Dawˬmehˬ 8:8 - Akha

⁸ dzaˬ la gʼo cehˇ maˬ ehˇ, aˬ gaꞈ aˇ siˬ maˬ ehˇ, siˬ guˬ aˇ siˬ maˬ ehˇ, aˇ ka uˆ aˇ siˬ maˬ ehˇ, saˬ loˬ tsiˇ maˬ ehˇ, byaˬ byaˬ uiˇ maˬ ehˇ, za dui dui le-eu miˇ kʼahˬ-ahˇ, naw maꞈ-ahˇ sheuˬ gʼeh luꞈ-eu meh.

Dawˬmehˬ 8:8 Iomraidhean Croise

Aˇ dahˬ 49:11

Muiˬ dui dui-eu aˬ gaꞈ baw duˆ uˬ moˆ, aˬ yawꞈ-euˬ mahˬ tahˬ laˆ-ahˇ aˬ yawꞈ paꞈ tehꞈ-a. Shiˬ loꞈ-ehˇ neˇ-eu aˬ gaꞈ dzaˇ uiˇ laꞈ kʼoeˇ, aˬ yawꞈ-euˬ mehˬ tsoeˬ lehˬ tsiˬ tehꞈ-a.

2 Saˬmeuˬlaˆ 4:6

Laˇ gʼoˆ-ahˇ jawˇ-eu zaˬ miˬ zaˬ kʼoeˇ gʼaˬ cehˇ zaˇ zaˇ luꞈ-eu yuꞈ yoeˇ laˇ-awˇ yuꞈ kʼaˆ-euˬ meh. Kʼoeˇ miˇ neh, Leˬkaˆ hawˇ-eu Baˬnahˬ aˬ nyaꞈ nmˇ iˇ kahˇ laꞈ kʼoeˇ aˬ za za-ehˇ le uˇ-euˬ meh.

1 Sahˬpaˬ 5:11

Sawˇlaˬmoˬ kʼawꞈ, Hiˇlamˬ-euˬ tsawˇ haˬ deuˬ bi dzaˬ-eu gʼaˇ duˬ, aˬ yawꞈ kʼoꞈ yawꞈ cehˇ gʼoeˬ muiˇ daˇ hawˇ-eu, saˬ loˬ tsiˇ oeˬ tseˇ muiˇ jawꞈ-i Hiˇlamˬ-ahˇ biꞈ-euˬ meh.

2 Sahˬpaˬ 18:32

Naw maꞈ-euˬ miˇ kʼahˬ-ahˇ duˇ dui dui-eu miˇ kʼahˬ tiˬ kʼahˬ laꞈ kʼoeˇ, Aˬshuˇliˆ sahˬ paˬ naw maꞈ-ahˇ bi jawˇ nehˬ laꞈ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, aˬ gaꞈ dzaˇ uiˇ jahˇ-eu gʼaˇ duˬ aˬ gaꞈ baw duˆ dehꞈ-awˇ, kaˬ muˇ jahˇ-eu gʼaˇ duˬ cehˇ jaˆ meh. Saˬ loˬ aˇ bawˇ, saˬ loˬ tsiˇ hawˇ-eu byaˬ byaˬ uiˇ jaˆ-eu miˇ kʼahˬ kʼawꞈ pyeuꞈ-eu meh. Aˬ yawꞈ neh kʼaˇ ehˇ-euˬ loꞈ-ehˇ naw maꞈ geuꞈ naˇ, naw maꞈ maˬ shiˇ ni ya dehꞈ tehꞈ-a. Sahˬpaˬ Miˬyehˇ naw maꞈ-ahˇ ka kʼoꞈ le tehꞈ-a lehˇ, Heˬsaˬgiˇ mehˇ shuiˇ shuiˇ gaˇ naw maꞈ taˬ naˇ haˬ.

Jaceuq 147:14

Nawˬ-euˬ miˇ kʼahˬ-ahˇ nui saˇ oꞈ-eu jeˬ aˬ yawꞈ neh bi keuˆ le-awˇ, nawˬ-euˬ nui kʼahˇ tiˬ shiˇ muiˬ dui dui-eu cehˇ bi za le-euˬ meh.

Jaceuq 81:16

Ehˇkʼawꞈ ngaˇ naw maꞈ-ahˇ, muiˬ dui dui-eu cehˇ bi dzaˬ-awˇ, lo guˇ byaˬ uiˇ bi dawˇ dehˆ ma.”

Iˇsaˬyaˇ 7:23

“Aˇ nah aˇ yamˬ kʼoeˇ yamˬ keuˆ le ngeh, aˬ gaꞈ baw duˆ tiˬ heˇ duˆ duˆ-awˇ, pyuˇ maˇ byaˆ tiˬ heˇ byaˆ poeˬ-eu aˬ gaꞈ yaˇ kmˇ dawˬ tawˆ luꞈ, aˬ gah baw duˆ yaˇ saˬ pyeuꞈ jiˇ tehꞈ-a.

Yeˬlaˬmiˇ 2:7

Dzaˬ la gʼo cehˇ mˇ za-awˇ baw le za le ni, miˇ tsaˬ miˇ muiˬ muiˬ-eu miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ sheuˬ uˇ nehˬ-euˬ kʼawꞈ, ngaˬ-euˬ miˇ kʼahˬ aˬ yawꞈ maꞈ laˆ cawˆ-awˇ, ngaˬ neh biꞈ-euˬ jeˬ biˇ laˆ jawꞈ-euˬ meh.

Yeˬlaˬmiˇ 5:17

Naw maꞈ-euˬ dzaˬ la gʼo cehˇ aˬ yawꞈ maꞈ dzaˬ-awˇ, naw maꞈ-euˬ aˬ buˇ aˬ li deuˬ-ahˇ aˬ yawꞈ maꞈ sehꞈ tehꞈ-a. Naw maꞈ-euˬ yawˇ hawˇ-eu mawˇ neˇ sehꞈ dzaˬ-awˇ, aˬ gaꞈ yaˇ kmˇ, siˬ guˬ guˬ yaˇ, aˬ yawꞈ maꞈ laˆ cawˆ jiˇ tehꞈ-a. Naw maꞈ nui kʼaˬ tsmˬ-eu ziꞈ dah ni gʼeh-eu meuˬ deuˬ kʼawꞈ, aˬ yawꞈ maꞈ-euˬ guiˇ maꞈ neh bi laˆ cawˆ tehꞈ-a.

Yeˬsaˬgeˬlaˇ 27:17

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-aˬ, cehˇ, byaˬ byaˬ uiˇ, saˬ loˬ tsiˇ hawˇ-eu tsiˇ yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ gahˬ deuˬ paˇ geuꞈ le-eu meh.

Hawˇseˬ 2:8

Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ dawˬ tawˆ yawꞈ-ahˇ biꞈ-awˇ, Baˬlaˇ-ahˇ uˬ duˬ tahˬ leˇ ngeh, aˬ yawꞈ zmˬ-euˬ myawˬ gahˬ pyeuꞈ-eu, Pyuˇkʼoˇ shuiˇkʼoˇ biꞈ-euˬ kʼoeˇ gʼaˬ, ngaˇ meh lehˇ yawꞈ maˬ siˬ nya-a.

Miˇkaˬ 4:4

Tsawˇ haˬ zaˬ yawˬ gʼaˬ yawˬ na luꞈ, yawˬ ha aˬ gaꞈ baw duˆ uˬ moˆ, yawˬ ha siˬ guˬ aˬ bawˇ uˬ moˆ, nui saˇ oꞈ-awˇ ya nuiˇ meh lehˇ, Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ ehˇ taˬ-euˬ meh.

Haˬbaˬkuˆ 3:17

Siˬ guˬ aˇ yehˆ maˬ yehˆ le-ehˇ, aˬ gaꞈ aˇ siˬ maˬ siˬ le kʼawꞈ, Saˬ loˬ aˇ siˬ maˬ sahˇ le-ehˇ, dzaˬ la gʼo cehˇ maˬ za le kʼawꞈ, ciˬ myehꞈ hawˇ-eu yawˇ shiˇ jiˇ-awˇ, mawˇ neˇ mawˇ kuˆ ciˬ cuˇ jaˆ kʼawꞈ,

Bawˇtsahˬ 13:23

Eˇshaˬkawˇlaˆ deh kʼawꞈ-ahˇ aˬ yawꞈ maꞈ iˇ keuˆ ngeh, aˬ gaꞈ aˇ siˬ aˇ puˇ tiˬ puˇ tehꞈ-ehˇ tsoꞈ-eu aˬ gaꞈ uˬ pyaˬ tiˬ pyaˬ aˬ yawꞈ maꞈ coeˇ tsehˆ-euˬ meh. Aˬ gaꞈ aˇ puˇ kʼoeˇ kah dui dui-eu miˇ neh, tsawˇ haˬ nyiˬ gʼaˬ daˇ kawˬ cawˬ ahˇ-awˇ ya baꞈ-eu meh. Aˇ ka uˆ aˇ siˬ hawˇ-eu siˬ guˬ aˇ siˬ kʼawꞈ, aˬ yawꞈ maꞈ ui cuiˆ yuˇ kʼoꞈ gʼeh-euˬ meh.

Yoˇhaˬ 6:13

Kʼoeˇ naˇ, lawˬ loeˇ kaˬ muˇ kʼoeˇ ngaˬ yaˆ-ahˇ tsawˇ haˬ kʼoeˇ deuˬ dzaˬ dehˆ gʼaˬ-awˇ, dzeˇ laˇ-euˬ deuˬ paˇ gʼoˆ uiˬ ngeh, kʼaˆ puˬ tseˇ nyiꞈ puˬ byah laˇ-euˬ meh.

Yoˇhaˬ 6:9

“Lawˬ loeˇ neh jahˇ taˬ-euˬ kaˬ muˇ ngaˬ yaˆ hawˇ-eu ngaˬ shaˬ nyiˬ mawˇ pi luꞈ-eu aˬ li tiˬ li jawˇ meh. Ehˇ kʼawꞈ, tsawˇ haˬ heu deuˬ-ahˇ aˬ joˆ-ehˇ jahˇ-awˇ biˇ oꞈ nehˬ nya nmˇ.”

Dawˬmehˬ 32:13

“Gawˬ jawˬ yaw goˇ bi uˆ lahˇ-awˇ, deh ga boeˬ nmˬ bi dzaˬ-euˬ meh. Lo guˇ byaˬ uiˇ bi cuˆ dawˇ-awˇ, lo gahˬ kʼoeˇ taˆ ka dehꞈ taˬ-euˬ saˬ loˬ tsiˇ bi dawˇ dehˆ-euˬ meh.

Dawˬmehˬ 32:14

Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.

Dawˬmehˬ 6:3

Iˇsaˬleˬlaˆ tsawˇ haˬ deuˬ-oˇ, zahˇ dawˬ kʼoꞈ dawˬ heu deuˬ-ahˇ naw maꞈ naˇ haˬ geuꞈ-awˇ, caw teh-awˬ. Kʼoeˇ loꞈ-ehˇ jahˇ naˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ yaw muiˬ paˬ-ehˇ ya dehꞈ dzaˬ-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ baoˬ huiˬ-eu tsawˇ jeuˬ pyeuꞈ laˇ tehꞈ-a.

Dawˬmehˬ 8:7

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, baw le za le-eu miˇ kʼahˬ-ahˇ naw maꞈ-ahˇ sheuˬ gʼeh luꞈ-eu meh. Lawˇ baˬ yoeˇ-awˇ iˇ beuˆ doˆ-eu miˇ kʼahˬ, miˇ tsaˬ dawˬ dah yoeˇ-eu lawˇ gawˆ deuˬ gawˬ jawˬ gʼaˬ lawˬ doe ni yoeˇ doˆ luꞈ-eu miˇ kʼahˬ,

Dawˬmehˬ 8:9

Kʼoeˇ gaˇ, naw maꞈ tiˬ jawˇ-iˬ maˬ ya mehꞈ maˬ ya shuꞈ-eu uˬ taꞈ, tiˬ jeˬ-iˬ maˬ loˬ ni ya dehꞈ dzaˬ tehꞈ-a. Kʼoeˇ gaˇ jaˆ-eu lo guˇ deuˬ laꞈ kʼoeˇ, shmˇ doˆ-awˇ, gawˬ duˇ-ahˇ naw maꞈ guiˬ shuiˇ ya duˬ doˆ geuꞈ tehꞈ-a.