Dawˬmehˬ 2:7 - Akha

⁷ “Naw maꞈ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ aˬ joˆ-ehˇ guiˬ lahˬ biꞈ laꞈ-euˬ gaˇ kawˆ-ahˇ noeˬ keuˆ-awˬ. Jeˇ dui dui-eu bawˇ tsahˬ bawˇ dahˇ heu laꞈ kʼoeˇ naw maꞈ cah luꞈ ngeh, naw maꞈ-ahˇ aˬ yawꞈ haw piˇ-euˬ meh. Aˇ yamˬ heu oeˬ tseˇ kʼoꞈ laꞈ kʼoeˇ, aˬ yawꞈ naw maꞈ nehˬ-ehˇ jawˇ-awˇ, kʼaˇ loˬ-eu jeˬ naw maꞈ za-euˬ meh.

Dawˬmehˬ 2:7 Iomraidhean Croise

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 24:35

Sahˬpaˬ Miˬyehˇ-aˬ, ngaˬ-euˬ baw leˬ-ahˇ guiˬ lahˬ yaw kʼaˆ-ehˇ biꞈ-awˇ, smˇ muiˬ muiˬ dui dui-eu tsawˇ haˬ bi pyeuꞈ laˇ-euˬ meh. Myaˬ dui dui-eu yawˇ yawˇ maꞈ, ciˬ myehꞈ ciꞈ maꞈ hawˇ-eu, mawˇ neˇ mawˇ maꞈ deuˬ maˬ ehˇ, pyuˇ deuˬ shuiˇ deuˬ maˬ ehˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kʼaˆ deuˬ maˬ ehˇ, law taw hawˇ-eu mahˬ tahˬ laˆ deuˬ maˬ ehˇ, ngaˬ-euˬ baw leˬ-ahˇ aˬ yawꞈ biꞈ-euˬ meh.

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Aˇ dahˬ 30:27

Laˬbaˬ ehˇ-eu, “Ngaˇ heu loꞈ-ehˇ ehˇ mawꞈ-eu ma. Nawˇ baˬ da neh Sahˬpaˬ Miˬyehˇ ngaˬ-ahˇ guiˬ lahˬ biꞈ laꞈ-euˬ gaˇ kawˆ-ahˇ, ngaˇ ja maw maw haw-awˇ ya siˬ-euˬ ma.

Aˇ dahˬ 39:3

Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ guiˬ lahˬ biꞈ luꞈ-eu miˇ neh, Yoˇsehˆ kʼaˇ mˇ kʼaˇ shaˇ-eu jeˬ guiˬ lahˬ baw gaˇ, yaw huiˬ yaw mahˇ kʼoeˇ gʼaˬ ya mawˇ-euˬ meh.

Aˇ dahˬ 39:5

Iˇjiˇtuˆ tsawˇ haˬ kʼoeˇ gʼaˬ-euˬ nymˇ jiˇ-ahˇ Yoˇsehˆ haw pyaˆ dahˬ beh ngeh nah neh, Yoˇsehˆ baˬ da neh nymˇ kʼoeˇ nymˇ-ahˇ Sahˬpaˬ Miˬyehˇ guiˬ lahˬ biꞈ-eu loꞈ-ehˇ, nymˇ laꞈ kʼoeˇ laꞈ nyiˇ kʼaˇ jaˆ-eu tsawˇ haˬ kʼoeˇ gʼaˬ-euˬ pyuˇ shuiˇ myawˬ gahˬ deuˬ myaˬ laˇ luꞈ-eu meh.

Neˬhaˬmiˇ 9:21

Kʼaˇ shuiꞈ deh yaˇ-ahˇ oeˬ tseˇ kʼoꞈ cah ngeh, kʼaˇ loˬ-eu jeˬ nawˇ biꞈ nehˬ-awˇ, dm gʼaˬ dm lmˇ maˬ ya shaˬ-eu uˬ taꞈ, aˬ kuiˇ puˬ laˇ naˇ laˇ-euˬ maˬ jaˆ-a.

Yawˇbaˆ 23:10

Ehˇ kʼawꞈ, ngaˬ-euˬ kuiˇ toꞈ aˬ yawꞈ toꞈ yawˬ Miˬyehˇ siˬ nya meh. Aˬ yawꞈ ngaˬ-ahˇ lawˬ haw naˇ, ngaˇ shawˇ jehˆ ni gʼeh gaˇ aˬ yawꞈ ya mawˇ tehꞈ-a.

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Jaceuq 107:4

Tiˬ paˆ na deuˬ miˇ kʼahˬ pyawˬ maˬ siˬ laˇ-eu kʼaˇ shuiꞈ deh-ahˇ jawˇ byoˆ taˬ-awˇ, jawˇ uˇ-iˇ-eu meuˬ maˬ poˆ mawˇ nya-a.

Jaceuq 31:7

Nawˇmaˬtsehˆleˇni gaˬ-eu gaˇ, ngaˇlaˬkʼaˬcehˇ nui saˇza ma. Ngaˇya daˬ-eu jeˬnawˇmawˇ-awˇ, ngaˬ-euˬshaˬzahˬnawˇsiˬnya-awˇ,

Jaceuq 90:17

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ guiˬ lahˬ yaw dzahˇ bi keuˆ le-awˬ. Nga maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, guiˬ lahˬ bi baw le-awˬ.

Doˆ-iˇ 16:35

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ jawˇ duˬ dah leˇ-euˬ Kaˬnaˬ miˇ kʼahˬ-ahˇ maˬ le keuˆ kʼoeˇ keuˆ ni, oeˬ tseˇ kʼoꞈ keuˆ ni maˬnaˆ kaˬ muˇ dzaˬ-euˬ meh.

Yeˬlaˬmiˇ 2:2

“Yeˬluˇsaˬlehˬ meuˬ-ahˇ iˇ-awˇ, tsawˇ haˬ yawˬ gʼaˬ na luꞈ-ahˇ heu loꞈ-ehˇ ehˇ nehˬ-awˬ. “Iˇsaˬleˬlaˆ-oˇ, nawˇ yaw nyiˇ gʼeh ngeh, ngaˬ-ahˇ saˇ jaˇ ziꞈ-euˬ ngaˇ siˬ nya ma. Aˇ nyaꞈ sheuˬ dahˬ dzaˬ-euˬ yaw shuiꞈ pyeuꞈ ngeh, nawˇ ngaˬ-ahˇ gaˬ dui dui-euˬ meh. Kʼaˇ shuiꞈ deh ga bawˇ tsahˬ bawˇ dahˇ hawˇ-eu, yaˇ maˬ mˇ dzaˬ haw-euˬ miˇ gahˬ gahˬ ma laꞈ kʼoeˇ, ngaˬ-euˬ mehˬ nah nawˇ caw teh laꞈ-euˬ meh.

Hawˇseˬ 13:5

Kʼaˇ shuiꞈ deh-ahˇ gui dui dui gaˇ, naw maꞈ-ahˇ ngaˇ bo saˆ-euˬ ma.

Aˬmoˆ 2:10

Naw maꞈ-ahˇ ngaˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ sheuˬ sheuˬ-ehˇ cah-awˇ, Aˬmawˇliˆ tsawˇ jeuˬ-euˬ miˇ kʼahˬ naw maꞈ-ahˇ biꞈ-euˬ ma.

Bawˇtsahˬ 1:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le gʼaˬ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ-ahˇ jaˆ-eu Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-euˬ meh. Aˬ yawꞈ ehˇ-eu,

Bawˇtsahˬ 14:33

Naw maꞈ tiˬ gʼaˬ-iˬ maˬ dzeˇ-ehˇ shiˇ jiˇ ngeh keuˆ ni, oeˬ tseˇ kʼoꞈ keuˆ ni naw maꞈ-euˬ zaˬ deuˬ bawˇ tsahˬ bawˇ dahˇ laꞈ kʼoeˇ cah cah-ehˇ ya jawˇ tehꞈ-a. Naw maꞈ saˇ jaˇ maˬ jawˇ-eu baˬ da neh aˬ yawꞈ maꞈ kʼoeˇ loꞈ-ehˇ ya daˬ tehꞈ-a.

Bawˇtsahˬ 14:34

Naw maꞈ-euˬ iˬ baˇ baˬ da neh pyeuꞈ laˇ-euˬ jeˬ-ahˇ oeˬ tseˇ kʼoꞈ keuˆ ni naw maꞈ ya daˬ tehꞈ-a. Miˇ kʼahˬ kʼoeˇ kʼahˬ-ahˇ pyehˆ tseˇ haw leˇ-euˬ aˇ nah tiˬ nah dah zaˇ tiˬ kʼoꞈ naw maꞈ ya daˬ poˆ tehꞈ-a. Kʼoeˇ ngeh, naw maꞈ-ahˇ ngaˇ nui ma maˬ saˇ ngeh aˬ joˆ-ehˇ gʼeh-eu nya lehˇ naw maꞈ ya siˬ duˬ tehꞈ-a.

Bawˇtsahˬ 22:12

Miˬyehˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Iˇsaˬleˬlaˆ tsawˇ haˬ deuˬ-ahˇ yaˬ kʼehˇ taˬ yaˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ-aˬ, guiˬ lahˬ za taˬ-euˬ tsawˇ jeuˬ pyeuꞈ-eu meh.”

Bawˇtsahˬ 32:13

Sahˬpaˬ Miˬyehˇ nui ma pehˇ-awˇ, aˬ yawꞈ nui ma maˬ saˇ ni mˇ-euˬ tsawˇ haˬ kʼoeˇ shehˆ maˬ shiˇ jiˇ kʼoeˇ keuˆ ni, oeˬ tseˇ kʼoꞈ keuˆ ni bawˇ tsahˬ bawˇ dahˇ doe ni cah cah-ehˇ bi jawˇ-euˬ meh.

Luˇkaꞈ 22:35

Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ ehˇ nehˬ-eu, “Ngaˇ naw maꞈ-ahˇ, pyuˇ pawˬ behˆ, pehˇ tahˬ, sehˬ nawˆ, heu deuˬ maˬ bi yuˇ ni kʼehˇ gʼeh ngeh, naw maꞈ tiˬ jeˬ paˬ loˬ-euˬ jaˆ te loˇ.” Aˬ yawꞈ maꞈ ehˇ-eu, “Tiˬ jeˬ-iˬ maˬ loˬ-aˬ.”

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Dawˬmehˬ 1:19

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ dui mˇ-euˬ ma. Siˇnaˆ gawˬ jawˬ-ahˇ neh aˬ dui maꞈ doˆ le-awˇ, Aˬmoˬ miˇ kʼahˬ gawˬ jawˬ gawˬ duˇ-ahˇ keuˆ ni, guˆ laˇ paˬ-ehˇ gʼeh-eu jeˇ dui dui-eu bawˇ tsahˬ bawˇ dahˇ laꞈ kʼoeˇ aˬ dui maꞈ cah-awˇ, Kaˬdeˬshaˇbaˬneˬ-ahˇ aˬ dui maꞈ laˇ keuˆ-euˬ ma.

Dawˬmehˬ 1:46

Kʼoeˇ naˇ, Kaˬdeˬshaˇ-ahˇ aˬ dui gʼawˬ myahˇ ni jawˇ-euˬ ma.

Dawˬmehˬ 2:14

Kʼoeˇ ngeh, Kaˬdeˬshaˇbaˬneˬ-ahˇ neh aˬ dui maꞈ doˆ laˇ-euˬ smˬ tseˇ yehꞈ kʼoꞈ byah laˇ-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, kʼoeˇ ziˇ laꞈ kʼoeˇ guiˇ kʼaˇ deuˆ-eu tsawˇ haˬ deuˬ shiˇ dzeuˇ jiˇ-euˬ meh.

Dawˬmehˬ 2:6

Dzaˬ dzaˬ dawˇ dawˇ hawˇ-eu iˇ cuꞈ aˬ yawꞈ maꞈ jawˇ gaˇ naw maꞈ zeuˇ dzaˬ zeuˇ dawˇ nya meh’ lehˇ ehˇ-eu meh.

Dawˬmehˬ 29:4

Ehˇ kʼawꞈ, noeˬ siˬ noeˬ mawˇ nya-eu nui ma, haw mawˇ nya-eu myaˆ nuiˆ hawˇ-eu, gaˬ nya-eu naˬ bawˇ heu deuˬ, Sahˬpaˬ Miˬyehˇ naw maꞈ-ahˇ maˬ biꞈ-aˬ siˬ.

Dawˬmehˬ 29:5

Oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ Sahˬpaˬ Miˬyehˇ naw maꞈ-ahˇ sheuˬ gʼeh-euˬ meh. Ehˇ kʼawꞈ, naw maꞈ-euˬ mehˬ tsoeˬ maˬ cehˇ-iˇ-ehˇ, naw maꞈ-euˬ sehˬ nawˆ maˬ pyaˬ-iˇ-aˬ.