Dawˬmehˬ 7:3 - Akha

³ Gʼawˬ shaˬ kʼawꞈ taˬ gaˬ nehˬ. Aˬ yawꞈ maꞈ nehˬ-ehˇ taˬ sheuˬ dahˬ dzaˬ. Naw maꞈ-euˬ zaˬ deuˬ kʼawꞈ aˬ yawꞈ maꞈ-euˬ zaˬ deuˬ nehˬ-ehˇ taˬ bi sheuˬ dahˬ dzaˬ.

Dawˬmehˬ 7:3 Iomraidhean Croise

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

1 Sahˬpaˬ 11:2

Tsawˇ jeuˬ kʼoeˇ deuˬ-euˬ miˬ yehˇ deuˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ gaˇ guˆ-eu miˇ neh, tsawˇ jeuˬ kʼoeˇ deuˬ-ahˇ maˬ ya sheuˬ dahˬ dzaˬ-eu gʼaˇ duˬ Sahˬpaˬ Miˬyehˇ neh dawˬ biꞈ taˬ-euˬ jaˆ-eu kʼawꞈ, tsawˇ jeuˬ kʼoeˇ deuˬ-ahˇ aˬ yawꞈ sheuˬ-euˬ meh.

1 Sahˬpaˬ 16:31

Sahˬ paˬ Yeˬyawˇbamˬ neh mˇ-euˬ iˬ baˇ naˆ ni tehꞈ-ehˇ aˬ yawꞈ nui kʼahˇ maˬ shiˇ-ehˇ, kʼoeˇ naˆ maˬ tseˇ mˇ dzehˬ-eu laꞈ kʼoeˇ, Siˇdoˬ sahˬ paˬ Eˇdaˬbaˬlaˇ-euˬ aˬ buˇ Yeˬsaˬbeˬlaˇ-ahˇ sheuˬ-awˇ, Baˬlaˇ miˬ yehˇ-ahˇ uˬ duˬ tahˬ-euˬ meh.

Eˇzaˬlaˬ 10:3

Nymˬ-mˇ, miˬ zaˬ kʼoeˇ deuˬ hawˇ-eu aˬ yawꞈ maꞈ-euˬ zaˬ deuˬ-ahˇ byehˇ dzeh ma lehˇ aˬ dui-euˬ Miˬyehˇ-ahˇ nga maꞈ saˇ jaˇ dzaˬ ma. Nawˇ hawˇ-eu Miˬyehˇ-euˬ zahˇ dawˬ kʼoꞈ dawˬ-ahˇ yaw zeu baw-eu deuˬ neh ehˇ nehˬ laꞈ-euˬ loꞈ-ehˇ tehꞈ-ehˇ nga maꞈ mˇ ma. Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ nga maꞈ dehꞈ ma.

Eˇzaˬlaˬ 9:12

Kʼoeˇ miˇ neh, naw maꞈ-euˬ zaˬ miˬ zaˬ yo deuˬ hawˇ-eu aˬ yawꞈ maꞈ-euˬ zaˬ miˬ zaˬ yo deuˬ taˬ bi sheuˬ dahˬ dzaˬ taꞈ. Miˇ kʼahˬ kʼoeˇ kʼahˬ naw maꞈ dzaˬ mawꞈ-awˇ, naw maꞈ-euˬ zaˬ deuˬ uˆ deuˬ-euˬ laꞈ-ahˇ bi jaˆ yaꞈ mawꞈ naˇ, kʼoeˇ gaˇ jawˇ-eu tsawˇ haˬ deuˬ dehꞈ dzaˬ laˇ-awˇ baw le za le ni naw maꞈ taˬ caw ba nehˬ lehˇ nawˬ neh ehˇ taˬ-euˬ dawˬ jaˆ-eu meh.

Neˬhaˬmiˇ 10:30

Nga maꞈ-euˬ miˇ kʼahˬ-ahˇ jawˇ luꞈ-eu aˬ cawˬ tsawˇ jeuˬ nehˬ-ehˇ nga maꞈ maˬ sheuˬ dahˬ dzaˬ taꞈ.

Yaˇ kʼaˬ daˇ 14:3

Ehˇ kʼawꞈ, aˬ yawꞈ-euˬ aˬ ma aˬ da aˬ yawꞈ-ahˇ ehˇ nehˬ-eu, “Lawˇ ciꞈ zaˬ pyeuꞈ-eu Piˇliˇtiˆ tsawˇ haˬ deuˬ jawˇ gaˇ aˬ jeˬ miˇ neh nawˇ miˬ zaˬ ya gʼa-iˇ ta. Aˬ dui-euˬ tsawˇ jeuˬ, aˬ dui pehˬ-euˬ aˇ jeuˬ laꞈ kʼoeˇ aˬ buˇ zaˬ guˬ maˬ poˆ mawˇ nya nya loˇ.” Ehˇ kʼawꞈ, Saˬsoˬ aˬ yawꞈ-euˬ aˬ da gʼaˬ-ahˇehˇ nehˬ-eu, “Aˬ buˇ kʼoeˇ gʼaˬ-ahˇ sheuˬ laˬ-iˇ-awˬ. Aˬ yawꞈ-ahˇ ngaˇ mawꞈ dui dui nya.”