Dawˬmehˬ 3:1 - Akha

¹ “Kʼoeˇ naˇ, laꞈ taˆ paw pyawˬ-ahˇ Baˬshaˬ paw aˬ dui maꞈ daˆ leˇ-awˇ, sahˬ paˬ Awˇgaˆ aˬ dui maꞈ-ahˇ guiˇ deuˆ le-eu lehˇ aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ Eˬdiˇliˇ meuˬ dawˬ peh oe-euˬ meh.

Dawˬmehˬ 3:1 Iomraidhean Croise

1 Sahˬpaˬ 4:19

Uˇliˆ-euˬ aˬ li Geˬbeuˬ-aˬ, Aˬmoˬ sahˬ paˬ Siˇhoˬ hawˇ-eu Baˬshaˬ sahˬ paˬ Awˇgaˆ aˬ nyaꞈ neh uˆ lahˇ-euˬ miˇ kʼahˬ pyeuꞈ-eu Giˇlaˆ gahˬ kaˬ-ahˇ haw-eu pyaˆ-eu gʼaˬ geuꞈ-euˬ meh. Sahˬ paˬ sahˬ ma kʼoeˇ tseˇ nyiꞈ gʼaˬ uˬ taꞈ, miˇ kʼahˬ kʼahˬ lah ni kʼoeˇ taˆ haw-eu pyaˆ-eu tiˬ gʼaˬ paˇ bi jawˇ-euˬ meh.

Neˬhaˬmiˇ 9:22

Aˬ yawꞈ maꞈ-euˬ dawˬ peh jaˆ-eu miˇ kʼahˬ hawˇ-eu, dawˬ peh jawˇ-eu tsawˇ jeuˬ deuˬ-ahˇ, aˬ yawꞈ maꞈ gʼaˬ leˇ ni nawˇ caw ba nehˬ-euˬ meh. Siˇhoˬ uˆ lahˇ-euˬ Heˬshaˬboˬ miˇ kʼahˬ hawˇ-eu, Awˇgaˆ sahˬ paˬ geuꞈ-awˇ dzoeˬ-eu Baˬshaˬ miˇ kʼahˬ, aˬ yawꞈ maꞈ neh deuˆ gʼaˬ-euˬ meh.

Jaceuq 136:20

Baˬshaˬ sahˬ paˬ Awˇgaˆ-ahˇ kʼawꞈ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Dawˬmehˬ 1:4

Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬpaˬ Siˇhoˬ hawˇ-eu, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-eu Baˬshaˬ miˇ kʼahˬ-euˬ sahˬpaˬ Awˇgaˆ aˬ nyaꞈ-ahˇ Moˇseˬ gʼaˬ leˇ gʼaˬ miˇ tsa, aˇ nah hawˇ-eu aˬ yawꞈ maꞈ-ahˇ kʼoeˇ loꞈ-ehˇ ehˇ nehˬ-euˬ meh.

Dawˬmehˬ 2:32

Siˇhoˬ-aˬ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ dui maꞈ-ahˇ guiˇ deuˆ-eu lehˇ Yaˬhaˇ meuˬ dawˬ peh oe-euˬ meh.

Dawˬmehˬ 29:7

Kʼoeˇ naˇ, jawˇ duˬ heu tsahˇ-ahˇ aˬ dui laˇ keuˆ ngeh, Heˬshaˬboˬ meuˬ-ahˇ jawˇ-eu sahˬ paˬ Siˇhoˬ hawˇ-eu Baˬshaˬ meuˬ-ahˇ jawˇ-eu sahˬ paˬ Awˇgaˆ aˬ nyaꞈ, aˬ dui maꞈ-ahˇ guiˇ deuˆ le-euˬ meh. Ehˇ kʼawꞈ, aˬ yawꞈ nyaꞈ-ahˇ aˬ dui deuˆ gʼaˬ ma.

Dawˬmehˬ 3:2

Ehˇ kʼawꞈ, Sahˬpaˬ Miˬyehˇ ngaˬ-ahˇ ehˇ-eu, ‘Aˬ yawꞈ-ahˇ taˬ guˆ. Aˬ yawꞈ hawˇ-eu aˬ yawꞈ-euˬ tsawˇ haˬ deuˬ maˬ ehˇ, aˬ yawꞈ-euˬ miˇ kʼahˬ dawˬ tawˆ luꞈ maꞈ ehˇ, nawˬ-ahˇ ngaˇ biꞈ ma. Heˬshaˬboˬ meuˬ-ahˇ jawˇ-eu Aˬmawˇliˆ sahˬ paˬ Siˇhoˬ-ahˇ jahˇ nehˬ-euˬ loꞈ-ehˇ, aˬ yawꞈ-ahˇ kʼawꞈ jahˇ nehˬ-awˬ’ lehˇ ehˇ-eu meh.

Dawˬmehˬ 31:4

Aˬmawˇliˆ tsawˇ haˬ deuˬ-euˬ sahˬ paˬ pyeuꞈ-eu Siˇhoˬ hawˇ-eu Awˇgaˆ-ahˇ aˬ yawꞈ guiˇ deuˆ gʼaˬ-awˇ, aˬ yawꞈ maꞈ-euˬ miˇ kʼahˬ-ahˇ laˆ luˬ laˆ seˇ nehˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ kʼawꞈ Sahˬpaˬ Miˬyehˇ laˆ luˬ laˆ seˇ nehˬ tehꞈ-a.

Dawˬmehˬ 4:47

Aˬ yawꞈ-euˬ miˇ kʼahˬ hawˇ-eu Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmoˬ sahˬ paˬ yawˬ gʼaˬ yawˬ pyeuꞈ-eu Baˬshaˬ sahˬ paˬ Awˇgaˆ-euˬ miˇ kʼahˬ-ahˇ aˬ yawꞈ maꞈ deuˆ geuꞈ-euˬ meh.

Yawˇshuˆ 12:1

Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Yawˇshuˆ 12:4

Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ sahˬ paˬ Awˇgaˆ-ahˇ kʼawꞈ, aˬ yawꞈ maꞈ neh deuˆ gʼaˬ-euˬ meh.

Yawˇshuˆ 13:30

Aˬ yawꞈ maꞈ-euˬ miˇ kʼahˬ-aˬ, Maˬhaˬneˬ-ahˇ neh aˇ dahˬ beh-awˇ, Baˬshaˬ sahˬ paˬ Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ kʼahˬ lah ni maˬ ehˇ, Baˬshaˬ miˇ kʼahˬ laꞈ kʼoeˇ jaˆ-eu Yaˬiˇlaˆ-euˬ pu koꞈ tseˇ pu maˬ ehˇ, ahˇ leˇ taˬ-euˬ meh.

Yawˇshuˆ 9:10

Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Heˬshaˬboˬ sahˬ paˬ Siˇhoˬ hawˇ-eu Aˬshaˇtaˬyoˇ meuˬ-ahˇ jawˇ-eu Baˬshaˬ sahˬ paˬ Awˇgaˆ-ahˇ aˬ yawꞈ neh jahˇ nehˬ-euˬ gaˇ kawˆ kʼawꞈ nga maꞈ ya gaˬ-euˬ ma.