Dawˬmehˬ 13:5 - Akha

⁵ Ehˇ kʼawꞈ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ nehˬ laꞈ-euˬ Sahˬpaˬ Miˬyehˇ-ahˇ puiˬ kaˇ-euˇ lehˇ, naw maꞈ-ahˇ kʼaˇ ehˇ-eu yuꞈ maˆ dawˬ tsuiꞈ yuˇ doˆ-eu tsawˇ haˬ -ahˇ maˬ ehˇ, Miˬyehˇ gʼaˇ duˬ ngehˬ dah-eu tsawˇ haˬ-ahˇ maˬ ehˇ, sehꞈ-awˬ. Kʼoeˇ loꞈ-ehˇ gʼeh-eu tsawˇ haˬ-aˬ, maˬ muiˬ maˬ jaˬ-eu tsawˇ haˬ pyeuꞈ-awˇ, Sahˬpaˬ Miˬyehˇ neh naw maꞈ-ahˇ bi cah-euˬ gaˇ ma-ahˇ maˬ cah ni, naw maꞈ-ahˇ sheuˬ doˆ gʼeh-eu lehˇ leh jeh-eu meh. Maˬ muiˬ maˬ jaˬ-eu jeˬ laꞈ kʼoeˇ naw maꞈ ya buˬ-iˇ ni, kʼoeˇ loꞈ-ehˇ gʼeh-eu tsawˇ haˬ-ahˇ sehꞈ dzeh-awˬ.

Dawˬmehˬ 13:5 Iomraidhean Croise

1 Sahˬpaˬ 13:19

Yuˇdaˆ miˇ kʼahˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Miˬyehˇ gʼaˇ duˬ ngehˬ dah-eu tsawˇ mawˬ kʼoeˇ gʼaˬ mehˬ nah caw teh leˇ-awˇ, hawˬ tiˬ byawˇ dzaˬ taꞈ leˇ-euˬ meh.

1 Sahˬpaˬ 18:40

Tsawˇ haˬ kʼoeˇ deuˬ-ahˇ Eˇliˇyaˆ dawˬ biꞈ-awˇ, “Baˬlaˇ miˬ yehˇ gʼaˇ duˬ ngehˬ dah-eu deuˬ tiˬ gʼaˬ-iˬ maˬ bi dzeuˇ-iˇ ni nyehꞈ jiˇ-awˬ” lehˇ ehˇ nehˬ-euˬ meh. Aˬ yawꞈ maꞈ dawˬ tawˆ luꞈ tsawˇ haˬ kʼoeˇ deuˬ neh bi nyehꞈ jiˇ-awˇ, Eˇliˇyaˆ neh aˬ yawꞈ maꞈ-ahˇ Giˇshoˬ lawˇ gawˆ paw sheuˬ ka gʼeh-awˇ sehꞈ-euˬ meh.

2 Laˬsaˬbaˬ 34:31

Sahˬpaˬ Miˬyehˇ-euˬ ehˇ dawˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ hawˇ-eu aˬ yawꞈ neh mehˬ nehˬ tsoˆ nehˬ-euˬ dawˬ deuˬ-ahˇ nui ma gʼawˇ mawˇ dawˬ tawˆ luꞈ caw teh-eu gʼaˇ duˬ maˬ ehˇ, sahˬ boꞈ paˇ dmˬ kʼoeˇ dmˬ boꞈ taˬ-euˬ loꞈ-ehˇ, dawˬ ma saˇ jaˇ dzaˬ taˬ-euˬ dawˬ deuˬ-ahˇ maˬ gʼawˬ-iˇ ni dehꞈ-eu jawˇ-eu gʼaˇ duˬ maˬ ehˇ, sahˬ paˬ-euˬ kʼawˇ zeuˇ dawˬ peh aˬ yawꞈ yawꞈ-awˇ saˇ jaˇ dzaˬ-euˬ meh.

Yeˬlaˬmiˇ 14:15

Ngaˬ neh pyehˬ gʼeh leꞈ-awˇ Miˬyehˇ gʼaˇ duˬ bi ngehˬ dah le-euˬ tsawˇ haˬ maˬ ngeuˇ gaˇ, ngaˬ-euˬ tsawˇ myahˇ-ahˇ dehˬ lehꞈ dehˬ lehꞈ-ehˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ miˇ kʼahˬ heu kʼahˬ kʼoeˇ taˆ maˬ keuˆ le-aˇ lehˇ ehˇ luꞈ-eu tsawˇ haˬ kʼoeˇ deuˬ-ahˇ, Sahˬpaˬ Miˬyehˇ pyeuꞈ-eu ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nawˬ-ahˇ ehˇ nehˬ nyaˇ. Guiˇ deuˆ-eu jeˬ hawˇ-eu mehꞈ-eu shuꞈ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.

Yeˬlaˬmiˇ 29:32

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Neˬheˬlamˬ meuˬ-ahˇ jawˇ-eu Sheˬmaˇyaˬ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Naw maꞈ laꞈ kʼoeˇ aˬ yawꞈ-euˬ zaˬ deuˬ uˆ deuˬ aˇ yoeˬ maˬ ceuˬ yaꞈ-ehˇ, ngaˬ-euˬ tsawˇ jeuˬ-ahˇ ngaˇ muiˬ-eu guiˬ lahˬ biꞈ nehˬ gaˇ aˬ yawꞈ maˬ ya haw mawˇ yaꞈ-aˇ. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ ni aˬ yawꞈ ngehˬ-euˬ tmˇ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 50:6

“Ngaˬ-euˬ tsawˇ haˬ deuˬ-aˬ, yawˇ bo-eu deuˬ neh gawˬ jawˬ gawˬ duˇ doe ni bi byoˆ-iˇ-euˬ yawˇ deuˬ-ahˇ duˇ-eu meh. Gawˬ jawˬ tiˬ jawˬ saˇ-iˬ ti jawˬ iˇ kaˬ gʼeh-awˇ, iˇ kahˇ-ahˇ maˬ gʼoꞈ doˆ laˇ nya-a.

Yeˬlaˬmiˇ 7:23

Ehˇ kʼawꞈ ni, ngaˇ aˬ yawꞈ maꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ ni, ngaˬ-euˬ ehˇ dawˬ-ahˇ ya naˇ haˬ geuꞈ meh lehˇ, aˬ yawꞈ maꞈ-ahˇ ngaˬ neh biꞈ taˬ-euˬ dawˬ jaˆ ma. Yawˬ jeˬ na luꞈ laꞈ kʼoeˇ aˬ yawꞈ maꞈ guiˬ lahˬ za nya ni, ngaˬ neh dawˬ biꞈ-euˬ loꞈ-ehˇ dehꞈ-eu gʼaˇ duˬ, aˬ yawꞈ maꞈ-ahˇ ngaˇ ehˇ nehˬ-euˬ ma.

Zaˬkaˬliˇ 13:3

Tsawˇ haˬ tiˬ gʼaˬ na Miˬyehˇ gʼaˇ duˬ ngehˬ dah-eu gʼaˬ paˇ geuꞈ laˇ naˇ, ‘Nawˇ Sahˬpaˬ Miˬyehˇ-euˬ dawˬ ngehˬ dah-eu ma lehˇ ehˇ-awˇ jaˬ myawꞈ myawꞈ-eu miˇ neh ya shiˇ tehꞈ-a’ lehˇ aˬ yawꞈ-euˬ zaˬ baw aˬ ma aˬ da aˬ yawꞈ-ahˇ ehˇ tehꞈ-a. Aˬ yawꞈ miˬyehˇ gʼaˇ duˬ ngehˬ dah ngeh, aˬ yawꞈ-euˬ zaˬ baw aˬ ma aˬ da aˬ yawꞈ-ahˇ tsawˆ sehꞈ tehꞈ-a.

Gʼaˬkʼehˇ 13:8

Ehˇ kʼawꞈ, Heˬlaˬsaˇ dawˬ-ahˇ neh Eˇluˇma lehˇ myahˇ-euˬ maw loˬ nya-eu kʼoeˇ gʼaˬ aˬ yawꞈ nyaꞈ-ahˇ laˆ tsoeˬ-awˇ, sahˬ paˬ kʼoeˇ gʼaˬ jah-eu tsawˇ haˬ maˬ bi pyeuꞈ laˇ ni leh jeh-eu meh.

1 Gawˇliˬtu 5:13

Laꞈ nyiˇ paw-euˬ tsawˇ haˬ deuˬ-ahˇ Miˬyehˇ yaˇ kʼaˬ daˇ tehꞈ-a. Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Haiˬ-eu tsawˇ haˬ deuˬ-ahˇ naw maꞈ laꞈ kʼoeˇ maˬ bi jawˇ ni teh doˆ-awˬ.”

Dawˬmehˬ 13:10

Aˬ jeˬ miˇ neh ehˇ naˇ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˇ mahˇ kaˬ-iˇ ni, naw maꞈ-ahˇ sheuˬ gʼawˬ-eu lehˇ aˬ yawꞈ leh jeh-eu meh.

Dawˬmehˬ 13:15

meuˬ kʼoeˇ deuˬ laꞈ kʼoeˇ jawˇ-eu tsawˇ haˬ dawˬ tawˆ luꞈ hawˇ-eu, aˬ yawꞈ maꞈ-euˬ jeˬ zaˬ dawˬ tawˆ luꞈ-ahˇ sehꞈ-awˬ. Meuˬ kʼoeˇ meuˬ-ahˇ geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-awˬ.

Dawˬmehˬ 13:9

Aˬ yawꞈ-ahˇ sehꞈ-awˬ. Aˬ yawꞈ-ahˇ kʼaˬ lo biˬ dawꞈ dawꞈ-awˇ, yawˬ gʼaˬ na luꞈ ga uiˬ-awˇ bi biꞈ sehꞈ-awˬ.

Dawˬmehˬ 17:5

tsawˇ haˬ kʼoeˇ gʼaˬ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biˬ sehꞈ-awˬ.

Dawˬmehˬ 17:7

Tsawˇ kaˬ geuꞈ-eu deuˬ neh aˬ yawꞈ-ahˇ kʼaˬ lo biˬ dawꞈ dawꞈ gʼaˬ miˇ tsa, nui deuˬ ya biˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ byoˆ-iˇ ni, naw maꞈ kʼoeˇ loꞈ-ehˇ jahˇ-awˬ.

Dawˬmehˬ 18:20

Ehˇ kʼawꞈ, ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ na, ngaˬ neh dawˬ maˬ biꞈ-euˬ gaˇ, ngaˬ-euˬ tsawˇ myahˇ uˬ moˆ dawˬ ngehˬ naˇ, kʼoeˇ loꞈ-ehˇ mˇ-eu baˬ da neh ya shiˇ tehꞈ-a. Miˬyehˇ nui deuˬ-euˬ tsawˇ myahˇ uˬ moˆ dawˬ ngehˬ-eu tsawˇ haˬ kʼawꞈ, kʼoeˇ loꞈ-ehˇ ya shiˇ tehꞈ-a.’

Dawˬmehˬ 19:19

mˇ bahˬ-euˬ meh lehˇ aˬ yawꞈ neh lehꞈ-euˬ gʼaˬ ya daˬ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ aˬ yawꞈ ya daˬ meh. Kʼoeˇ loꞈ-ehˇ gʼeh-eu jeˬ naw maꞈ laꞈ kʼoeˇ maˬ ya pyeuꞈ doˆ laˇ ni, kʼoeˇ loꞈ-ehˇ mˇ-awˬ.

Dawˬmehˬ 22:21

zaˬ miˬ aˬ buˇ kʼoeˇ gʼaˬ-ahˇ aˬ yawꞈ aˬ da-euˬ nymˇ gʼoˆ kʼehˬ-ahˇ aˬ yawꞈ maꞈ sheuˬ gʼeh-awˇ, zaˬ miˬ aˬ buˇ kʼoeˇ gʼaˬ jawˇ-eu meuˬ-ahˇ jawˇ-eu tsawˇ haˬ deuˬ neh kʼaˬ lo ya bi biˬ sehꞈ meh. Zaˬ miˬ aˬ buˇ kʼoeˇ gʼaˬ-aˬ, maˬ mˇ dzaˬ-iˇ mi naˆ-ehˇ, yawˬ ha aˬ da-euˬ nymˇ-ahˇ jawˇ ngeh neh kʼaˬ dzeˇ zaˬ nehˬ-ehˇ yuꞈ taꞈ-eu laꞈ kʼoeˇ, aˬ dui-euˬ tsawˇ jeuˬ laꞈ kʼoeˇ shaꞈ dawˇ-eu jeˬ doˆ laˇ ni mˇ-euˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya doˆ laˇ ni, naw maꞈ kʼoeˇ loꞈ-ehˇ ya mˇ meh.

Dawˬmehˬ 22:24

Kʼoeˇ loꞈ-ehˇ pyeuꞈ laˇ naˇ, aˬ yawꞈ nyaꞈ nyiˬ gʼaˬ luꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh ya biˬ sehꞈ meh. Zaˬ miˬ aˬ buˇ kʼoeˇ gʼaˬ ya shiˇ-eu tsaˬ meh. Aˬ jeˬ miˇ neh ehˇ naˇ, aˬ cawˬ-ahˇ guˇ gaˬ nya-eu meuˬ laꞈ kʼoeˇ kʼoeˇ loꞈ-ehˇ pyeuꞈ laˇ-euˬ kʼawꞈ, caw ba le-awˬ lehˇ aˬ yawꞈ maˬ guˇ-a. Kʼaˬ dzeˇ zaˬ kʼoeˇ gʼaˬ ya shiˇ-eu kʼawꞈ tsaˬ meh. Aˬ jeˬ miˇ neh ehˇ naˇ, aˬ cawˬ-ahˇ ngehˬ cawˬ tsehˆ taˬ-euˬ zaˬ miˬ aˬ buˇ nehˬ-ehˇ aˬ yawꞈ yuꞈ taꞈ-euˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya doˆ laˇ ni, naw maꞈ kʼoeˇ loꞈ-ehˇ ya mˇ meh.

Dawˬmehˬ 24:7

“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.

Dawˬmehˬ 26:14

Tsawˇ ngoeˇ ngoeˇ luꞈ-eu aˇ yamˬ laꞈ kʼoeˇ, tseˇ bymˇ tiˬ bymˇ ngaˇ maˬ dzaˬ haw-aˬ. Ngaˇ maˬ shawˇ-eu tsawˇ haˬ pyeuꞈ luꞈ ngeh, ngaˬ-euˬ nymˇ laꞈ nyiˇ paw tseˇ bymˇ tiˬ bymˇ maˬ yuˇ doˆ gʼeh haw-aˬ. Tseˇ bymˇ tiˬ bymˇ yuˇ-awˇ, shiˇ-euˬ tsawˇ haˬ gʼaˇ duˬ ngaˇ maˬ lawˇ haw-aˬ. Sahˬpaˬ Miˬyehˇ-oˇ, nawˬ-euˬ ehˇ dawˬ-ahˇ ngaˇ naˇ haˬ-euˬ ma. Tseˇ bymˇ tiˬ bymˇ-ahˇ taꞈ leˇ-awˇ, nawˬ neh dawˬ kʼaˇ biꞈ taˬ-eu loꞈ-ehˇ, yawˬ jeˬ na luꞈ ngaˇ mˇ-euˬ ma.

Dawˬmehˬ 4:19

Muˇ juˇ juˇ-eu mehˬ nah caw teh-awˇ, mˬ kʼoeˇ taˆ ya mawˇ-eu nahˇ ma, ba la hawˇ-eu aˬ guiˇ deuˬ-ahˇ uˬ duˬ maˬ ya tahˬ ni yahˇ-awˬ. Kʼoeˇ deuˬ-aˬ, aˬ cawˬ tsawˇ jeuˬ deuˬ uˬ duˬ bi tahˬ-eu lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ jeˬ pyeuꞈ-eu meh.

Dawˬmehˬ 6:13

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˇ, aˬ yawꞈ-ahˇ tehꞈ-ehˇ uˬ duˬ tahˬ-eu laꞈ kʼoeˇ, aˬ yawꞈ-euˬ tsawˇ myahˇ uˬ moˆ tehꞈ-ehˇ naw maꞈ saˇ jaˇ dzaˬ-awˬ.

Dawˬmehˬ 7:4

Aˬ jeˬ miˇ neh ehˇ naˇ, aˬ yawꞈ maꞈ naw maꞈ-euˬ zaˬ deuˬ-ahˇ Sahˬpaˬ Miˬyehˇ-ahˇ sheuˬ gʼawˬ-awˇ, miˬyehˇ nui deuˬ-ahˇ uˬ duˬ bi tahˬ tehꞈ-a. Kʼoeˇ loꞈ-ehˇ pyeuꞈ laˇ naˇ, naw maꞈ-ahˇ Sahˬpaˬ Miˬyehˇ nui ma pehˇ-awˇ, naw maꞈ-ahˇ tiˬ poˆ tehꞈ-ehˇ laˆ luˬ laˆ seˇ nehˬ laꞈ tehꞈ-a.

Yawˇshuˆ 23:8

Ehˇ kʼawꞈ, dzeuˇ laˇ ngeh loꞈ-ehˇ Sahˬpaˬ Miˬyehˇ-ahˇ saˇ jaˇ ziꞈ-awˬ.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.

Yaˇ kʼaˬ daˇ 20:13

Giˇbyaˬ meuˬ-ahˇ jawˇ-eu haiˬ-eu tsawˇ haˬ kʼoeˇ deuˬ nymˬ-mˇ sheuˬ laꞈ-awˬ. Iˇsaˬleˬlaˆ tsawˇ jeuˬ laꞈ kʼoeˇ heu loꞈ-ehˇ gʼeh-eu haiˬ-eu jeˬ bi byoˆ-iˇ-eu gʼaˇ duˬ, aˬ yawꞈ maꞈ-ahˇ sehꞈ ma.” Ehˇ kʼawꞈ, Iˇsaˬleˬlaˆ tsawˇ haˬ deuˬ-euˬ dawˬ-ahˇ Beˬyaˬmiˬ tsawˇ haˬ deuˬ maˬ naˇ haˬ ni, maˬ gaˬ-euˬ geuꞈ-awˇ jawˇ-eu meh.

1 Saˬmeuˬlaˆ 12:14

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ yaw zeu baw-eu, aˬ yawꞈ-euˬ gaˇ mˇ-eu, aˬ yawꞈ-euˬ ehˇ dawˬ naˇ haˬ-eu, aˬ yawꞈ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ maˬ byehˇ dzeh ni caw teh-eu, heu deuˬ-ahˇ naw maꞈ mˇ-eu laꞈ kʼoeˇ, naw maꞈ-euˬ sahˬ paˬ hawˇ-eu, naw maꞈ dawˬ tawˆ luꞈ Sahˬpaˬ Miˬyehˇ-euˬ mehˬ nah caw teh naˇ, naw maꞈ ehˇ kʼaˇ maˬ za ni ya dehꞈ dzaˬ tehꞈ-a.