Dawˬmehˬ 10:12 - Akha

¹² “Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh naw maꞈ-ahˇ bi mˇ-euˬ jeˬ-ahˇ naˇ haˬ geuꞈ-awˇ mˇ-awˬ. Sahˬpaˬ Miˬyehˇ-ahˇ uˬ duˬ tahˬ-awˇ, aˬ yawꞈ neh dawˬ kʼaˇ biꞈ taˬ-euˬ jeˬ mˇ-awˬ. Aˬ yawꞈ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Dawˬmehˬ 10:12 Iomraidhean Croise

1 Sahˬpaˬ 3:3

Sawˇlaˬmoˬ-aˬ, Sahˬpaˬ Miˬyehˇ-ahˇ gaˬ-eu laꞈ kʼoeˇ, aˬ yawꞈ aˬ da Daˬbiˇ neh mehˬ nehˬ tsoˆ nehˬ yaꞈ-euˬ loꞈ-ehˇ dehꞈ-euˬ meh. Ehˇ kʼawꞈ, aˬ yawꞈ-euˬ gʼawˇ mawˇ kʼawꞈ, jeˬ zaˬ gʼawˬ mya mawˇ sehꞈ-awˇ, jawˇ duˬ gʼawˬ mya tsahˇ laꞈ kʼoeˇ lawˇ-eu shehˇ-eu jeˬ mˇ-euˬ meh.

2 Sahˬpaˬ 10:31

Ehˇ kʼawꞈ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ Yeˬhuˇ yaw muiˬ paˬ-ehˇ maˬ caw teh-ehˇ, Iˇsaˬleˬlaˆ tsawˇ haˬ deuˬ iˬ baˇ mˇ ni sheuˬ gʼeh-euˬ gʼaˬ pyeuꞈ-eu Yeˬyawˇbamˬ-ahˇ aˬ yawꞈ dzaw geuꞈ-awˇ yaw dehꞈ dehꞈ-euˬ meh.

2 Sahˬpaˬ 18:3

Aˬ yawꞈ-euˬ aˬ poeˬ sahˬ paˬ Daˬbiˇ-ahˇ aˬ yawꞈ dzaw geuꞈ-awˇ, Sahˬpaˬ Miˬyehˇ nui ma tsaˬ-eu jeˬ mˇ-euˬ meh.

2 Sahˬpaˬ 18:6

Aˬ yawꞈ-aˬ, Sahˬpaˬ Miˬyehˇ-ahˇ saˇ jaˇ ziꞈ-awˇ, Sahˬpaˬ Miˬyehˇ-euˬ ehˇ dawˬ-ahˇ maˬ naˇ haˬ-ehˇ maˬ byehˇ-eu uˬ taꞈ, Sahˬpaˬ Miˬyehˇ neh Moˇseˬ-ahˇ kʼaˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, yaw muiˬ paˬ-ehˇ caw teh-eu meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

2 Laˬsaˬbaˬ 15:12

Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ ma lehˇ, aˬ yawꞈ maꞈ dawˬ ma saˇ jaˇ dzaˬ-euˬ meh.

Yawˇbaˆ 36:11

Aˬ yawꞈ maꞈ Miˬyehˇ-euˬ ehˇ dawˬ naˇ haˬ-awˇ aˬ yawꞈ-eu gaˇ mˇ naˇ, aˬ yawꞈ maꞈ saˇ lehˆ ni ya dehꞈ ya jawˇ-awˇ baw le za le tehꞈ-a.

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Jaceuq 128:1

Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu deuˬ guiˬ lahˬ huiˬ-eu meh.

Jaceuq 145:20

Aˬ yawꞈ-ahˇ kʼaˇ gaˬ-eu tsawˇ haˬ-ahˇ aˬ yawꞈ haw piˇ-eu meh. Ehˇ kʼawꞈ, huiˬ-eu tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ tehꞈ-a.

Jaceuq 18:1

SahˬpaˬMiˬyehˇ-ahˇngaˇgaˬma. Nawˇ-aˬ, ngaˬ-euˬgʼaˬpyeuꞈ-eu ma.

Jaceuq 34:9

Yawꞈ-euˬtsawˇmuiˬtsawˇjaˬdeuˬ-oˇ, SahˬpaˬMiˬyehˇ-ahˇ zeu baw-awˬ. Yawꞈ-ahˇkʼaˇzeu-eu tsawˇhaˬdeuˬ, kʼaˇloˬ-eu jeˬ byah kʼaˇtehꞈ-a.

Jaceuq 81:13

Ngaˬ-euˬ tsawˇ haˬ deuˬ ngaˬ-euˬ ehˇ dawˬ bi naˇ haˬ mawꞈ dui dui nya. Ngaˬ neh mehˬ-euˬ dawˬ-ahˇ bi naˇ haˬ geuꞈ mawꞈ nya.

Jaceuq 81:14

Aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ ngaˇ kʼehˬ-awˇ, aˬ yawꞈ maꞈ-ahˇ bye-eu tsawˇ jeuˬ-ahˇ ngaˇ deuˆ gʼaˬ ma.

Doˆ-iˇ 23:25

Naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-ahˇ naw maꞈ uˬ duˬ tahˬ naˇ, ngaˇ naw maꞈ-ahˇ dzaˬ dzaˬ dawˇ dawˇ hawˇ-eu iˇ cuꞈ guiˬ lahˬ biꞈ-awˇ, naw maꞈ kʼoeˇ taˆ naˇ-eu gawˇ-eu jeˬ maˬ bi keuˆ le ni yuˇ dzeh ma.

Dawˬ tsoˆ 12:13

Dawˬ tawˆ luꞈ kʼoeˇ taˆ uˬ duˬ duˬ leˇ-eu, ehˇ paˬ-ehˇ gʼeh-eu tiˬ jeˬ jaˆ-eu tehꞈ meh. Miˬyehˇ-ahˇ guˆ-awˇ, aˬ yawꞈ-euˬ dawˬ naˇ haˬ geuꞈ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ beh taˬ-euˬ-aˬ, kʼoeˇ loꞈ-ehˇ bi mˇ-eu gʼaˇ duˬ meh.

Yeˬsaˬgeˬlaˇ 11:20

Kʼoeˇ ngeh jawˇ, ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ maꞈ caw teh-awˇ, ngaˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ tehꞈ-a. Aˬ yawꞈ maꞈ ngaˬ-euˬ tsawˇ jeuˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Zeˬpaˬniˇ 3:9

“Kʼoeˇ naˇ, miˇ kʼahˬ tsawˇ jeuˬ dawˬ tawˆ, nui ma paˇ laˇ ni ngaˇ jahˇ-awˇ, miˬ yehˇ nui deuˬ-ahˇ maˬ gʼoe ni, ngaˬ-ahˇ tehꞈ-ehˇ gʼoe-eu laꞈ kʼoeˇ, ngaˬ-euˬ ehˇ dawˬ naˇ haˬ tehꞈ-a.

Maꞈtehˬ 22:37

Yeˬsuˇ ehˇ-eu, “‘Nawˬ-euˬ nui ma dawˬ tawˆ luꞈ, nawˬ-euˬ saꞈ laˇ dawˬ tawˆ luꞈ, nawˬ-euˬ nui noeˬ nui duˇ dawˬ tawˆ luꞈ, nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ gaˬ-awˬ.’

Luˇkaꞈ 10:27

Aˬ yawꞈ ehˇ-eu, “‘Nawˬ-euˬ nui ma dawˬ tawˆ luꞈ, nawˬ-euˬ saꞈ laˇ dawˬ tawˆ luꞈ, nawˬ-euˬ gʼaˬ dawˬ tawˆ luꞈ, nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ gaˬ-awˬ’ lehˇ boꞈ taˬ-awˇ, ‘Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ’ lehˇ boꞈ taˬ-euˬ meh.”

Luˇkaꞈ 11:42

“Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, dzaˇ muiˇ dzaˇ sawˇ hawˇ-eu ka gʼawˬ ka dzaˇ deuˬ Miˬyehˇ-ahˇ tseˇ bymˇ tiˬ bymˇ damˬ-eu meh. Ehˇ kʼawꞈ, yaw tsaˬ yaw dawˇ jeˬ hawˇ-eu Miˬyehˇ-ahˇ gaˬ-eu jeˬ-ahˇ naw maꞈ byehˇ taˬ-euˬ meh. Naw maꞈ heu deuˬ-ahˇ mˇ byah-eu uˬ taꞈ, nui deuˬ-ahˇ kʼawꞈ maˬ byehˇ ni mˇ-eu tsaˬ meh.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Lormav 1:9

Ngaˇ ehˇ-eu dawˬ heu deuˬ tsaˬ-eu gaˇ kawˆ saˇ kiˇ-aˬ, Miˬyehˇ meh. Aˬ jeˬ miˇ neh ehˇ naˇ, ngaˇ nui ma keuˆ dui dui-awˇ aˬ yawꞈ-euˬ Zaˬmaˇ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ aˬ yawꞈ-euˬ gaˇ mˇ luꞈ-eu ma. Ngaˇ naw maꞈ-ahˇ noeˬ keuˆ luꞈ meh lehˇ Miˬyehˇ siˬ nya meh.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Dawˬmehˬ 10:11

Kʼoeˇ naˇ, naw maꞈ-euˬ aˬ poeˬ aˬ bawˇ deuˬ-ahˇ biꞈ ma lehˇ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ naw maꞈ za nya ni, naw maꞈ-ahˇ sheuˬ gʼeh-awˬ lehˇ aˬ yawꞈ ngaˬ-ahˇ ehˇ-eu meh.

Dawˬmehˬ 10:13

Naw maꞈ gʼaˇ duˬ muiˬ ni, iˬ nah ngaˇ naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ.

Dawˬmehˬ 11:1

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ aˬ myah luꞈ naˇ haˬ geuꞈ-awˬ.

Dawˬmehˬ 11:13

“Kʼoeˇ miˇ neh, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Dawˬmehˬ 26:16

“Aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ lehˇ, Sahˬpaˬ Miˬyehˇ nawˬ-ahˇ iˬ nah dawˬ biꞈ-euˬ meh. Kʼoeˇ miˇ neh, nawˬ-euˬ nui ma dawˬ tawˆ luꞈ, zahˇ sahˇ kʼoꞈ kʼoeˇ deuˬ-ahˇ saˇ jaˇ ziꞈ-eu laꞈ kʼoeˇ, naˇ haˬ geuꞈ-awˬ.

Dawˬmehˬ 27:10

Kʼoeˇ miˇ neh, aˬ yawꞈ ehˇ dawˬ naˇ haˬ-awˇ, iˬ nah ngaˇ naw maꞈ-ahˇ biꞈ luꞈ-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-euˬ mehˬ nah caw teh-awˬ.”

Dawˬmehˬ 30:16

Iˬ nah ngaˬ neh nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ nawˇ naˇ haˬ geuꞈ-awˇ, aˬ yawꞈ-ahˇ gaˬ-awˬ. Aˬ yawꞈ-euˬ ehˇ dawˬ-ahˇ naˇ haˬ geuꞈ-eu laꞈ kʼoeˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh naˇ, nawˇ baw dui za dui dui le-awˇ, tsawˇ haˬ myaˬ dui dui-eu tsawˇ jeuˬ tiˬ jeuˬ pyeuꞈ laˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ laꞈ tehꞈ-a.

Dawˬmehˬ 30:20

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-ahˇ saˇ jaˇ ziꞈ-awˬ. Kʼoeˇ loꞈ-ehˇ jahˇ naˇ, nawˬ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ gʼawˬ myahˇ ni ya jawˇ tehꞈ-a.”

Dawˬmehˬ 4:29

Kʼoeˇ gaˇ, Sahˬpaˬ Miˬyehˇ-ahˇ naw maꞈ poˆ-awˇ, naw maꞈ-euˬ nui ma saꞈ laˇ dawˬ tawˆ luꞈ aˬ yawꞈ-ahˇ poˆ naˇ, ya mawˇ tehꞈ-a.

Dawˬmehˬ 5:29

Aˬ yawꞈ maꞈ aˬ myah luꞈ kʼoeˇ loꞈ-ehˇ tehꞈ-ehˇ nui ma taˬ-awˇ, aˬ myah luꞈ ngaˬ-ahˇ taˬ huiˬ taˬ mahˇ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ yaw muiˬ paˬ-ehˇ ya dehꞈ dzaˬ tehꞈ-a.

Dawˬmehˬ 5:33

Naw maꞈ yaw muiˬ paˬ-ehˇ ya dehꞈ dzaˬ-awˇ, naw maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ yaw muiˬ paˬ-ehˇ ya dehꞈ ya jawˇ ni, zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ.

Dawˬmehˬ 6:13

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˇ, aˬ yawꞈ-ahˇ tehꞈ-ehˇ uˬ duˬ tahˬ-eu laꞈ kʼoeˇ, aˬ yawꞈ-euˬ tsawˇ myahˇ uˬ moˆ tehꞈ-ehˇ naw maꞈ saˇ jaˇ dzaˬ-awˬ.

Dawˬmehˬ 6:2

Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni ya dehꞈ ya jawˇ daˆ leꞈ-eu gʼaˇ duˬ, naw maꞈ yaw dehꞈ kʼaˇ dehꞈ kʼoeˇ keuˆ ni, naw maꞈ hawˇ-eu naw maꞈ-euˬ zaˬ deuˬ naw maˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-awˇ, ngaˇ naw maꞈ-ahˇ biꞈ-eu lehˇ gʼeh-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-awˬ.

Dawˬmehˬ 6:24

Kʼoeˇ naˇ, zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ caw teh-awˇ, aˬ yawꞈ-ahˇ guˆ-awˬ lehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. Aˬ dui kʼoeˇ loꞈ-ehˇ jahˇ naˇ, aˬ dui-euˬ tsawˇ jeuˬ-ahˇ aˬ yawꞈ aˬ myah luꞈ haw piˇ-awˇ, bi baw bi za le tehꞈ-a.

Dawˬmehˬ 6:5

Naw maꞈ-euˬ nui ma dawˬ tawˆ luꞈ, naw maꞈ-euˬ saꞈ laˇ dawˬ tawˆ luꞈ hawˇ-eu, naw maꞈ-euˬ gʼaˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.

1 Tiˆmoˇseˬ 1:5

Aˬ yawꞈ maꞈ-ahˇ kʼoeˇ loꞈ-ehˇ maˬ mehˬ ni bi naˬ-eu gʼaˇ duˬ aˬ dui dawˬ biꞈ-eu heu-aˬ, shawˇ jehˆ ni gʼeh-eu nui ma laꞈ kʼoeˇ neh doˆ laˇ-euˬ gʼoeˇ-eu gaˬ-eu jeˬ maˬ ehˇ, shawˇ jehˆ ni gʼeh-eu siˬ nya-eu nui ma maˬ ehˇ, maˇ jawˆ ni gʼeh-eu jah-eu jeˬ maˬ ehˇ, aˬ yawꞈ maꞈ laꞈ kʼoeˇ bi dehꞈ laˇ-eu gʼaˇ duˬ pyeuꞈ-eu ma.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

Yawˇshuˆ 22:5

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ nui kʼahˇ mˇ-awˬ. Aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˬ yawꞈ-ahˇ saˇ jaˇ ziꞈ-awˬ. Nawˬ-euˬ nui ma saꞈ laˇ dawˬ tawˆ luꞈ aˬ yawꞈ-euˬ gaˇ mˇ-awˬ lehˇ ehˇ-eu Moˇseˬ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ naw maꞈ maˬ ngehˇ ni caw teh-awˬ.”

Yawˇshuˆ 24:14

Kʼoeˇ naˇ, Yawˇshuˆ paˇ ehˇ-eu, “Teu miˇ neh nymˬ-mˇ Sahˬpaˬ Miˬyehˇ-ahˇ taˬ huiˬ taˬ mahˇ-awˇ, yaw tsaˬ yaw dawˇ hawˇ-eu saˇ jaˇ ziꞈ-euˬ laꞈ kʼoeˇ aˬ yawꞈ-ahˇ uˬ duˬ tahˬ-awˬ. Maˬsoˬpoˬtaˬmiˇ miˇ kʼahˬ hawˇ-eu Iˇjiˇtuˆ miˇ kʼahˬ laꞈ kʼoeˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ kʼoeˇ deuˬ-ahˇ byehˇ dzeh-awˇ, Sahˬpaˬ Miˬyehˇ-ahˇ tehꞈ-ehˇ uˬ duˬ tahˬ-awˬ.

1 Yoˇhaˬ 2:15

Miˇ tsaˬ heu hawˇ-eu miˇ tsaˬ kʼoeˇ taˆ jaˆ-eu jeˬ-ahˇ gaˬ-eu nui ma taˬ bi ahˇ. miˇ tsaˬ heu-ahˇ gaˬ-eu tsawˇ haˬ-aˬ, Aˬda Miˬyehˇ-ahˇ maˬ gaˬ nya-a.

1 Yoˇhaˬ 5:5

Miˇ tsaˬ heu-ahˇ gʼaˬ leˇ-eu aˬ suˇ gʼaˬ jawˇ ta. Yeˬsuˇ-ahˇ Miˬyehˇ-euˬ Zaˬmaˇ meh lehˇ jah-eu tsawˇ haˬ tehꞈ-ehˇ miˇ tsaˬ-ahˇ gʼaˬ leˇ-eu meh.

1 Saˬmeuˬlaˆ 12:20

Saˬmeuˬlaˆ ehˇ-eu, “Naw maꞈ taˬ guˆ. Heu loꞈ-ehˇ gʼeh-eu yaw lehˬ jeˬ naw maꞈ mˇ gʼaˬ-euˬ kʼawꞈ, Sahˬpaˬ Miˬyehˇ-ahˇ naw maꞈ maˬ paˇ byehˇ dzeh ni, naw maꞈ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ gaˇ mˇ-awˬ.