Dawˬmehˬ 26:5 - Akha

⁵ Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.

Dawˬmehˬ 26:5 Iomraidhean Croise

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 24:4

Ngaˇ dehꞈ le-euˬ miˇ kʼahˬ-ahˇ le-awˇ, ngaˬ-euˬ aˬ yuiꞈ aˬ nyiˇ deuˬ laꞈ kʼoeˇ, ngaˬ li gʼaˇ duˬ miˬ zaˬ tiˬ gʼaˬ nawˇ ya shaˇ poˆ nehˬ-iˇ meh.”

Aˇ dahˬ 25:20

Iˇtsaˆ-aˬ, Laˬbaˬ-euˬ dmˇ ma Leˬbehˇkaꞈ-ahˇ sheuˬ ngeh, aˇ kʼoꞈ oeˬ tseˇ byah laˇ-euˬ meh. Leˬbehˇkaꞈ-euˬ aˬ da-aˬ, Beˬtuˬlaˇ lehˇ myahˇ-euˬ Maˬsoˬpoˬtaˬmiˇ miˇ kʼahˬ-ahˇ jawˇ-eu Aˬlamˬ tsawˇ jeuˬ pyeuꞈ-eu meh.

Aˇ dahˬ 27:41

Iˇtsaˆ neh Yaˬkoˆ-ahˇ dawˬ ngehˬ gʼeh nehˬ-euˬ miˇ neh, Yaˬkoˆ-ahˇ Iˇsawˇ muiˇ-eu meh. Iˇsawˇ-euˬ nui ma laꞈ kʼoeˇ, “Ngaˬ da ziˇ jiˇ-eu dawˬ peh peh laˇ-euˬ meh. Haw taˬ lawˬ. Zaˬ heu gʼaˬ-ahˇ ngaˇ sehꞈ ma” lehˇ noeˬ luꞈ-eu meh.

Aˇ dahˬ 28:5

Kʼoeˇ naˇ, Maˬsoˬpoˬtaˬmiˇ miˇ kʼahˬ-ahˇ, Aˬlamˬ tsawˇ jeuˬ Beˬtuˬlaˇ-euˬ aˬ li Laˬbaˬ jawˇ gaˇ, Yaˬkoˆ-ahˇ Iˇtsaˆ bi le-euˬ meh. Laˬbaˬ-aˬ, Yaˬkoˆ-euˬ aˬ gʼoe meh.

Aˇ dahˬ 31:20

Yaˬkoˆ-aˬ, aˬ yawꞈ gʼoꞈ-iˇ-eu lehˇ gʼeh-eu gaˇ kawˆ Laˬbaˬ-ahˇ maˬ bi siˬ ni, tsawˇ gahˇ gahˇ dzeuˇ-awˇ cehˆ-euˬ meh.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 31:40

Nah gʼahˇ paw nahˇ tsaˇ kʼaˆ ngeh, nahˇ tsaˇ lawꞈ lawꞈ-ehˇ gʼawˬ mya poˆ ya shaˬ-awˇ, uˬ ciꞈ paw yaw gaˆ gaˆ dui dui-eu miˇ neh, maˬ yuꞈ kʼaˆ leˇ ni gʼawˬ mya miˇ shaˬ bya-euˬ ma.

Aˇ dahˬ 43:12

Pyuˇ gʼeh, yaw beh poˆ myaˆ maˬ tseˇ nyiˬ myaˆ yuˇ gʼeh-awˬ. Aˬ jeˬ miˇ neh ehˇ naˇ, naw maꞈ-euˬ cehˇ pehˇ zeuˇ laꞈ kʼoeˇ dawˆ ahˇ kʼoꞈ taˬ-euˬ pyuˇ kʼoeˇ deuˬ kʼawꞈ paˇ biꞈ kʼoꞈ-iˇ-eu tsaˬ tehꞈ-a. Aˬ yawꞈ maꞈ ngehˇ-awˇ dawˆ ahˇ bahˬ-euˬ baw le.

Aˇ dahˬ 45:11

Goˬsheˬ miˇ tsaˬ-ahˇ nawˇ jawˇ le naˇ, nawˬ-ahˇ ngaˇ haw piˇ nehˬ nya ma. Mehꞈ-eu shuꞈ-eu aˇ kʼoꞈ ngaˬ kʼoꞈ dzeˇ-a siˬ. Nawˇ hawˇ-eu nawˬ-euˬ miˬ sawˇ zaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, mehꞈ-eu shuꞈ-eu jeˬ-ahˇ maˬ bi daˬ mawꞈ nya lehˇ tsaꞈ ahˇ laꞈ-euˬ meh lehˇ ehˇ nehˬ-awˬ.”

Aˇ dahˬ 45:7

Naw maꞈ hawˇ-eu naw maꞈ-euˬ zaˬ deuˬ mehꞈ-eu shuꞈ-eu baˬ da neh maˬ ya shiˇ jiˇ ni, Miˬyehˇ ngaˬ-ahˇ heu gaˇ kʼehˇ gʼeh leꞈ-euˬ heu, zahˬ leˇ paˬ-ehˇ gʼeh dui dui meh.

Aˇ dahˬ 46:27

Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu Yaˬkoˆ-euˬ aˬ li Yoˇsehˆ gʼaˬ kʼawꞈ, aˬ li nyiˬ li jawˇ le-euˬ meh. Kʼoeˇ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ uˇ-iˇ-euˬ Yaˬkoˆ-euˬ zaˬ deuˬ uˆ deuˬ dawˬ tawˆ luꞈ, shiꞈ tseˇ gʼaˬ byah-eu meh.

Aˇ dahˬ 47:27

Iˇsaˬleˬlaˆ tsawˇ haˬ deuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Goˬsheˬ lehˇ kuˇ-eu jawˇ duˬ-ahˇ jawˇ-awˇ, smˇ muiˬ muiˬ dui dui laˇ-euˬ uˬ taꞈ, tsawˇ haˬ behˇ laˇ tehˇ tehˬ luꞈ-eu meh.

Aˇ dahˬ 47:4

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, miˇ tsaˬ gui-iˇ-euˬ miˇ neh, nga maꞈ-euˬ jeˬ zaˬ deuˬ gaˆ dzaˬ kʼaˇ maˬ za ni pyeuꞈ laˇ taˬ-euˬ meh. Teu miˇ neh, nga maꞈ-ahˇ gʼawˬ shaˬ gaˬ-eu laꞈ kʼoeˇ, Goˬsheˬ miˇ tsaˬ-ahˇ bi jawˇ nehˬ laꞈ-awˬ.”

Doˆ-iˇ 1:12

Ehˇ kʼawꞈ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ ngehˬ-ehˇ kʼehˬ naˇ, aˬ yawꞈ maꞈ tsawˇ haˬ ngehˬ-ehˇ paˇ behˇ laˇ-awˇ, Iˇjiˇtuˆ miˇ kʼahˬ doe ni ngehˬ-ehˇ paˇ jawˇ byah gʼeh-euˬ meh.

Doˆ-iˇ 1:5

Yaˬkoˆ-euˬ zaˬ deuˬ uˆ deuˬ pyeuꞈ-eu heu deuˬ dawˬ tawˆ luꞈ shiꞈ tseˇ gʼaˬ byah-eu meh. Aˬ yawꞈ-euˬ aˬ li Yoˇsehˆ-aˬ, aˬ yawꞈ maꞈ-euˬ mehˬ hu neh, Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu meh.

Doˆ-iˇ 1:7

Ehˇ kʼawꞈ, aˬ yawꞈ maꞈ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ behˇ laˇ-awˇ, myaˬ dui dui laˇ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ byah-euˬ meh.

Hawˇseˬ 12:12

Aˬ dui-euˬ aˬ poeˬ Yaˬkoˆ-aˬ, miˬ zaˬ tiˬ gʼaˬ sheuˬ-euˬ aˇ poeˬ, aˬ cawˬ-euˬ yawˇ bo nehˬ-euˬ meh.

Hawˇseˬ 12:13

Iˇjiˇtuˆ-ahˇ zaˬ kʼaˆ geuꞈ-eu, Iˇsaˬleˬlaˆ tsawˇ haˬ deuˬ-ahˇ, ka kʼoꞈ-awˇ sheuˬ gʼeh-eu gʼaˇ duˬ, aˬ dui Miˬyehˇ neh kʼehˇ doˆ-euˬ, Bawˇlawˇpeh tiˬ gʼaˬ oe-euˬ meh.

Gʼaˬkʼehˇ 7:15

Iˇjiˇtuˆ miˇ kʼahˬ-ahˇ Yaˬkoˆ jawˇ-iˇ-awˇ, aˬ yawꞈ hawˇ-eu aˬ yawꞈ-euˬ aˬ li dawˬ tawˆ luꞈ, kʼoeˇ gaˇ ziˇ dehꞈ jiˇ-euˬ meh.

Dawˬmehˬ 1:10

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, naw maꞈ-ahˇ mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ taˬ-euˬ meh.

Dawˬmehˬ 10:22

Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ jawˇ-iˇ ngeh, shiꞈ tseˇ gʼaˬ byah-eu tehꞈ meh. Ehˇ kʼawꞈ, mˬ-ahˇ tsehˬ-eu aˬ guiˇ deuˬ loꞈ-ehˇ iˬ nah naw maꞈ myaˬ laˇ behˇ laˇ ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Dawˬmehˬ 26:4

“Piˇ ma kʼoeˇ gʼaˬ, nawˇ ciˬ luꞈ-eu kʼaˆ puˬ kʼoeˇ yuˇ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi jaˆ-eu lawˇ duˬ kʼoeˇ taˆ ciˬ daˆ tehꞈ-a.

Dawˬmehˬ 7:7

“Aˬ cawˬ tsawˇ jeuˬ naˆ maˬ tseˇ, naw maꞈ tsawˇ haˬ myaˬ dzehˬ-eu miˇ neh, Sahˬpaˬ Miˬyehˇ naw maꞈ-ahˇ gaˬ-awˇ tseˇ doˆ-euˬ maˬ ngeuˇ-a. Naw maꞈ-aˬ, miˇ tsaˬ kʼoeˇ taˆ aˬ cawˬ naˆ maˬ tseˇ cuiˆ dzehˬ-eu tsawˇ jeuˬ pyeuꞈ-eu meh.