˇ-eu deuˬ-ahˇ nawˇ gaˇ ya mˇ nehˬ tehꞈ-a. Nawˇ-aˬ, hawˬ hawˇ-eu iˇ cuꞈ ya dzahˬ-awˇ, mehˬ tsoeˬ maˬ ya dm-ehˇ neˇ nyawˆ ni ya jawˇ-eu uˬ taꞈ, maˬ loˬ-eu tiˬ jeˬ-iˬ maˬ baw ni ya dehꞈ tehꞈ-a. Nawˇ ya luˬ ya seˇ-iˇ ngeh keuˆ ni, Sahˬpaˬ Miˬyehˇ nawˬ-ahˇ yaw kʼaˆ kʼaˆ-ehˇ kʼehˬ nehˬ laꞈ tehꞈ-a.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.

Yaˇ kʼaˬ daˇ 4:3

Yaˬbiˬ-aˬ, shmˇ mahˬ laˆ lawˬ gʼoeˬ yaˇ laˇ jawˇ-awˇ, Iˇsaˬleˬlaˆ tsawˇ haˬ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-eu laꞈ kʼoeˇ, nyiˬ tseˇ kʼoꞈ uˆ lahˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ, caw ba le-awˬ lehˇ guˇ guˇ-ehˇ ngoeˇ-euˬ meh.