Dawˬmehˬ 15:3 - Akha

³ Aˬ cawˬ tsawˇ jeuˬ deuˬ naw maꞈ-ahˇ biꞈ kʼoꞈ paˬ-ehˇ jaˆ-eu jeˬ naw maꞈ yuˇ kʼoꞈ geuꞈ nya meh. Ehˇ kʼawꞈ, naw maꞈ-euˬ tsawˇ jeuˬ naw maꞈ-ahˇ biꞈ kʼoꞈ paˬ-ehˇ jaˆ-eu jeˬ naw maꞈ maˬ ya yuˇ kʼoꞈ geuꞈ-a.

Dawˬmehˬ 15:3 Iomraidhean Croise

Doˆ-iˇ 22:25

“Shaˬ-eu zahˬ-eu tsawˇ haˬ deuˬ-ahˇ nawˇ pyuˇ paˇ nehˬ ngeh, jiˇ jeuˬ yuˇ dzaˬ-eu pyuˇ paˇ-eu tsawˇ haˬ deuˬ loꞈ-ehˇ taˬ jahˇ.

Yoˇhaˬ 8:35

Zaˬ kʼaˆ-aˬ, nymˇ sahˇ deuˬ nehˬ-ehˇ aˬ myah luꞈ jawˇ-eu maˬ ngeuˇ-a. Ehˇ kʼawꞈ, aˬ li-aˬ, nymˇ sahˇ deuˬ nehˬ-ehˇ aˬ myah luꞈ jawˇ-eu meh.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Dawˬmehˬ 15:2

Naw maꞈ heu loꞈ-ehˇ ya jahˇ meh. Yawˬ ha-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ pyuˇ paˇ daˆ nehˬ taˬ-euˬ tsawˇ haˬ yawˬ gʼaˬ na luꞈ, dziˇ dzoˆ ya byehˇ nehˬ meh. Paˇ daˆ nehˬ-euˬ pyuˇ kʼoeˇ maˬ ya shaˇ kʼoꞈ-a. Aˬ jeˬ miˇ neh ehˇ naˇ, dziˇ dzoˆ kʼoeˇ ya byehˇ meh lehˇ Sahˬpaˬ Miˬyehˇ neh daˇ tsehˆ taˬ-euˬ meh.

Dawˬmehˬ 23:20

Aˬ cawˬ tsawˇ jeuˬ-ahˇ nawˇ paˇ nehˬ ngeh, jiˇ jeuˬ yuˇ dzaˬ nya meh. Ehˇ kʼawꞈ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ kʼoeˇ taˆ nawˇ jiˇ jeuˬ maˬ ya yuˇ-a. Nawˇ jawˇ leˇ-eu lehˇ gʼeh-eu miˇ kʼahˬ-ahˇ, nawˬ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, Sahˬpaˬ Miˬyehˇ guiˬ lahˬ biꞈ laꞈ ni, zahˇ sahˇ kʼoꞈ heu hmˬ-ahˇ caw teh-awˬ.

Dawˬmehˬ 23:21

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ saˇ jaˇ dzaˬ naˇ, saˇ jaˇ kʼaˇ dzaˬ taˬ-euˬ loꞈ-ehˇ maˬ mˇ byah ni maˬ ya byehˇ-a. Nawˬ neh saˇ jaˇ dzaˬ taˬ-euˬ jeˬ-ahˇ, Sahˬpaˬ Miˬyehˇ aˬ diˇ aˬ maˇ maˬ byehˇ nehˬ laꞈ-a. Maˬ mˇ byah naˇ, nawˬ-euˬ kʼoeˇ taˆ iˬ baˇ jaˆ-eu meh.