Dawˬmehˬ 14:3 - Akha

³ “Sahˬpaˬ Miˬyehˇ neh maˬ shawˇ-a lehˇ ehˇ taˬ-euˬ jeˬ tiˬ jeˬ-iˬ taˬ dzaˬ.

Dawˬmehˬ 14:3 Iomraidhean Croise

Aˇ dahˬ 7:2

Zahˇ jahˇ gaˇ geuꞈ nya-eu shawˇ-eu jeˬ zaˬ deuˬ laꞈ kʼoeˇ, tiˬ jeˬ-euˬ shiꞈ gu nawˬ nehˬ-ehˇ saˇ baoˬ laꞈ kʼoeˇ nyehꞈ uˇ gʼeh-awˬ. Ehˇ kʼawꞈ, maˬ shawˇ-eu jeˬ zaˬ deuˬ laꞈ kʼoeˇ, tiˬ jeˬ-euˬ tiˬ gu tehꞈ-ehˇ nyehꞈ uˇ gʼeh-awˬ.

Iˇsaˬyaˇ 65:4

Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.

Yeˬsaˬgeˬlaˇ 4:14

Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

Uˬ duˬ 11:2

Heu-aˬ, miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ zaˬ deuˬ laꞈ kʼoeˇ, naw maꞈ dzaˬ nya-eu deuˬ pyeuꞈ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 11:43

Aˇ mawˇ kʼoeˇ deuˬ dzaˬ-awˇ, yawˬ ha-euˬ gʼawˇ mawˇ maˬ shawˇ ni naw maꞈ maˬ ya mˇ-a.

Uˬ duˬ 20:25

Kʼoeˇ miˇ neh, jeˬ zaˬ aˇ jiˇ deuˬ laꞈ kʼoeˇ, shawˇ-eu jeˬ hawˇ-eu maˬ shawˇ-eu jeˬ naw maꞈ ya tseˇ paˆ geuꞈ meh. Maˬ shawˇ-eu jeˬ zaˬ aˇ jiˇ deuˬ taˬ dzaˬ. Ngaˬ neh maˬ shawˇ-a lehˇ ehˇ tsehˆ taˬ-euˬ jeˬ-ahˇ naw maꞈ dzaˬ naˇ, naw maꞈ maˬ shawˇ-a.

Lormav 14:14

Ngaˇ Sahˬpaˬ Yeˬsuˇ nehˬ-ehˇ taꞈ-eu laꞈ kʼoeˇ dzaˬ-eu dawˇ-eu jeˬ-aˬ, maˬ muiˬ maˬ shawˇ-eu tiˬ jeˬ-iˬ maˬ jaˆ-aˇ lehˇ jah duˬ taˬ-euˬ ma. Ehˇ kʼawꞈ, tsawˇ haˬ tiˬ gʼaˬ na, dzaˬ dzaˬ dawˇ dawˇ tiˬ jeˬ na maˬ shawˇ-a lehˇ jah-eu ngeuˇ naˇ, dzaˬ dzaˬ dawˇ dawˇ kʼoeˇ aˬ yawꞈ gʼaˇ duˬ maˬ shawˇ-eu jeˬ pyeuꞈ laˇ-euˬ meh.

1 Gawˇliˬtu 10:28

Ehˇ kʼawꞈ, “Heu-aˬ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ ma” lehˇ ehˇ nehˬ laꞈ naˇ, naw maꞈ-ahˇ ehˇ nehˬ laꞈ-euˬ gʼaˬ-euˬ gʼaˇ duˬ hawˇ-eu, naw maꞈ-euˬ siˬ nya-eu nui ma-euˬ gʼaˇ duˬ shaˇ noeˬ-awˇ, maˬ dzaˬ ni byehˇ-awˬ.

Tiˇtuˆ 1:15

Shawˇ jehˆ ni gʼeh-eu tsawˇ haˬ deuˬ gʼaˇ duˬ, yawˬ jeˬ na luꞈ yaw shawˇ meh. Ehˇ kʼawꞈ, maˬ jah-eu jawꞈ-eu tsawˇ haˬ deuˬ gʼaˇ duˬ-aˬ, yaw shawˇ tiˬ jeˬ-iˬ maˬ jaˆ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma maˬ ehˇ, noeˬ siˬ nya-eu jeˬ maˬ ehˇ, dawˬ tawˆ luꞈ yaw jawꞈ meh.