Dawˬmehˬ 24:6 - Akha

⁶ “Tsawˇ haˬ tiˬ gʼaˬ na-ahˇ, nawˇ tiˬ jeˬ paˬ biꞈ paˇ nehˬ ngeh, aˬ yawꞈ lehˬ dzaˬ luꞈ-eu lo lehˬ nawˬ-ahˇ maˬ ya bi biꞈ daˇ-a. Kʼoeˇ loꞈ-ehˇ jahˇ naˇ, aˬ yawꞈ pehˬ zaˬ yaw dehꞈ ya dehꞈ-eu gʼaˇ duˬ, dzaˬ-eu dawˇ-eu laˆ saˆ-eu keu ka nawˇ yuˇ-euˬ jeˬ pyeuꞈ-eu meh.

Dawˬmehˬ 24:6 Iomraidhean Croise

Aˇ dahˬ 44:30

“Kʼoeˇ miˇ neh Sahˬ paˬ-oˇ, ngaˬ ha mehˇ nmˇ-euˬ aˬ da yaw dehꞈ dehꞈ-eu jeˬ-aˬ, aˬ nyiˇ nyiˇ saˬ gʼaˬ-euˬ kʼoeˇ taˆ jaˆ-eu miˇ neh, aˬ nyiˇ nyiˇ saˬ gʼaˬ maˬ ahˇ ni ngaˬ da jawˇ gaˇ ngaˬ ha mehˇ nmˇ aˬ joˆ-ehˇ gʼoꞈ leˇ peuˬ nmˇ.

Yawˇbaˆ 22:6

Nawˬ-euˬ mehˇ nmˇ nawˬ-ahˇ dziˇ dzoˆ tsoeˬ ni, aˬ yawꞈ-euˬ mehˬ tsoeˬ nawˇ lehˆ doˆ-awˇ, mehˬ tsoeˬ dm-eu maˬ jaˆ ni bi shaˬ-euˬ meh.

Maꞈtehˬ 24:41

Zaˬ miˬ zaˬ nyiˬ gʼaˬ cehˇ tahˬ tahˬ luꞈ gaˇ, tiˬ gʼaˬ-ahˇ sheuˬ gʼeh-awˇ, tiˬ gʼaˬ-ahˇ byehˇ yaꞈ tehꞈ-a.

Luˇkaꞈ 12:15

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Dawˬmehˬ 20:19

“Meuˬ tiˬ meuˬ na-ahˇ nawˇ guiˇ deuˆ luꞈ ngeh, aˇ yamˬ gʼawˬ myahˇ ni jawˬ lahˇ taˬ-awˇ ya jawˇ kʼawꞈ, kʼoeˇ gaˇ bawˇ-eu aˇ siˬ aˇ bawˇ deuˬ maˬ ya tuˇ dzeh-a. Aˇ siˬ kʼoeˇ nawˇ pyaˆ dzaˬ nya meh. Ehˇ kʼawꞈ, aˇ bawˇ maˬ ya tuˇ dzeh-a. Aˇ bawˇ kʼoeˇ deuˬ nawˬ-ahˇ muiˇ-eu maˬ ngeuˇ-a.

Dawˬmehˬ 24:5

“Miˬ zaˬ sheuˬ-euˬ tiˬ dehˬ pyeuꞈ-eu tsawˇ haˬ-ahˇ, guiˇ deuˆ-eu paw taꞈ leˇ-eu gaˇ maˬ ehˇ, miˇ kʼahˬ-ahˇ taꞈ leˇ-eu gaˇ maˬ ehˇ, maˬ ya bi mˇ-a. Aˬ yawꞈ-euˬ miˬ zaˬ nehˬ-ehˇ laˬ kʼaˬ tiˬ cehˇ bi dehꞈ taꞈ-eu gʼaˇ duˬ, tiˬ kʼoꞈ byah ni, aˬ yawꞈ-ahˇ gaˇ tiˬ hmˬ-iˬ maˬ ya bi doˇ leˇ-a.

Dawˬmehˬ 24:7

“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.

Panmaeq 18:22

deuˇ-mˬ, bawˬ law, daˇ heh teˇ saˇ, tiˬ jawˇ-iˬ maˬ paˇ ya gaˬ-aˇ, Gaꞈ-eu ka-eu, laꞈ myawˬ laꞈ muˆ, tiˬ jawˇ-iˬ maˬ paˇ ya mawˇ-aˇ.