Dawˬmehˬ 16:3 - Akha

³ Bawˬ-iˬ heu hmˬ dzaˬ ngeh, dehˬ tseˬ dawˆ taˬ-euˬ kaˬ muˇ taˬ dzaˬ. Iˇjiˇtuˆ miˇ kʼahˬ laꞈ kʼoeˇ neh naw maꞈ tehˬ law baw law-ehˇ ya doˆ le ngeh dzaˬ-euˬ loꞈ-ehˇ, shiꞈ nah keuˆ ni dehˬ tseˬ maˬ dawˆ-euˬ kaˬ muˇ nawˇ ya dzaˬ meh. Shaˬ-eu zahˬ-eu jeˬ-ahˇ ya daˬ-euˬ jawˇ duˬ pyeuꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le-euˬ aˇ nah kʼoeˇ nah-ahˇ, maˬ shiˇ tiˬ ziˇ naw maꞈ maˬ ya ngehˇ ni, shaˬ-eu zahˬ-euˬ jeˬ-ahˇ ya daˬ-euˬ kaˬ muˇ lehˇ kuˇ-eu kaˬ muˇ kʼoeˇ dzaˬ-awˬ.

Dawˬmehˬ 16:3 Iomraidhean Croise

1 Sahˬpaˬ 22:27

Ngaˇ tiˬ jeˬ-iˬ maˬ ca ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ tawˬ-ahˇ nyehꞈ ahˇ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-eu laꞈ kʼoeˇ bi jawˇ tawˬ-awˬ lehˇ ehˇ nehˬ lawˬ.”

Jaceuq 102:9

Kʼaˬ lehˇ-ahˇ hawˬ loꞈ-ehˇ ngaˇ dzaˬ-awˇ, myaˆ biˇ keuˬ-eu iˇ cuꞈ dawˇ luꞈ-eu ma.

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Jaceuq 127:2

Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Doˆ-iˇ 12:11

Naw maꞈ gaˇ ma doˆ-iˇ-eu gʼaˇ duˬ lehˬ hmˬ taˬ-euˬ tsawˇ haˬ loꞈ-ehˇ, joꞈ paꞈ paꞈ, sehˬ nawˆ nawˆ-awˇ, gawˬ yoeˬ tuˆ tehˬ taˬ-eu laꞈ kʼoeˇ, dzaˇ kʼoeˇ ya dzaˬ meh. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ taˬ huiˬ taˬ mahˇ-eu laꞈ kʼoeˇ jahˇ-eu Baˬsaˬkaˬ Bawˬ-iˬ pyeuꞈ-eu meh.

Doˆ-iˇ 12:17

Bawˬ-iˬ heu hmˬ maˬ byehˇ ni aˬ myah luꞈ jahˇ-awˬ. Aˬ jeˬ miˇ neh ehˇ naˇ, aˇ nah kʼoeˇ nah-ahˇ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ ngaˇ sheuˬ doˆ nehˬ-euˬ ma. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, tiˬ ziˇ saˇ-iˬ tiˬ ziˇ, aˇ nah kʼoeˇ nah-ahˇ naw maꞈ lah daw-eu laꞈ kʼoeˇ, bawˬ-iˬ ya jahˇ daˆ leꞈ tehꞈ-a.

Doˆ-iˇ 12:39

Aˬ yawꞈ maꞈ Iˇjiˇtuˆ miˇ kʼahˬ laꞈ kʼoeˇ neh yuˇ leꞈ-euˬ kaˬ muˇ yaw jmˬ kʼoeˇ yuˇ-awˇ, dehˬ tseˬ maˬ ahˇ-eu kaˬ muˇ aˬ yawꞈ maꞈ jahˇ-euˬ meh. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ neh, tehˬ law baw law-ehˇ aˬ yawꞈ maꞈ-ahˇ teh doˆ nehˬ-euˬ miˇ neh, dehˬ tseˬ ahˇ-eu kaˬ muˇ yaw jmˬ lehˬ hmˬ-eu aˇ yamˬ aˬ yawꞈ maꞈ maˬ za-aˬ.

Doˆ-iˇ 12:8

Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Doˆ-iˇ 34:18

“Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ ya gʼeh meh. Aˬbiˇbaˬ ba la laꞈ kʼoeˇ, shiꞈ nah keuˆ ni, dehˬ tseˬ maˬ ahˇ-eu kaˬ muˇ dzaˬ-awˬ lehˇ, naw maꞈ-ahˇ ngaˇ dawˬ biꞈ taˬ-euˬ ma. Aˬ jeˬ miˇ neh ehˇ naˇ, ba la kʼoeˇ siˬ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ-euˬ meh.

Iˇsaˬyaˇ 52:12

Nymˬ-mˇ poˆ jawˇ naw maꞈ uˬ kʼawˇ teuˆ buˬ-eu maˬ loˬ-a. Guˆ guˆ ci ci-ehˇ cehˆ-eu maˬ loˬ-a. Naw maꞈ-eu Miˬyehˇ pyeuꞈ-eu Sahˬpaˬ Miˬyehˇ-aˬ, yawˬ pyawˬ na luꞈ naw maꞈ-ahˇ haw piˇ luꞈ-eu meh.

Uˬ duˬ 23:6

Tseˇ ngaˬ nah tiˬ nah-ahˇ dehˬ tseˬ maˬ ahˇ-eu Kaˬmuˇ dzaˬ-eu Bawˬ-iˬ aˇ dahˬ beh-awˇ, shiꞈ nah keuˆ ni, dehˬ tseˬ keuˬ-euˬ kaˬ muˇ naw maꞈ maˬ ya dzaˬ-a.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Bawˇtsahˬ 28:17

Tseˇ ngaˬ nah-ahˇ aˇ dahˬ beh-awˇ, shiꞈ nah keuˆ ni uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu bawˬ-iˬ ya gʼeh meh. Aˇ yamˬ kʼoeˇ yamˬ laꞈ kʼoeˇ dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh.

Bawˇtsahˬ 9:11

Nah tsaˬ tsoˆ taˬ-euˬ aˇ yamˬ-ahˇ ba la tiˬ siˬ nahˬ-ehˇ, ba la nyiˬ siˬ tiˬ siˬ tseˇ oeˬ nah uˬ ciꞈ uˬ taw paw aˬ yawꞈ maꞈ bawˬ-iˬ gʼeh nya meh. Yawˇ-euˬ shaˬ jiˇ nehˬ-ehˇ yaw kʼaˬ kʼaˬ-eu ka gʼawˬ ka dzaˇ aˬ yawꞈ maꞈ ya dzaˬ meh.

Luˇkaꞈ 22:19

Kʼoeˇ loꞈ-ehˇ ehˇ gʼaˬ ngeh, aˬ yawꞈ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ ngawˬ pyehˬ-euˬ meh. Kʼoeˇ naˇ, aˬ yawꞈ maꞈ-ahˇ biˇ nehˬ-awˇ ehˇ-eu, “Heu-aˬ, naw maꞈ gʼaˇ duˬ lawˇ nehˬ-euˬ ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ.”

1 Gawˇliˬtu 5:8

Aˬ dui Baˬsaˬkaˬ Bawˬ-iˬ gʼeh kaˇ-euˇ. Iˬ baˇ hawˇ-eu maˬ muiˬ maˬ jaˬ-eu jeˬ pyeuꞈ-eu dehˬ tseˬ ahˇ-eu kaˬ muˇ-ahˇ maˬ gʼoe-ehˇ, yaw muiˬ yaw shawˇ hawˇ-eu yaw tsaˬ yaw dawˇ kaˬ muˇ pyeuꞈ-eu dehˬ tseˬ maˬ ahˇ-eu kaˬ muˇ-ahˇ gʼoe-awˇ bawˬ-iˬ gʼeh kaˇ-euˇ.

Dawˬmehˬ 16:2

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ ta mahˇ-eu laꞈ kʼoeˇ, Baˬsaˬkaˬ Bawˬ-iˬ dzaˬ-eu gʼaˇ duˬ, uˬ duˬ tahˬ-eu jawˇ duˬ kʼoeˇ tsahˇ-ahˇ le-awˇ, nawˬ-euˬ yawˇ maˬ ngeuˇ naˇ mawˇ neˇ tiˬ mawˇ sehꞈ-awˬ.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

1 Teˇsaˬloˇni 1:6

Nga maꞈ-ahˇ maˬ ehˇ, Sahˬpaˬ Yeˬsuˇ-ahˇ maˬ ehˇ, naw maꞈ dzaw geuꞈ-euˬ meh. Shaˬ-eu zahˬ-eu jeˬ-ahˇ naw maꞈ ya daˬ dui dui-euˬ kʼawꞈ, Muiˬ-eu shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬtiˬ byah ni ahˇ-eu laꞈ kʼoeˇ, guiˬ lahˬ dawˬ-ahˇ naw maꞈ ha geuꞈ-euˬ meh.

Yawˇshuˆ 4:7

‘Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ lawˇ baˬ tsehˆ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-euˬ meh’ lehˇ ehˇ mehˬ nehˬ-awˬ. Kʼaˬ lo heu deuˬ-aˬ, jawˇ duˬ heu tsahˇ-ahˇ aˬ joˆ-ehˇ pyeuꞈ yaꞈ-euˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ aˬ myah luꞈ bi noeˬ mawˇ tehꞈ-a.”