Aˇ dahˬ 4:1 - Akha

¹ Kʼoeˇ naˇ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ jawˇ taꞈ-awˇ, Eˇbaˆ aˬ nyiˇ pi leˇ-euˬ meh. Eˇbaˆ aˬ nyiˇ ciˬ ngeh, “Sahˬpaˬ Miˬyehˇ-euˬ guiˬ lahˬ baˬ da neh aˬ li tiˬ li jawˇ le-euˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Gaˬiˇnaˆ lehˇ myahˇ nehˬ-euˬ meh.

Aˇ dahˬ 4:1 Iomraidhean Croise

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Aˇ dahˬ 3:24

Kʼoeˇ naˇ, dehꞈ-eu saꞈ laˇ aˇ bawˇ jaˆ gaˇ tsawˇ haˬ tiˬ gʼaˬ-iˬ maˬ ya iˇ-eu gʼaˇ duˬ, Jeˬluˇbeˬ hawˇ-eu, miˇ ma oeˬ coeˇ oeˬ pyawˬ luꞈ-ahˇ mi seuˬ pyawˇ-eu miˬ dzaˬ doꞈ luꞈ-eu mi cehˇ-ahˇ, yaˇ kmˇ-euˬ nahˇ ma doˆ kʼehˬ paw bi jaˆ-awˇ, dehꞈ-eu saꞈ laˇ aˇ bawˇ dawˬ peh tsawˇ haˬ tiˬ gʼaˬ-iˬ maˬ bi laˇ ni bi loꞈ tsoeˬ-euˬ meh.

Aˇ dahˬ 4:2

Kʼoeˇ naˇ, Aˬbeˬlaˆ lehˇ myahˇ-euˬ aˬ li tiˬ li paˇ ciˬ-euˬ meh. Aˬbeˬlaˆ gʼaˬ yawˇ cu-eu tsawˇ haˬ pyeuꞈ laˇ-awˇ, Gaˬiˇnaˆ gʼaˬ yaˇ mˇ dzaˬ-eu tsawˇ haˬ pyeuꞈ laˇ-euˬ meh.

Aˇ dahˬ 4:25

Aˬdaˬ hawˇ-eu Eˇbaˆ aˬ nyaꞈ dzeˇ zaˬ aˬ li tiˬ li paˇ jawˇ le-euˬ meh. “Gaˬiˇnaˆ neh bi sehꞈ-euˬ Aˬbeˬlaˆ-euˬ dah zaˇ, Miˬyehˇ ngaˬ-ahˇ aˬ li tiˬ li paˇ biꞈ laꞈ-euˬ nga” lehˇ Eˇbaˆ ehˇ-awˇ, aˬ li kʼoeˇ li-ahˇ, Seˬtaˆ lehˇ myahˇ nehˬ-euˬ meh.

Aˇ dahˬ 5:29

Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ lehˇ myahˇ nehˬ-euˬ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Bawˇtsahˬ 31:17

Kʼoeˇ miˇ neh, aˬ li yawˬ gʼaˬ na luꞈ hawˇ-eu, kʼaˬ dzeˇ zaˬ nehˬ-ehˇ kʼaˇ yuꞈ taꞈ haw-euˬ zaˬ miˬ zaˬ yawˬ gʼaˬ na luꞈ-ahˇ nymˬ-mˇ sehꞈ-awˬ.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.