Dawˬmehˬ 23:19 - Akha19 “Nawˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ, pyuˇ maˬ ehˇ, dzaˬ dzaˬ dawˇ dawˇ maˬ ehˇ, nui jeˬ maˬ ehˇ, nawˇ paˇ nehˬ ngeh, jiˇ jeuˬ maˬ ya yuˇ-a. Faic an caibideil |
Miˇ kʼahˬ zaˬ hawˇ-eu piˇ ma deuˬ maˬ ehˇ, zaˬ kʼaˆ hawˇ-eu baw leˬ maˬ ehˇ, zaˬ miˬ zaˬ zaˬ kʼaˆ hawˇ-eu meh leˬ maˬ ehˇ, zeuˇ-eu deuˬ hawˇ-eu ahˬ-eu deuˬ maˬ ehˇ, pyuˇ paˇ nehˬ-eu deuˬ hawˇ-eu shaˇ paˇ-eu deuˬ maˬ ehˇ, dziˇ dzoˆ daˆ-eu deuˬ hawˇ-eu dziˇ dzoˆ yaw sahˇ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ ya shaˬ tehꞈ-a.
Ngaˇ yaw dehꞈ dehꞈ-eu nui saˇ tiˬ pawꞈ-iˬ maˬ oꞈ miˇ-a. Aˬ jeˬ miˇ neh ngaˬ ma ngaˬ-ahˇ miˇ tsaˬ kʼoeˇ taˆ bi dehꞈ le-euˬ maˬ siˬ miˇ-a. Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ nehˬ-ehˇ ngaˇ ya ceh-awˇ, ya ja dzaˬ luꞈ-eu ma. Ngaˇ aˬ cawˬ-euˬ pyuˇ maˬ shaˇ paˇ-ehˇ, aˬ cawˬ-ahˇ pyuˇ maˬ paˇ nehˬ kʼawꞈ, yawˬ gʼaˬ na luꞈ ngaˬ-ahˇ yaˬ kʼehˇ yaˬ-eu meh.
Nawˬ-euˬ tsawˇ haˬ tiˬ paˆ na deuˬ pyuˇ za laˇ ni tsawˇ haˬ sehꞈ-eu meh. Tiˬ paˆ na deuˬ yawˬ ha tsawˇ jeuˬ Iˇsaˬleˬlaˆ tsawˇ haˬ-ahˇ pyuˇ paˇ nehˬ-awˇ, jiˇ jeuˬ gʼawˬ mya ni yuˇ dzaˬ-eu laꞈ kʼoeˇ, aˬ cawˬ-euˬ uˬ duˬ-ahˇ teuꞈ-awˇ smˇ muiˬ laˆ muiˬ-euˬ meh. Aˬ yawꞈ maꞈ ngaˬ-ahˇ ngehˇ jiˇ-euˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.