Dawˬmehˬ 12:2 - Akha

² Naw maꞈ jawˇ leˇ-eu miˇ kʼahˬ laꞈ kʼoeˇ, kʼoeˇ gaˇ jawˇ-eu tsawˇ haˬ deuˬ aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-euˬ jawˇ duˬ pyeuꞈ-eu gawˬ jawˬ yaw goˇ-ahˇ maˬ ehˇ, gawˬ duˇ pu lu-ahˇ maˬ ehˇ, nyoeˇ jawꞈ ni gʼeh-eu aˇ bawˇ dawˬ pehˬ-ahˇ maˬ ehˇ, kʼaˇ jaˆ-eu uˬ duˬ tahˬ-eu jawˇ duˬ-ahˇ naw maꞈ laˆ cawˆ nehˬ jiˇ-awˬ.

Dawˬmehˬ 12:2 Iomraidhean Croise

1 Sahˬpaˬ 14:23

Gawˬ jawˬ gawˬ duˇ doe ni hawˇ-eu naˇ shmˇ shmˇ-eu aˇ bawˇ dawˬ pehˬ doe ni, maˬ ngeuˇ-eu miˬ yehˇ deuˬ-ahˇ uˬ duˬ tahˬ-eu jawˇ duˬ tsoˆ-awˇ, Aˬsheˇlaˬ miˬ yehˇ ma-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ hawˇ-eu kʼaˬ lo kʼawˇ zeuˇ deuˬ ka tuˇ-euˬ meh.

1 Sahˬpaˬ 3:2

Sahˬpaˬ Miˬyehˇ gʼaˇ duˬ Uˬ duˬ tahˬ nymˇ nymˇ ma maˬ tsoˆ dah-euˬ miˇ neh, Iˇsaˬleˬlaˆ tsawˇ haˬ deuˬ lawˇ duˬ gʼawˬ mya tsahˇ-ahˇ lawˇ luꞈ shehˇ luꞈ-eu meh.

2 Sahˬpaˬ 11:18

Kʼoeˇ naˇ, miˇ kʼahˬ zaˬ dawˬ tawˆ luꞈ Baˬlaˇ miˬ yehˇ-euˬ uˬ duˬ tahˬ nymˇ-ahˇ le-awˇ laˆ cawˆ leˇ-euˬ meh. Tahˬ paˬ aˬ ma mawˇ kawˇ deuˬ hawˇ-eu lawˇ duˬ deuˬ-ahˇ aˬ yawꞈ maꞈ deh meuˇ-awˇ, Baˬlaˇ miˬyehˇ-euˬ piˇ ma pyeuꞈ-eu Maˬtaˬ-ahˇ lawˇ duˬ mehˬ shi sehꞈ-euˬ meh. Loꞈ-eu guiˇ maꞈ deuˬ-ahˇ Yeˬhawˇyaˬdaˬ kʼehˇ-awˇ, Uˬ duˬ tahˬ nymˇ nymˇ ma -ahˇ bi loꞈ piˇ-euˬ meh.

2 Sahˬpaˬ 16:4

Gawˬ duˇ uˬ du hawˇ-eu aˇ bawˇ naˇ shmˇ kʼaˇ muiˬ gaˇ jaˆ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ, aˬ yawꞈ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

2 Sahˬpaˬ 23:13

Siˇdoˬ miˬ yehˇ ma Aˬshaˇtaˬteˬ, Mawˇbaˆ miˬ yehˇ Sheˬmoˇshaˆ hawˇ-eu, Aˬmoˬ miˬ yehˇ Moˇlehˆ heu deuˬ-ahˇ uˬ duˬ tahˬ-eu gʼaˇ duˬ, Yeˬluˇsaˬlehˬ meuˬ-euˬ nahˇ ma doˆ kʼehˬ paw, Saˬloˬ gawˬ jawˬ-euˬ laꞈ oˆ sahˬ paˬ Sawˇlaˬmoˬ neh tehˆ taˬ yaꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, Yawˇshiˆ laˆ cawˆ-euˬ meh.

Jaceuq 78:58

Aˬ yawꞈ maꞈ zmˬ luꞈ-eu aˬ cawˬ tsawˇ jeuˬ-euˬ muiˬ-eu shawˇ-eu jawˇ duˬ hawˇ-eu, tahˬ pahˬ aˬ ma mawˇ kawˇ deuˬ baˬ da neh, Miˬyehˇ nui ma bi pehˇ-euˬ meh.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Iˇsaˬyaˇ 36:7

Aˬshuˇliˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ paˇ ehˇ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nui kʼaˬ tsmˬ-eu ma lehˇ, naw maꞈ ngaˬ-ahˇ paˇ ehˇ nmˇ loˇ. Kʼoeˇ loꞈ-ehˇ ngeuˇ naˇ kʼawꞈ, lawˇ duˬ tiˬ tsahˇ-ahˇ tehꞈ-ehˇ uˬ duˬ ya tahˬ meh lehˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Heˬsaˬgiˇ ehˇ nehˬ ngeh, Sahˬpaˬ Miˬyehˇ-euˬ lawˇ duˬ hawˇ-eu uˬ duˬ tahˬ-eu jawˇ duˬ deuˬ-ahˇ aˬ yawꞈ neh laˆ cawˆ jiˇ-euˬ maˬ ngeuˇ-a loˇ.

Yeˬlaˬmiˇ 17:2

Aˬsheˇlaˬ miˬ yehˇ ma gʼaˇ duˬ kʼahˬ tuˇ taˬ-euˬ lawˇ duˬ deuˬ hawˇ-eu mawˇ kawˇ deuˬ-ahˇ, naw maꞈ-euˬ tsawˇ haˬ deuˬ uˬ duˬ tahˬ-eu meh. Mawˇ kawˇ kʼoeˇ deuˬ-ahˇ, aˇ paꞈ sahˇ-awˇ aˬ myah luꞈ nyoeˇ jawꞈ ni jaˆ-eu aˇ bawˇ dawˬ pehˬ kʼaˇ ngeuˇ gaˇ maˬ ehˇ, gawˬ duˇ uˬ du doe ni maˬ ehˇ,

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 3:2

Gawˬ duˇ aˬ yawꞈ duˇ yawꞈ-ahˇ haw gʼeh sheˇ. Nawˬ neh kʼaˬ miˬ maˬ sheu doe-euˬ aˬ gaˇ jaˆ ta. Aˬlaˆ tsawˇ haˬ bawˇ tsahˬ-ahˇ tahˇ joe deh-eu loꞈ luꞈ-eu loꞈ-ehˇ, nawˬ nehˬ-ehˇ kʼaˬ miˬ sheu taꞈ-euˬ tsawˇ haˬ deuˬ-ahˇ, gaˇ ma gaˇ dzeˇ doe ni nawˇ loꞈ-eu meh. Nawˇ meh maˬ laˇ geuꞈ-awˇ dehꞈ doeˇ-eu baˬ da neh, miˇ tsaˬ tahˬ kʼawˇ jawꞈ dui dui-iˇ-euˬ meh.

Yeˬlaˬmiˇ 3:6

Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Hawˇseˬ 4:13

Gawˬ jawˬ uˬ du doe ni lawˇ-awˇ, gawˬ duˇ uˬ du doe bi damˬ-awˇ, naˇ shmˇ muiˬ-eu aˇ bawˇ pyeuꞈ-eu, tsuiꞈ kaˆ, pawˇpaˬlaˬ, teˬleˬbiˇ, heu deuˬ dawˬ pehˬ-ahˇ lawˇ-euˬ meh. “Kʼoeˇ loꞈ-ehˇ dehꞈ-euˬ baˬ da neh, zaˬ miˬ meh maˬ laˇ pyeuꞈ-iˇ-awˇ, kuiˬ ma aˬ cawˬ-ahˇ bahˬ-euˬ meh.

Bawˇtsahˬ 22:41

Yawˬ shawˬ yawˬ, Baˬlamˬ-ahˇ Baˬmo baˬlaˇ meuˬ-ahˇ Baˬlehˇ sheuˬ gʼeh-euˬ meh. Kʼoeˇ gaˇ le keuˆ naˇ, Iˇsaˬleˬlaˆ tsawˇ haˬ tiˬ paˆ na deuˬ-ahˇ haw mawˇ nya-eu meh.

Dawˬmehˬ 7:5

Kʼoeˇ miˇ neh, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ deuˬ kʼawꞈ laˆ cawˆ nehˬ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˬ.

Yaˇ kʼaˬ daˇ 2:2

Miˇ kʼahˬ heu kʼahˬ-ahˇ jawˇ-eu tsawˇ haˬ nehˬ-ehˇ naw maꞈ dawˬ ma saˇ jaˇ maˬ ya dzaˬ-eu uˬ taꞈ, aˬ yawꞈ maꞈ-euˬ lawˇ guiˇ deuˬ-ahˇ naw maꞈ ya laˆ cawˆ meh lehˇ ngaˇ ehˇ taˬ-euˬ ma. Ehˇ kʼawꞈ, ngaˬ neh ehˇ taˬ-euˬ loꞈ-ehˇ naw maꞈ maˬ mˇ-a.