Dawˬmehˬ 3:6 - Akha

⁶ Heˬshaˬboˬ meuˬ-ahˇ jawˇ-eu sahˬ paˬ Siˇhoˬ-euˬ meuˬ deuˬ-ahˇ aˬ dui neh jahˇ nehˬ-euˬ loꞈ-ehˇ, aˬ yawꞈ maꞈ-euˬ meuˬ dawˬ tawˆ luꞈ-ahˇ laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, dawˬ tawˆ luꞈ-ahˇ sehꞈ jiˇ nehˬ-euˬ ma.

Dawˬmehˬ 3:6 Iomraidhean Croise

Bawˇtsahˬ 21:2

Kʼoeˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ heu loꞈ-ehˇ saˇ jaˇ dzaˬ-euˬ meh. “Nga maꞈ-ahˇ tsawˇ haˬ heu deuˬ-ahˇ bi gʼaˬ leˇ nehˬ laꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ meuˬ dawˬ tawˆ luꞈ, aˬ diˇ aˬ maˇ nawˬ-ahˇ damˬ nehˬ-eu laꞈ kʼoeˇ laˆ luˬ laˆ seˇ nehˬ jiˇ ma.”

Dawˬmehˬ 1:4

Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬpaˬ Siˇhoˬ hawˇ-eu, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-eu Baˬshaˬ miˇ kʼahˬ-euˬ sahˬpaˬ Awˇgaˆ aˬ nyaꞈ-ahˇ Moˇseˬ gʼaˬ leˇ gʼaˬ miˇ tsa, aˇ nah hawˇ-eu aˬ yawꞈ maꞈ-ahˇ kʼoeˇ loꞈ-ehˇ ehˇ nehˬ-euˬ meh.

Dawˬmehˬ 2:24

“Mawˇbaˆ miˇ kʼahˬ-ahˇ aˬ dui maꞈ tsehˆ doˆ dzeuˇ gʼaˬ ngeh, Sahˬpaˬ Miˬyehˇ ehˇ-eu, ‘Iˇ-awˇ, Aˬnoˬ lawˇ baˬ tsehˆ-awˬ. Heˬshaˬboˬ meuˬ-ahˇ jawˇ-eu Aˬmoˬ sahˬ paˬ Siˇhoˬ hawˇ-eu aˬ yawꞈ-euˬ miˇ kʼahˬ naw maꞈ-ahˇ ngaˇ biꞈ-eu ma. Aˬ yawꞈ-ahˇ guiˇ deuˆ-awˇ, aˬ yawꞈ-euˬ miˇ kʼahˬ deuˆ geuꞈ-awˬ.

Dawˬmehˬ 2:34

Kʼoeˇ ngeh, meuˬ yawˬ meuˬ na luꞈ-ahˇ aˬ dui deuˆ gʼaˬ-eu laꞈ kʼoeˇ, laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, tiˬ gʼaˬ-iˬ maˬ bi dzeuˇ-iˇ ni, dawˬ tawˆ luꞈ-ahˇ sehꞈ-euˬ ma.

Dawˬmehˬ 29:6

Naw maꞈ dzaˬ-eu gʼaˇ duˬ kaˬ muˇ maˬ jaˆ-ehˇ, naw maꞈ dawˇ-eu gʼaˇ duˬ aˬ gaꞈ dzaˇ uiˇ maˬ jaˆ-a. Ehˇ kʼawꞈ, Sahˬpaˬ Miˬyehˇ aˬ yawꞈ naw maꞈ-euˬ Miˬyehˇ pyeuꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ-eu gʼaˇ duˬ, naw maꞈ kʼaˇ loˬ-eu jeˬ Sahˬpaˬ Miˬyehˇ naw maꞈ-ahˇ biꞈ nehˬ-euˬ meh.

Dawˬmehˬ 3:2

Ehˇ kʼawꞈ, Sahˬpaˬ Miˬyehˇ ngaˬ-ahˇ ehˇ-eu, ‘Aˬ yawꞈ-ahˇ taˬ guˆ. Aˬ yawꞈ hawˇ-eu aˬ yawꞈ-euˬ tsawˇ haˬ deuˬ maˬ ehˇ, aˬ yawꞈ-euˬ miˇ kʼahˬ dawˬ tawˆ luꞈ maꞈ ehˇ, nawˬ-ahˇ ngaˇ biꞈ ma. Heˬshaˬboˬ meuˬ-ahˇ jawˇ-eu Aˬmawˇliˆ sahˬ paˬ Siˇhoˬ-ahˇ jahˇ nehˬ-euˬ loꞈ-ehˇ, aˬ yawꞈ-ahˇ kʼawꞈ jahˇ nehˬ-awˬ’ lehˇ ehˇ-eu meh.

Dawˬmehˬ 3:5

Meuˬ kʼoeˇ deuˬ dawˬ tawˆ luꞈ-ahˇ goˇ dui dui-eu meuˬ lahˇ gawˬ taˬ-awˇ, meuˬ lahˇ lahˇ kʼehˬ deuˬ ziꞈ dah ni jahˇ taˬ-euˬ meh. Kʼoeˇ uˬ taꞈ, meuˬ lahˇ maˬ baw-eu pu pu ma gʼawˬ mya ni jaˆ-eu meh.

Yawˇshuˆ 11:14

Meuˬ heu deuˬ laꞈ kʼoeˇ jaˆ-eu myawˬ deuˬ hawˇ-eu jeˬ zaˬ deuˬ-ahˇ, Iˇsaˬleˬlaˆ tsawˇ haˬ deuˬ yawˬ ha gʼaˇ duˬ yuˇ geuꞈ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ maꞈ sehꞈ jiˇ-euˬ meh.