Dawˬmehˬ 24:1 - Akha

¹ “Tsawˇ haˬ tiˬ gʼaˬ miˬ zaˬ sheuˬ-awˇ jawˇ-eu laꞈ kʼoeˇ, aˬ yawꞈ-euˬ miˬ zaˬ-ahˇ aˬ yawꞈ nui ma maˬ tsaˬ-eu jeˬ jaˆ-eu miˇ neh, kʼoꞈ ma lehˇ noeˬ tsehˆ-eu laꞈ kʼoeˇ, miˬ zaˬ kʼoꞈ-eu sahˬ boꞈ boꞈ-awˇ, aˬ yawꞈ-euˬ miˬ zaˬ-ahˇ biꞈ-awˇ, aˬ yawꞈ-euˬ nymˇ-ahˇ neh bi doˆ-iˇ-euˬ ehˇ-awˬ.

Dawˬmehˬ 24:1 Iomraidhean Croise

Doˆ-iˇ 21:10

Tsawˇ haˬ tiˬ gʼaˬ na ma nyiˇ sheuˬ naˇ, ma huiˬ gʼaˬ-ahˇ kʼawꞈ, dzeuˇ laˇ ngeh kʼaˇ mˇ cu nehˬ-euˬ loꞈ-ehˇ, dzaˬ dzaˬ dawˇ dawˇ hawˇ-eu dm gʼaˬ dm lmˇ tiˬ byah ni ya caw ba-eu uˬ taꞈ, miˬ zaˬ yo zaˬ-ahˇ taꞈ-eu gaˇ dawˬ tawˆ luꞈ ya mˇ byah nehˬ-eu meh.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Maˬlaˬkiˇ 2:16

“Nymˇ dahˬ gʼawˬ gaˇ ngaˇ bye dui dui nya” lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Naw maꞈ tiˬ gʼaˬ na yawˬ ha-euˬ miˬ zaˬ-ahˇ kʼehˬ-eu zuiˆ-eu jeˬ mˇ gaˇ ngaˇ maˬ haw nahˇ nya. Yawˬ ha-euˬ miˬ zaˬ-ahˇ saˇ jaˇ maˬ ya puiˬ-a lehˇ, maˬ shiˇ tiˬ ziˇ noeˬ taˬ-awˬ” lehˇ ehˇ-eu meh.

Bawˇtsahˬ 5:12

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ mehˬ nehˬ tsoˆ nehˬ-awˬ. Kʼaˬ dzeˇ zaˬ tiˬ gʼaˬ aˬ yawꞈ-euˬ miˬ zaˬ aˬ yawꞈ-ahˇ saˇ jaˇ maˬ jawˇ-ehˇ, kʼaˬ dzeˇ zaˬ nui gʼaˬ nehˬ-ehˇ joe-awˇ yawˬ haˇ yawˬ ha yaw jawꞈ jeˬ mˇ-euˬ meh lehˇ noeˬ-eu laꞈ kʼoeˇ, maˬ jah coeˇ-ehˇ pyeuꞈ laˇ-eu baw-eu meh. Ehˇ kʼawꞈ, zaˬ miˬ zaˬ gʼaˬ gaˇ kawˆ kʼoeˇ zaꞈ taˬ-euˬ miˇ neh maˬ ehˇ, saˇ kiˇ saˇ seˬ maˬ jawˇ-eu miˇ neh maˬ ehˇ, aˬ yawꞈ kʼoeˇ loꞈ-ehˇ joe luꞈ gaˇ nyehꞈ mi-euˬ maˬ ngeuˇ-eu miˇ neh maˬ ehˇ, kʼaˬ dzeˇ zaˬ gʼaˬ yaw duˬ yaw ciˇ ciˇ-ehˇ maˬ ehˇ duˬ nya-a. Maˬ ngeuˇ naˇ, zaˬ miˬ zaˬ gʼaˬ kʼaˇ boe-ehˇ saˇ jaˇ ziꞈ-awˇ dehꞈ-euˬ kʼawꞈ, kʼaˬ dzeˇ zaˬ gʼaˬ noeˬ bahˬ-eu jeˬ pyeuꞈ nya-eu meh.

Bawˇtsahˬ 5:28

Ehˇ kʼawꞈ, aˬ yawꞈ iˬ baˇ maˬ ahˇ naˇ, aˬ yawꞈ kʼoeˇ taˆ tiˬ jeˬ-iˬ maˬ keuˆ le ni, zaˬ ciˬ zaˬ cu baw tehꞈ-a.

Maꞈtehˬ 1:19

Yoˇsehˆ-aˬ, yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, Maˬliˇ-euˬ myaˆ pyawˬ naˇ mehˇ cawˆ ni aˬ yawꞈ maˬ jahˇ mawꞈ-eu miˇ neh, aˬ yawꞈ-ahˇ maˬ bi siˬ-ehˇ ciˬ cuˇ ni gʼawˬ tsehˆ ma lehˇ noeˬ-euˬ meh.

Luˇkaꞈ 16:18

“Yawˬ ha-euˬ miˬ zaˬ kʼoꞈ-awˇ, yawˬ gʼaˬ yawˬ sheuˬ paˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ miˬ zaˬ-ahˇ bahˬ-eu meh. Aˬ cawˬ-euˬ miˬ kʼoꞈ-ahˇ sheuˬ-eu tsawˇ haˬ kʼawꞈ, aˬ cawˬ-euˬ miˬ zaˬ-ahˇ bahˬ-eu meh.

Dawˬmehˬ 21:15

“Tsawˇ haˬ tiˬ gʼaˬ miˬ zaˬ nyiˬ gʼaˬ sheuˬ-awˇ, nyiˬ gʼaˬ luꞈ aˬ li jawˇ le-euˬ ehˇ-awˬ. Ehˇ kʼawꞈ, dehꞈ beh beh le-euˬ aˬ li aˬ yuiꞈ gʼaˬ-aˬ, aˬ yawꞈ nui ma tsaˬ dzehˬ-eu ma-euˬ aˬ li maˬ ngeuˇ-eu ehˇ-awˬ.

Dawˬmehˬ 22:13

“Tsawˇ haˬ tiˬ gʼaˬ miˬ zaˬ sheuˬ-awˇ, jawˇ taꞈ gʼaˬ-awˇ neh, maˬ paˇ sheuˬ mawꞈ-ehˇ pyeuꞈ-iˇ-euˬ ehˇ-awˬ.

Dawˬmehˬ 22:19

Kʼaˬ dzeˇ zaˬ kʼoeˇ gʼaˬ-ahˇ pyuˇ maˇ byaˆ tiˬ yaˇ byaˆ aˬ yawꞈ maꞈ guiˇ oꞈ tiꞈ-awˇ, zaˬ miˬ aˬ buˇ kʼoeˇ gʼaˬ-euˬ aˬ da-ahˇ ya biꞈ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ zaˬ miˬ zaˬ tiˬ gʼaˬ kʼoeˇ taˆ shaꞈ dawˇ-eu jeˬ keuˆ le ni aˬ yawꞈ jahˇ-euˬ meh. Kʼoeˇ uˬ taꞈ, zaˬ miˬ zaˬ kʼoeˇ gʼaˬ-ahˇ aˬ yawꞈ paˇ ya sheuˬ kʼoꞈ-awˇ, maˬ shiˇ tiˬ ziˇ maˬ ya gʼawˬ-iˇ-a.

Dawˬmehˬ 22:29

Tsawˇ haˬ kʼoeˇ gʼaˬ zaˬ miˬ aˬ buˇ-euˬ aˬ da-ahˇ zaˬ miˬ laˬ poeˬ pyuˇ maˇ byaˆ ngaˬ tseˇ byaˆ ya biꞈ-awˇ, zaˬ miˬ aˬ buˇ kʼoeˇ gʼaˬ-ahˇ ya sheuˬ meh. Aˬ jeˬ miˇ neh ehˇ naˇ, zaˬ miˬ aˬ buˇ kʼoeˇ gʼaˬ-ahˇ aˬ yawꞈ yehˬ bawˬ sehˇ lu-ehˇ jahˇ nehˬ-euˬ meh. Zaˬ miˬ aˬ buˇ kʼoeˇ gʼaˬ-ahˇ maˬ shiˇ tiˬ ziˇ aˬ yawꞈ maˬ gʼawˬ-iˇ ni ya dahˬ dzaˬ meh.

Dawˬmehˬ 24:2

Kʼoeˇ naˇ, zaˬ miˬ zaˬ kʼoeˇ gʼaˬ yawˬ gʼaˬ yawˬ-ahˇ paˇ mˇ dzaˬ-iˇ-euˬ ehˇ-awˬ.

Dawˬmehˬ 24:3

Kʼoeˇ gʼaˬ kʼawꞈ, aˬ yawꞈ-ahˇ nui ma maˬ tsaˬ-eu miˇ neh kʼoꞈ ma lehˇ noeˬ tsehˆ-eu laꞈ kʼoeˇ, miˬ zaˬ kʼoꞈ-eu sahˬ boꞈ boꞈ-awˇ, aˬ yawꞈ-ahˇ biꞈ-awˇ, aˬ yawꞈ-euˬ nymˇ-ahˇ neh bi doˆ-iˇ-euˬ ehˇ-awˬ. Maˬ ngeuˇ naˇ, aˬ yawꞈ-euˬ kʼaˬ dzeˇ zaˬ jeˬ nah gʼaˬ shiˇ-euˬ ehˇ-awˬ.