Dawˬmehˬ 20:14 - Akha

¹⁴ Ehˇ kʼawꞈ, zaˬ miˬ zaˬ deuˬ, zaˬ deuˬ, jeˬ zaˬ deuˬ hawˇ-eu meuˬ kʼoeˇ meuˬ laꞈ kʼoeˇ kʼaˇ jaˆ-eu yawˬ jeˬ na luꞈ nawˇ yuˇ geuꞈ-awˬ. Nawˬ-ahˇ muiˇ-eu deuˬ kʼaˇ jaˆ-eu yawˬ jeˬ na luꞈ nawˇ geuꞈ nya meh. Kʼoeˇ deuˬ dawˬ tawˆ luꞈ, Sahˬpaˬ Miˬyehˇ neh nawˬ-ahˇ biꞈ taˬ-euˬ jeˬ pyeuꞈ-eu meh.

Dawˬmehˬ 20:14 Iomraidhean Croise

Yawˇshuˆ 8:2

Yeˬliˇkoˇ meuˬ hawˇ-eu Yeˬliˇkoˇ sahˬ paˬ-ahˇ nawˬ neh jahˇ nehˬ-euˬ loꞈ-ehˇ, Aˬiˇ meuˬ hawˇ-eu Aˬiˇ sahˬ paˬ-ahˇ jahˇ nehˬ-awˬ. Ehˇ kʼawꞈ, nymˬ-mˇ poˆ-aˬ, kʼoeˇ gaˇ jaˆ-eu myawˬ gahˬ deuˬ hawˇ-eu jeˬ zaˬ deuˬ naw maꞈ geuꞈ-awˬ. Meuˬ kʼoeˇ meuˬ-euˬ naˇ kʼah paw neh le-awˇ, maˬ noeˬ maˬ duˇ-ehˇ jawˇ gaˇ ja pyuˬ ni guiˇ deuˆ leˇ-eu gʼaˇ duˬ lehˬ hmˬ-awˬ.”

Bawˇtsahˬ 31:9

Miˇdiˬyaˬ tsawˇ haˬ zaˬ miˬ zaˬ deuˬ hawˇ-eu zaˬ deuˬ-ahˇ Iˇsaˬleˬlaˆ tsawˇ haˬ deuˬ neh nyehꞈ-awˇ, aˬ yawꞈ maꞈ-euˬ jeˬ zaˬ deuˬ hawˇ-eu myawˬ gahˬ deuˬ kʼawꞈ, yuˇ geuꞈ jiˇ nehˬ-euˬ meh.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

Jaceuq 68:12

Sahˬ paˬ deuˬ hawˇ-eu aˬ yawꞈ maꞈ-euˬ guiˇ maꞈ deuˬ cehˆ byaˆ luꞈ meh lehˇ ja gaˬ-eu meh. Iˇ kahˇ jawˇ-eu zaˬ miˬ zaˬ deuˬ, guiˇ deuˆ za-euˬ myawˬ gahˬ biˇ geuꞈ-eu meh.

2 Laˬsaˬbaˬ 20:25

Yeˬhawˇshaˬpaˇ hawˇ-eu aˬ yawꞈ-euˬ yehˇ deuˬ mˇ myawˬ yuˇ geuꞈ-iˇ-eu lehˇ iˇ ngeh, mawˇ neˇ deuˬ, dzaˬ dzaˬ dawˇ dawˇ deuˬ, dm gʼaˬ dm lmˇ deuˬ hawˇ-eu, aˇ poeˬ kʼaˆ-eu nui jeˬ mˇ myawˬ gʼawˬ mya ni mawˇ-euˬ meh. Smˬ nah keuˆ ni mˇ myawˬ kʼoeˇ deuˬ aˬ yawꞈ maꞈ yuˇ uiˬ-euˬ meh. Ehˇ kʼawꞈ, aˇ dzehˬ-ehˇ myaˬ-eu miˇ neh, dawˬ tawˆ luꞈ maˬ yuˇ uiˬ jiˇ coeˇ-a.

Yawˇshuˆ 11:14

Meuˬ heu deuˬ laꞈ kʼoeˇ jaˆ-eu myawˬ deuˬ hawˇ-eu jeˬ zaˬ deuˬ-ahˇ, Iˇsaˬleˬlaˆ tsawˇ haˬ deuˬ yawˬ ha gʼaˇ duˬ yuˇ geuꞈ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ maꞈ sehꞈ jiˇ-euˬ meh.

Bawˇtsahˬ 31:18

Ehˇ kʼawꞈ, aˬ buˇ deuˬ hawˇ-eu kʼaˬ dzeˇ zaˬ neh maˬ bi laˆ ciˆ haw-euˬ miˬ daꞈ daꞈ shuiꞈ deuˬ dawˬ tawˆ luꞈ-ahˇ naw maꞈ cu geuꞈ-awˬ.

Bawˇtsahˬ 31:12

Yeˬliˇkoˇ meuˬ kʼoeˇ paw baˬ-ahˇ, Yawˇdaˬ lawˇ baˬ lawˇ deh-ahˇ jaˆ-eu Mawˇbaˆ miˇ kʼahˬ deh ga-ahˇ jawˇ luꞈ-eu Moˇseˬ, Eˇlaˬzaˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ deuˬ jawˇ gaˇ yuˇ kʼoꞈ gʼeh-euˬ meh.

Bawˇtsahˬ 31:11

Tsawˇ haˬ hawˇ-eu jeˬ zaˬ ahˇ leˇ-ehˇ, aˬ yawꞈ maꞈ neh kʼaˇ deuˆ za-euˬ jeˬ dawˬ tawˆ luꞈ yuˇ jiˇ-awˇ,

Bawˇtsahˬ 31:15

Aˬ yawꞈ ehˇ-eu, “Aˬ jeˬ miˇ neh zaˬ miˬ zaˬ heu deuˬ dawˬ tawˆ luꞈ-ahˇ yaw dehꞈ-ehˇ bi jawˇ teˬ.

Dawˬmehˬ 20:15

Nawˇ jawˇ-eu miˇ kʼahˬ-ahˇ neh gaˇ mahˇ kaˬ gaˇ jaˆ-eu meuˬ deuˬ-ahˇ nawˇ kʼoeˇ loꞈ-ehˇ ya jahˇ nehˬ-meh.

Dawˬmehˬ 2:35

Jeˬ zaˬ deuˬ teh geuꞈ-awˇ, meuˬ kʼoeˇ deuˬ laꞈ kʼoeˇ kʼaˇ jaˆ-eu myawˬ gahˬ deuˬ yuˇ geuꞈ jiˇ-euˬ ma.