Dawˬmehˬ 7:2 - Akha

² Tsawˇ jeuˬ kʼoeˇ deuˬ naw maꞈ-euˬ laꞈ-ahˇ ahˇ le ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-awˇ, aˬ yawꞈ maꞈ dawˬ tawˆ luꞈ-ahˇ naw maꞈ ya sehꞈ meh. Aˬ yawꞈ maꞈ nehˬ-ehˇ saˇ jaˇ taˬ dzaˬ.

Dawˬmehˬ 7:2 Iomraidhean Croise

Aˇ dahˬ 14:20

Nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba nehˬ-euˬ gʼaˬ pyeuꞈ-eu, Huiˬ dui mahˇ dui dui-eu Miˬyehˇ-ahˇ aˬ cawˬ ja ceuˬ luꞈ-uˇ” lehˇ ehˇ-eu meh. Kʼoeˇ ngeh, guiˇ deuˆ gʼaˬ-awˇ kʼaˇ deuˆ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ Aˬbyaˬ yuˇ doˆ-awˇ, Maˬlaˬkiˇsaˬdehˇ-ahˇ damˬ nehˬ-euˬ meh.

2 Saˬmeuˬlaˆ 21:2

Giˇbyoˬ meuˬ-ahˇ jawˇ-eu tsawˇ haˬ deuˬ-aˬ, Iˇsaˬleˬlaˆ tsawˇ haˬ maˬ ngeuˇ-a. Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ neh haw piˇ nehˬ ma lehˇ kamˬ-awˇ bi jawˇ-euˬ Aˬmawˇliˆ tsawˇ jeuˬ aˇ maꞈ tiˬ maꞈ pyeuꞈ-eu meh. Ehˇ kʼawꞈ, Sawˇluˆ-aˬ, Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ deuˬ gʼaˇ duˬ nui ma keuˆ-eu laꞈ kʼoeˇ, aˬ yawꞈ maꞈ-ahˇ laˆ piˬ laˆ byoˆ nehˬ jiˇ-eu lehˇ leh jeh-euˬ meh.

1 Sahˬpaˬ 20:34

Aˬhaˆ-ahˇ Beˬhaˬdaˇ ehˇ nehˬ-eu, “Nawˬ da-euˬ laꞈ-ahˇ ngaˬ da neh yuˇ taˬ-euˬ meuˬ deuˬ nawˬ-ahˇ ngaˇ biꞈ kʼoꞈ-awˇ, ngaˬ da neh Saˬmaˬliˆ meuˬ laꞈ kʼoeˇ jeˬ gaꞈ jeˬ ka mˇ-eu jawˇ duˬ bi baw-euˬ loꞈ-ehˇ, nawˇ kʼawꞈ nawˬ-euˬ gʼaˇ duˬ Daˬmaˬsehˇ meuˬ laꞈ kʼoeˇ jeˬ gaꞈ jeˬ ka mˇ-eu jawˇ duˬ bi jaˆ nya tehꞈ-a.” Aˬhaˆ ehˇ-eu, “Toˆ-ehˇ ngeuˇ naˇ, nawˬ-ahˇ ngaˇ pyehˬ nehˬ ma.” Kʼoeˇ naˇ, aˬ yawꞈ nehˬ-ehˇ saˇ jaˇ dzaˬ taꞈ-eu laꞈ kʼoeˇ, pyehˬ nehˬ-awˇ bi gʼoꞈ leˇ-euˬ meh.

Eˇzaˬlaˬ 10:3

Nymˬ-mˇ, miˬ zaˬ kʼoeˇ deuˬ hawˇ-eu aˬ yawꞈ maꞈ-euˬ zaˬ deuˬ-ahˇ byehˇ dzeh ma lehˇ aˬ dui-euˬ Miˬyehˇ-ahˇ nga maꞈ saˇ jaˇ dzaˬ ma. Nawˇ hawˇ-eu Miˬyehˇ-euˬ zahˇ dawˬ kʼoꞈ dawˬ-ahˇ yaw zeu baw-eu deuˬ neh ehˇ nehˬ laꞈ-euˬ loꞈ-ehˇ tehꞈ-ehˇ nga maꞈ mˇ ma. Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ nga maꞈ dehꞈ ma.

Jaceuq 106:34

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ cawˬ tsawˇ jeuˬ-ahˇ aˬ yawꞈ maꞈ maˬ sehꞈ-a.

Doˆ-iˇ 22:20

“Sahˬpaˬ Miˬyehˇ pyeuꞈ-eu ngaˬ-ahˇ maˬ ngeuˇ ni, miˬyehˇ nui gʼaˬ-ahˇ lawˇ-eu shehˇ-eu tsawˇ haˬ-ahˇ ya sehꞈ byoˆ meh.

Bawˇtsahˬ 21:2

Kʼoeˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ heu loꞈ-ehˇ saˇ jaˇ dzaˬ-euˬ meh. “Nga maꞈ-ahˇ tsawˇ haˬ heu deuˬ-ahˇ bi gʼaˬ leˇ nehˬ laꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ meuˬ dawˬ tawˆ luꞈ, aˬ diˇ aˬ maˇ nawˬ-ahˇ damˬ nehˬ-eu laꞈ kʼoeˇ laˆ luˬ laˆ seˇ nehˬ jiˇ ma.”

Bawˇtsahˬ 31:17

Kʼoeˇ miˇ neh, aˬ li yawˬ gʼaˬ na luꞈ hawˇ-eu, kʼaˬ dzeˇ zaˬ nehˬ-ehˇ kʼaˇ yuꞈ taꞈ haw-euˬ zaˬ miˬ zaˬ yawˬ gʼaˬ na luꞈ-ahˇ nymˬ-mˇ sehꞈ-awˬ.

Bawˇtsahˬ 33:52

kʼoeˇ gaˇ jawˇ luꞈ-eu tsawˇ haˬ dawˬ tawˆ luꞈ-ahˇ ya teh doˆ-awˇ, aˬ yawꞈ maꞈ neh tehˆ taˬ-euˬ tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ uˬ duˬ tahˬ-eu jawˇ duˬ dawˬ tawˆ luꞈ ya laˆ cawˆ jiˇ meh.

Dawˬmehˬ 13:8

Aˬ yawꞈ muˇ juˇ juˇ-eu mehˬ nah naw maꞈ maˬ ya caw teh-a. Aˬ yawꞈ-euˬ dawˬ-ahˇ keuˆ ni, tiˬ pawꞈ-iˬ taˬ naˇ haˬ. Aˬ yawꞈ-ahˇ gʼawˬ shaˬ maˬ ya gaˬ-eu uˬ taꞈ, maˬ ya sheuˬ zaꞈ-a.

Dawˬmehˬ 13:9

Aˬ yawꞈ-ahˇ sehꞈ-awˬ. Aˬ yawꞈ-ahˇ kʼaˬ lo biˬ dawꞈ dawꞈ-awˇ, yawˬ gʼaˬ na luꞈ ga uiˬ-awˇ bi biꞈ sehꞈ-awˬ.

Dawˬmehˬ 19:13

Aˬ yawꞈ-ahˇ gʼawˬ shaˬ taˬ gaˬ. Nawˇ yaw muiˬ paˬ-ehˇ ya dehꞈ dzaˬ-eu gʼaˇ duˬ, kʼoeˇ loꞈ-ehˇ tsawˇ haˬ-ahˇ sehꞈ-eu jeˬ Iˇsaˬleˬlaˆ miˇ kʼahˬ laꞈ kʼoeˇ maˬ ya bi pyeuꞈ doˆ laˇ ni mˇ-awˬ.

Dawˬmehˬ 2:33

Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh, aˬ yawꞈ-ahˇ aˬ dui-euˬ laꞈ-ahˇ bi ahˇ le-awˇ, aˬ yawꞈ-ahˇ maˬ ehˇ, aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ tsawˇ haˬ dawˬ tawˆ luꞈ-ahˇ maˬ ehˇ, aˬ dui sehꞈ-euˬ ma.

Dawˬmehˬ 2:34

Kʼoeˇ ngeh, meuˬ yawˬ meuˬ na luꞈ-ahˇ aˬ dui deuˆ gʼaˬ-eu laꞈ kʼoeˇ, laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, tiˬ gʼaˬ-iˬ maˬ bi dzeuˇ-iˇ ni, dawˬ tawˆ luꞈ-ahˇ sehꞈ-euˬ ma.

Dawˬmehˬ 23:14

Nawˬ-euˬ taˆ-ahˇ, zahˇ sahˇ kʼoꞈ-ahˇ tsaˬ ni yaw muiˬ yaw shawˇ shawˇ-ehˇ bi jaˆ-awˬ. Aˬ jeˬ miˇ neh ehˇ naˇ, nawˬ-ahˇ haw piˇ-eu gʼaˇ duˬ maˬ ehˇ, nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba-eu gʼaˇ duˬ maˬ ehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ taˆ laꞈ kʼoe jawˇ-eu meh. Sahˬpaˬ Miˬyehˇ nawˬ-ahˇ maˬ ya byehˇ dzeh yaꞈ-eu gʼaˇ duˬ, maˬ muiˬ maˬ shawˇ-eu jeˬ maˬ mˇ ni jawˇ-awˬ.

Dawˬmehˬ 25:12

zaˬ miˬ zaˬ kʼoeˇ gʼaˬ-ahˇ gʼawˬ shaˬ maˬ gaˬ ni, aˬ yawꞈ-euˬ aˬ laꞈ ya deuˆ tsehˆ meh.

Dawˬmehˬ 3:3

“Sahˬ paˬ Awˇgaˆ hawˇ-eu aˬ yawꞈ-euˬ tsawˇ haˬ dawˬ tawˆ luꞈ aˬ dui-euˬ laꞈ-ahˇ ahˇ le ni, Sahˬpaˬ Miˬyehˇ jahˇ-awˇ, aˬ yawꞈ maꞈ dawˬ tawˆ luꞈ-ahˇ aˬ dui maꞈ sehꞈ-euˬ ma.

Dawˬmehˬ 31:5

Sahˬpaˬ Miˬyehˇ naw maꞈ-ahˇ tsawˇ jeuˬ kʼoeˇ deuˬ-ahˇ bi gʼaˬ leˇ-awˇ, ngaˬ neh naw maꞈ-ahˇ kʼaˇ ehˇ taˬ-euˬ loꞈ-ehˇ tiˬ pawꞈ-iˬ maˬ bi lehˬ-iˇ ni, tsawˇ jeuˬ kʼoeˇ deuˬ-ahˇ naw maꞈ ya jahˇ nehˬ tehꞈ-a.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

Dawˬmehˬ 7:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ laꞈ-ahˇ bi ahˇ le-euˬ tsawˇ jeuˬ dawˬ tawˆ luꞈ-ahˇ, naw maꞈ laˆ luˬ laˆ seˇ nehˬ-awˬ. Aˬ yawꞈ maꞈ-ahˇ gʼawˬ shaˬ taˬ gaˬ. Aˬ yawꞈ maꞈ-euˬ miˬyehˇ deuˬ-ahˇ uˬ duˬ taˬ tahˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ-ahˇ lahˇ ju kʼmˇ gaˇ duˇ-eu meh.

Dawˬmehˬ 9:3

Aˬ yawꞈ maꞈ tsawˇ haˬ goˇ dui dui-awˇ, gʼaˬ kʼawꞈ kʼaˆ dui dui-eu meh. Aˬ yawꞈ maꞈ-aˬ, huiˬ dui goˇ dui dui-eu tsawˇ haˬ pyeuꞈ-awˇ, aˬ yawꞈ maꞈ-euˬ mehˬ shi aˬ suˇ gʼaˬ yawꞈ leˇ peuˬ ta lehˇ aˬ cawˬ ehˇ-eu naw maꞈ ya gaˬ haw-euˬ meh. Ehˇ kʼawꞈ, miˬ dzaˬ puiˆ daˆ leꞈ-eu loꞈ-ehˇ, tsawˇ haˬ kʼoeˇ deuˬ-ahˇ naw maꞈ yaw kawˇ kawˇ-ehˇ teh doˆ-awˇ laˆ luˬ laˆ seˇ nehˬ nya ni, naw maꞈ le gʼeh leꞈ-eu nehˬ-ehˇ, aˬ yawꞈ maꞈ-ahˇ Sahˬpaˬ Miˬyehˇ deuˆ gʼaˬ tehꞈ-a.

Yawˇshuˆ 10:28

Kʼoeˇ ngeh nah, Maˬgeˬdaˬ meuˬ-ahˇ Yawˇshuˆ deuˆ-awˇ, meuˬ kʼoeˇ meuˬ-euˬ sahˬ paˬ-ahˇ nyehꞈ-euˬ meh. Meuˬ laꞈ kʼoeˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni, yawˬ gʼaˬ na luꞈ-ahˇ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Maˬgeˬdaˬ sahˬ paˬ-ahˇ aˬ yawꞈ jahˇ nehˬ-euˬ meh.

Yawˇshuˆ 10:30

Iˇsaˬleˬlaˆ tsawˇ haˬ deuˬ-ahˇ, meuˬ kʼoeˇ meuˬ hawˇ-eu sahˬ paˬ kʼoeˇ gʼaˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Kʼoeˇ gaˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ maꞈ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, sahˬ paˬ kʼoeˇ gʼaˬ-ahˇ aˬ yawꞈ maꞈ jahˇ nehˬ-euˬ meh.

Yawˇshuˆ 10:32

Guiˇ deuˆ-eu nyiˬ nah tiˬ nah keuˆ laˇ ngeh, Iˇsaˬleˬlaˆ tsawˇ haˬ deuˬ-ahˇ, Laˬkiˇshaˆ meuˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Liˇbaˬnahˬ meuˬ-ahˇ aˬ yawꞈ maꞈ jahˇ nehˬ-euˬ loꞈ-ehˇ, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni sehꞈ-euˬ meh.

Yawˇshuˆ 10:40

Miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Gawˬ jawˬ gawˬ duˇ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu deh ga deuˬ-ahˇ jawˇ-eu sahˬ paˬ deuˬ-ahˇ maˬ ehˇ, laꞈ oˆ paw pyawˬ-ahˇ, gui coˇ ni gʼeh-eu miˇ kʼahˬ-ahˇ jawˇ-eu sahˬ paˬ deuˬ-ahˇ maˬ ehˇ, aˬ yawꞈ deuˆ gʼaˬ-euˬ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ sehꞈ-euˬ meh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Yawˇshuˆ 11:8

Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ tsawˇ haˬ kʼoeˇ deuˬ kʼoeˇ taˆ bi gʼaˬ leˇ-euˬ meh. Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ deuˆ-ehˇ teh-awˇ, laꞈ taˆ paw Miˇsaˬleˬpawˇmeˬ meuˬ hawˇ-euˬ Siˇdoˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw Miˇzaˬpaˬ deh kʼawꞈ-ahˇ keuˆ ni maˬ ehˇ, teh keuˆ gʼeh-euˬ meh. Muiˇ-eu deuˬ tiˬ gʼaˬ-iˬ maˬ dehꞈ-ehˇ pyeuꞈ-iˇ ngeh keuˆ ni, maˬ naˬ leˇ ni guiˇ deuˆ-euˬ meh.

Yawˇshuˆ 2:14

Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ neh ehˇ taˬ-euˬ loꞈ-ehˇ nga nyaꞈ maˬ mˇ naˇ, Miˬyehˇ nga nyaꞈ-ahˇ sehꞈ luꞈ-uˇ. Nga nyaꞈ neh mˇ yaꞈ-eu gaˇ kawˆ tsawˇ haˬ tiˬ gʼaˬ-ahˇ-iˬ nawˇ maˬ ehˇ nehˬ ni jawˇ naˇ, miˇ kʼahˬ heu kʼahˬ Sahˬpaˬ Miˬyehˇ nga maꞈ-ahˇ biꞈ laꞈ ngeh, nawˬ-ahˇ yaw muiˬ paˬ-ehˇ haw nehˬ ma.”

Yawˇshuˆ 21:44

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh.

Yawˇshuˆ 8:24

Aˬ yawꞈ maꞈ-ahˇ caw teh keuˆ le-euˬ juˇ tsui ni gʼeh-eu bawˇ tsahˬ-ahˇ, muiˇ-eu tsawˇ haˬ yawˬ gʼaˬ na luꞈ-ahˇ Iˇsaˬleˬlaˆ tsawˇ haˬ deuˬ neh sehꞈ jiˇ-euˬ meh. Kʼoeˇ naˇ, Aˬiˇ meuˬ-ahˇ aˬ yawꞈ maꞈ paˇ le-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ sehꞈ-euˬ meh.

Yawˇshuˆ 9:24

Aˬ yawꞈ maꞈ ehˇ-eu, “Miˇ kʼahˬ heu kʼahˬ kʼahˬ lahˬ ni naw maꞈ-ahˇ biꞈ-awˇ, naw maꞈ laˇ uˇ-eu nehˬ-ehˇ miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-ahˇ sehꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ dawˬ biꞈ taˬ-euˬ aˬ diˇ aˬ maˇ ngeuˇ meh lehˇ nga maꞈ ya siˬ duˬ-euˬ miˇ neh, kʼoeˇ loꞈ-ehˇ mˇ-euˬ ma. Naw maꞈ-ahˇ nga maꞈ guˆ dui dui-awˇ, nga maꞈ ya shiˇ gaˇ kʼahˬ lahˇ-eu miˇ neh, kʼoeˇ loꞈ-ehˇ mˇ-euˬ ma.

Yawˇshuˆ 9:7

Ehˇ kʼawꞈ, Iˇsaˬleˬlaˆ tsawˇ haˬ deuˬ ehˇ-eu, “Aˬ jeˬ miˇ neh nga maꞈ naw maꞈ nehˬ-ehˇ saˇ jaˇ ya dzaˬ taꞈ ta. Naw maꞈ dawˬ peh jawˇ-eu tsawˇ haˬ pyeuꞈ-eu maˬ siˬ tawˇ.”

Yaˇ kʼaˬ daˇ 1:24

Kʼoeˬ sho haw-iˇ-euˬ tsawˇ haˬ kʼoeˇ deuˬ, tsawˇ haˬ tiˬ gʼaˬ meuˬ laꞈ kʼoeˇ neh doˆ le luꞈ-eu ya mawˇ-awˇ, “Nga maꞈ-ahˇ meuˬ-ahˇ uˇ le-eu gaˇ ma mehˬ nehˬ laꞈ-awˬ. Nga maꞈ nawˬ-ahˇ tiˬ jeˬ-iˬ maˬ jahˇ” lehˇ ehˇ nehˬ-euˬ meh.

Yaˇ kʼaˬ daˇ 1:4

Yuˇdaˆ tsawˇ haˬ deuˬ guiˇ deuˆ leˇ-awˇ, Kaˬnaˬ tsawˇ jeuˬ hawˇ-eu Paˬyehˆ tsawˇ jeuˬ kʼoeˇ taˆ, aˬ yawꞈ maꞈ-ahˇ Sahˬpaˬ Miˬyehˇ bi gʼaˬ leˇ-awˇ, Beˬzehˇ meuˬ laꞈ kʼoeˇ tsawˇ haˬ tiˬ heˇ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Yaˇ kʼaˬ daˇ 2:2

Miˇ kʼahˬ heu kʼahˬ-ahˇ jawˇ-eu tsawˇ haˬ nehˬ-ehˇ naw maꞈ dawˬ ma saˇ jaˇ maˬ ya dzaˬ-eu uˬ taꞈ, aˬ yawꞈ maꞈ-euˬ lawˇ guiˇ deuˬ-ahˇ naw maꞈ ya laˆ cawˆ meh lehˇ ngaˇ ehˇ taˬ-euˬ ma. Ehˇ kʼawꞈ, ngaˬ neh ehˇ taˬ-euˬ loꞈ-ehˇ naw maꞈ maˬ mˇ-a.