Dawˬ tsoˆ 10:1 - Akha

¹ Puˬ saˆ yaw shiˇ tiˬ mawˇ baˬ da neh, tsiˇ yaw saw tiˬ tsaꞈ tsaꞈ lah ni buꞈ-iˇ nya-awˇ, aˬ dzawˬ aˇ gah ui cuiˆ tehꞈ-ehˇ gah-euˬ ba da neh, huiˬ dui dui-eu tsawˇ gahˇ deuˬ cawˆ-iˇ nya-eu meh.

Dawˬ tsoˆ 10:1 Iomraidhean Croise

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

Neˬhaˬmiˇ 13:26

Aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. “Aˬ cawˬ tsawˇ jeuˬ zaˬ miˬ zaˬ baˬ da neh sahˬpaˬ Sawˇlaˬmoˬ iˬ baˇ mˇ-euˬ maˬ ngeuˇ-a loˇ. Aˬ yawꞈ-aˬ, aˬ cawˬ tsawˇ jeuˬ-euˬ sahˬpaˬ deuˬ naˆ maˬ tseˇ huiˬ dzehˬ mahˇ dzehˬ-eu gʼaˬ pyeuꞈ-eu meh. Miˬyehˇ aˬ yawꞈ-ahˇ gaˬ-awˇ Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ sahˬpaˬ bi geuꞈ-euˬ kʼawꞈ, aˬ cawˬ tsawˇ jeuˬ zaˬ miˬ zaˬ baˬ da neh aˬ yawꞈ kʼoeˇ loꞈ-ehˇ iˬ baˇ mˇ-euˬ meh.

Neˬhaˬmiˇ 6:13

Ngaˇ kʼoeˇ loꞈ-ehˇ mˇ-eu baˬ da neh iˬ baˇ doˆ laˇ-awˇ, ngaˬ-euˬ tsawˇ myahˇ cawˆ-iˇ-eu uˬ taꞈ shaꞈ dawˇ dui dui paˬ-ehˇ gʼeh-eu daˬ ga-eu jeˬ ngaˬ-euˬ kʼoeˇ taˆ keuˆ le ni, ngaˬ-ahˇ mehˇ shuiˇ bi shuiˇ-eu gʼaˇ duˬ, Sheˬmaˇyaˬ-ahˇ aˬ yawꞈ nyaꞈ kʼehˇ-euˬ meh.

Yawˇbaˆ 6:3

iˬ ma laˆ shaˆ-ahˇ jaˆ-eu kʼaˇ shuiꞈ naˆ maˬ tseˇ kah tehꞈ-a. Kʼoeˇ miˇ neh ngaˇ dawˬ kʼaˆ ngehˬ gaˇ, nawˇ zahˬ leˇ duˬ maˬ jaˆ-a.

Doˆ-iˇ 30:25

Tseˇ doˆ-euˬ deuˬ-ahˇ lehꞈ-eu tsiˇ pyeuꞈ laˇ ni, heu deuˬ dawˬ tawˆ luˬ keuˬ-awˬ.

Dawˬ tsoˆ 9:18

Zaˬ siˬ tsawˇ gahˇ-aˬ, guiˇ deuˆ-eu keu ka naˆ maˬ tseˇ gaˇ dahˇ tsoeˬ-eu meh. Ehˇ kʼawꞈ, iˬ baˇ zaˬ tiˬ gʼaˬ yaw muiˬ gʼawˬ mya jeˬ-ahˇ laˆ cawˆ nya-eu meh.

Haˬgaiˇ 2:12

Tsawˇ haˬ tiˬ gʼaˬ shaˬ jiˇ lawˇ-euˬ yuˇ-awˇ pehˇ kʼahˬ neh dehˬ kaˬ-awˇ yuˇ gʼeh-eu ehˇ-awˬ. Kʼoeˇ naˇ, kaˬ muˇ maˬ ehˇ, jahˇ jaꞈ taˬ-euˬ dzaˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, dzaˇ tiˬ jeˬ-ahˇ pehˇ kʼahˬ kʼoeˇ kahˇ neh ya laˆ ciˆ shaw naˇ, kʼaˇ laˆ ciˆ-euˬ dzaˇ kʼoeˇ shawˇ laˇ ta loˇ lehˇ naˇ haˬ-awˬ.” Dawˬ kʼoeˇ dawˬ naˇ haˬ ngeh, “Maˬ ngeuˇ-a” lehˇ piˇ ma deuˬ ehˇ-eu meh.

Haˬgaiˇ 2:13

Kʼoeˇ naˇ, Haˬgaiˇ heu loꞈ-ehˇ paˇ naˇ haˬ-euˬ meh. “Tsawˇ haˬ tiˬ gʼaˬ na shiˇ taˬ-euˬ jeˬ-ahˇ toeˬ ciˆ naˇ, maˬ shawˇ-eu tsawˇ haˬ pyeuꞈ-iˇ-eu meh. Tsawˇ haˬ kʼoeˇ gʼaˬ dzaˇ kʼoeˇ deuˬ-ahˇ toeˬ ciˆ naˇ, dzaˇ kʼoeˇ deuˬ maˬ shawˇ-eu dzaˇ pyeuꞈ-iˇ meh loˇ” lehˇ naˇ haˬ ngeh, “Ngeuˇ meh” lehˇ piˇ ma deuˬ ehˇ-eu meh.