Dawˬ tsoˆ 3:7 - Akha7 Gʼeu pyaˬ-eu yamˬ baw-eu loꞈ-ehˇ, guꞈ tmˇ-eu yamˬ kʼawꞈ baw-eu meh. Ciˬ cuˇ jawˇ yamˬ baw-eu loꞈ-ehˇ, dawˬ ja ja-eu yamˬ baw-eu meh. Faic an caibideil |
Yoˇsehˆ-euˬ dawˬ peh Yuˇdaˆ jiˆ peh leˇ-awˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, ngaˬ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, nawˬ nehˬ-ehˇ bya cehˆ ni dawˬ tiˬ poˆ bi ngehˬ cawˬ nehˬ laꞈ sheˇ. Nawˇ-aˬ, Iˇjiˇtuˆ sahˬpaˬ loꞈ-ehˇ huiˬ-eu tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, ngaˬ-ahˇ nui ma taˬ pehˇ nehˬ laꞈ.
Kʼoeˇ naˇ, “Yawˬ ha-euˬ mehˬ tsoeˬ cehˬ pyaˬ cehˬ shaˇ-awˇ, guˬ daˇ pehˇ zeuˇ mehˬ tsoeˬ dm-awˇ, Aˬbaˬnaˬ gʼaˇ duˬ tsawˇ ngoeˇ ngoeˇ-awˬ” lehˇ, Yoˇbaˬ hawˇ-eu aˬ yawꞈ-euˬ tsawˇ haˬ deuˬ-ahˇ Daˬbiˇ dawˬ biꞈ-euˬ meh. Aˬbaˬnaˬ-ahˇ baꞈ pahˬ-iˇ ngeh, sahˬ paˬ Daˬbiˇ gʼaˬ mawˇ dmˬ-euˬ mehˬ nah cah-euˬ meh.
Sahˬ boꞈ kʼoeˇ taꞈ-ahˇ Iˇsaˬleˬlaˆ sahˬ paˬ gui gʼaˬ ngeh, aˬ yawꞈ dm luꞈ-eu mehˬ tsoeˬ cehˬ pyaˬ-awˇ ehˇ-eu, “Tsawˇ haˬ heu gʼaˬ-euˬ naˇ gawˇ laˆ saˆ taˬ nehˬ-awˬ lehˇ, Suˇliˆ sahˬ paˬ ngaˬ-ahˇ aˬ joˆ-ehˇ ehˇ nya-eu nga. Ngaˇ-aˬ, tsawˇ haˬ-ahˇ laˆ dehꞈ laˆ shiˇ nya-eu baoˬ ahˇ-eu miˬyehˇ nga lehˇ aˬ yawꞈ noeˬ ta loˇ. Aˬ yawꞈ ngaˬ-ahˇ nui ma laˆ pehˇ-awˇ, ceh dzaˬ-eu gaˇ ma poˆ-eu lehˇ gʼeh-eu ngaˇ.”
Ngaˇ hawˇ-eu ngaˬ-euˬ tsawˇ jeuˬ-aˬ, aˬ cawˬ neh bi sehꞈ-eu lehˇ bi ahˬ dzaˬ taˬ-euˬ tsawˇ haˬ deuˬ pyeuꞈ-eu ma. Zaˬ kʼaˆ bi geuꞈ-eu gʼaˇ duˬ tehꞈ-ehˇ nga maꞈ-ahˇ ahˬ dzaˬ-euˬ law nmˇ-aˬ, nawˬ-ahˇ heu loꞈ-ehˇ shaˇ shaˇ-ehˇ maˬ paˇ laˆ bahˬ-eu ma. Nymˬ-mˇ-aˬ, nga maꞈ tsawˇ jeuˬ aˇ yoeˬ bi sehꞈ cuˆ-eu keuˆ laˇ taˬ-euˬ meh.”
Miˬyehˇ-euˬ tsawˇ haˬ deuˬ ehˇ-eu, “Aˬ jeˬ miˇ neh aˬ dui maꞈ dzuˇ dzuˇ-ehˇ jawˇ te. Ziꞈ dah ni gʼeh-eu meuˬ deuˬ-ahˇ cehˆ-awˇ, kʼoeˇ gaˇ shiˇ leˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ dui kʼoeˇ taˆ shiˇ-eu jeˬ bi keuˆ le-euˬ meh. Aˬ dui aˬ yawꞈ-ahˇ mˇ lehˬ-euˬ miˇ neh, aˬ dui-ahˇ dzaˇ doꞈ bi dawˇ laꞈ-euˬ meh.
Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.
Beˬtuˆluˆ lehˬ hmˬ-awˇ, aˬ yawꞈ nyaꞈ nehˬ-ehˇ iˇ-euˬ meh. Aˬ yawꞈ iˇ keuˆ ngeh, aˬ yawꞈ-ahˇ nymˇ laꞈ taˆ tiˆ-ahˇ sheuˬ daˆ leꞈ-euˬ meh. Miˬ coeˬ miˬ ma dawˬ tawˆ luꞈ aˬ yawꞈ-euˬ tiˬ jawˬ uiˬ le-awˇ, Dawˬkaꞈ yaw dehꞈ dehꞈ ngeh guꞈ nehˬ yaꞈ-euˬ mehˬ tsoeˬ deuˬ aˬ yawꞈ-ahˇ sheu haw sheu haw-ehˇ ngoeˇ-eu meh.