Aˇ dahˬ 32:14 - Akha

¹⁴ Ciꞈ myehꞈ ciꞈ ma nyiˬ yaˇ ma, ciꞈ buˬ nyiˬ tseˇ mawˇ, yawˇ nyiˬ yaˇ ma, aˬ buˬ nyiˬ tseˇ mawˇ,

Aˇ dahˬ 32:14 Iomraidhean Croise

Aˇ dahˬ 30:43

Kʼoeˇ miˇ neh, Yaˬkoˆ smˇ muiˬ muiˬ dui dui laˇ-awˇ, yawˇ maˬ ehˇ, ciꞈ myehꞈ maˬ ehˇ, zaˬ kʼaˆ maˬ ehˇ, law taw maˬ ehˇ, mahˬ tahˬ laˆ maˬ ehˇ, jawˇ myaˬ dui dui laˇ-euˬ meh.

Aˇ dahˬ 31:10

“Jeˬ zaˬ deuˬ zaˬ shaˇ-eu aˇ yamˬ keuˆ laˇ ngeh, yaw byaꞈ byaꞈ-ehˇ gʼeh-eu jeˬ zaˬ aˬ buˬ deuˬ hawˇ-eu, yaw kawˆ kawˆ-ehˇ byaꞈ-eu jeˬ zaˬ aˬ buˬ deuˬ zaˬ shaˇ luꞈ gaˇ ngaˇ yuꞈ maˆ maˆ mawˇ-euˬ ma.

Aˇ dahˬ 31:16

Nga nyaꞈ nmˇ-euˬ aˬ da-euˬ laꞈ-ahˇ neh, Miˬyehˇ neh yuˇ kʼoꞈ-euˬ pyuˇ shuiˇ myawˬ gahˬ heu deuˬ dawˬ tawˆ luꞈ, aˬ dui maꞈ hawˇ-eu aˬ dui maꞈ-euˬ zaˬ deuˬ-ahˇ oꞈ-eu pyuˇ shuiˇ myawˬ gahˬ deuˬ meh. Miˬyehˇ nawˬ-ahˇ kʼaˇ ehˇ nehˬ laꞈ-euˬ loꞈ-ehˇ mˇ-awˬ.”

Aˇ dahˬ 31:9

Kʼoeˇ loꞈ-ehˇ jahˇ-awˇ, naw nyaꞈ-euˬ aˬ da-euˬ jeˬ zaˬ deuˬ, Miˬyehˇ ngaˬ-ahˇ biꞈ laꞈ-euˬ meh.

Aˇ dahˬ 32:13

Kʼoeˇ naˇ, aˬ yawꞈ kʼoeˇ gaˇ tiˬ miˇ jawˇ naˬ mˇ-awˇ, aˬ yawꞈ-euˬ aˇ doˆ-ahˇ bi biꞈ-iˇ-eu gʼaˇ duˬ, jeˬ zaˬ tiˬ deuˬ tseˇ doˆ-euˬ meh.

Aˇ dahˬ 32:15

aˬ coeˇ nyehꞈ dawˇ nya-eu zaˬ caw-eu law taw smˬ tseˇ ma, mawˇ neˇ mawˇ ma oeˬ tseˇ ma, mawˇ gaw tseˇ mawˇ, mahˬ tahˬ laˆ nyiˬ tseˇ ma hawˇ-eu, mahˬ paˬ tseˇ mawˇ tseˇ doˆ-euˬ meh.

Aˇ dahˬ 33:11

Aˬ joˆ-ehˇ gʼeh-awˇ neh kʼawꞈ, ngaˬ neh nawˬ-ahˇ kʼaˇ biꞈ nehˬ laꞈ-euˬ jeˬ-ahˇ ha geuꞈ nehˬ laꞈ-awˬ. Miˬyehˇ ngaˬ-ahˇ gʼawˬ shaˬ gaˬ-eu laꞈ kʼoeˇ, ngaˇ kʼaˇ loˬ-eu jeˬ tiˬ byah tiˬ loꞈ biꞈ laꞈ-euˬ meh” lehˇ ehˇ-awˇ, Iˇsawˇ maˬ geuꞈ kʼoeˇ maˬ juˬ ni, Yaˬkoˆ neh dehˬ ahˇ nehˬ-euˬ meh.

Aˇ dahˬ 43:11

Aˬ da gʼaˬ aˬ ha mehˇ nmˇ-ahˇ ehˇ nehˬ-eu, “Kʼoeˇ loꞈ-ehˇ maˬ jahˇ naˇ maˬ geuꞈ nya-eu jeˬ maˇ-iˬ, aˬ dui-euˬ miˇ kʼahˬ-ahˇ doˆ-eu aˇ poeˬ kʼaˆ-eu mˇ myawˬ deuˬ pyeuꞈ-eu, tsiˇ yaw saw jeˬ ui cuiˆ, byaˬ byaˬ uiˇ ui cuiˆ, dzaˇ muiˇ dzaˇ sawˇ, tsuiꞈ siˬ tsuiꞈ shehˇ hawˇ-eu, aˬlaˬmoˬ aˇ siˬ heu deuˬ yuˇ gʼeh-awˇ, Iˇjiˇtuˆ miˇ kʼahˬ-ahˇ uˆ lahˇ-awˇ haw luꞈ pyaˆ luꞈ-eu kʼoeˇ gʼaˬ-ahˇ biꞈ nehˬ-iˇ-awˬ.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Dawqdaq 17:8

Laˬ nmꞈ nmꞈ-eu jeˬ maw loˬ loˬ gaˇ duˇ-awˇ, kʼaˇ jahˇ kʼaˇ pyeuꞈ pyeuꞈ-eu meh.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

1 Saˬmeuˬlaˆ 25:2

Maˬoˬ meuˬ laꞈ kʼoeˇ smˇ muiˬ muiˬ dui dui-eu tsawˇ haˬ tiˬ gʼaˬ jawˇ-eu meh. Gaˬlaˬmeˬlaˇ meuˬ laꞈ kʼoeˇ, aˬ yawꞈ-euˬ deh yaˇ hawˇ-eu mˇ myawˬ gʼawˬ mya ni jaˆ-eu meh. Yawˇ smˬ heˇ mawˇ hawˇ-eu ciꞈ myehꞈ tiˬ heˇ mawˇ jawˇ-awˇ, Gaˬlaˬmeˬlaˇ meuˬ-ahˇ aˬ yawꞈ yawˇ caꞈ hm tehˬ luꞈ-eu meh.