Aˇ dahˬ 26:9 - Akha

⁹ Kʼoeˇ ngeh, Iˇtsaˆ-ahˇ bi kuˇ laˬ-iˇ-awˇ, “Leˬbehˇkaꞈ nawˬ-euˬ miˬ zaˬ pyeuꞈ law hawˇ ngaˬ tawˇ. Nawˬ-euˬ dmˇ ma pyeuꞈ-eu ma lehˇ aˬ jeˬ miˇ neh nawˇ jaˬ myawꞈ myawꞈ teˬ” lehˇ ehˇ nehˬ-euˬ meh. Iˇtsaˆ gʼeh, “Aˬ yawꞈ ngaˬ-euˬ miˬ zaˬ ma lehˇ ngaˇ ehˇ naˇ, aˬ cawˬ ngaˬ-ahˇ sehꞈ laˇ-eu baw le lehˇ ngaˇ noeˬ guˆ-eu miˇ neh, kʼoeˇ loꞈ-ehˇ ehˇ-euˬ ma” lehˇ, paˇ ehˇ kʼoꞈ nehˬ-euˬ meh.

Aˇ dahˬ 26:9 Iomraidhean Croise

Aˇ dahˬ 12:18

Kʼoeˇ ngeh, sahˬ paˬ kʼoeˇ gʼaˬ Aˬbyaˬ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Nawˇ ngaˬ-ahˇ aˬ jeˬ jahˇ nehˬ laꞈ te. Zaˬ miˬ zaˬ heu gʼaˬ nawˬ-euˬ miˬ zaˬ ma lehˇ aˬ jeˬ miˇ neh nawˇ maˬ ehˇ te.

Aˇ dahˬ 26:10

“Aˬ jeˬ miˇ neh nga maꞈ-ahˇ nawˇ teu loꞈ-ehˇ jahˇ nehˬ laꞈ te. Ngaˬ-euˬ tsawˇ haˬ tiˬ gʼaˬ na, maˬ yehꞈ maˬ caˇ-ehˇ nawˬ-euˬ miˬ zaˬ nehˬ-ehˇ joe naˇ, nga maꞈ kʼoeˇ taˆ iˬ baˇ jaˆ laˇ ni nawˇ mˇ gaˇ duˇ-eu maˬ ngeuˇ nga loˇ” lehˇ, Iˇtsaˆ-ahˇ Aˬbiˇmaˬlehˆ ehˇ nehˬ-euˬ meh.

Aˇ dahˬ 26:8

Iˇtsaˆ kʼoeˇ gaˇ jawˇ luꞈ-eu aˇ yamˬ ui cuiˆ myahˇ laˇ-awˇ, sahˬ paˬ Aˬbiˇmaˬlehˆ laˇ gʼoˆ gʼoˆ zaˬ-ahˇ neh haw ka gʼeh ngeh, Iˇtsaˆ Leˬbehˇkaꞈ nehˬ-ehˇ jawˇ luꞈ gaˇ ya mawˇ-euˬ meh.

Yoˇhaˬ 14:9

Yeˬsuˇ ehˇ-eu, “Ngaˇ naw maꞈ nehˬ-ehˇ heu myah ni jawˇ keuˆ laꞈ-euˬ kʼawꞈ, Piˇliˇpuˆ nawˇ ngaˬ-ahˇ maˬ siˬ nya nga siˬ laˬ. Ngaˬ-ahˇ kʼaˇ ya mawˇ-euˬ tsawˇ haˬ-aˬ, Aˬda-ahˇ ya mawˇ-euˬ gaˇ duˇ meh. ‘Nga maꞈ-ahˇ Aˬda bi mawˇ laꞈ’ lehˇ aˬ jeˬ miˇ neh ehˇ te.

Gʼaˬkʼehˇ 12:11

Kʼoeˇ ngeh, Beˬtuˆluˆ yaw muiˬ paˬ-ehˇ noeˬ gahˇ laˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, yuꞈ maˆ maˆ-eu maˬ ngeuˇ-ehˇ aˬ diˇ aˬ maˇ pyeuꞈ luꞈ law hawˇ ngaˬ tawˇ. Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ, Heˬloˆ-euˬ baoˬ laꞈ kʼoeˇ maˬ ehˇ, Yuˇdaˆ tsawˇ haˬ deuˬ neh ngaˬ-ahˇ jahˇ nehˬ-eu lehˇ noeˬ tmˬ taˬ-euˬ jeˬ laꞈ kʼoeˇ maˬ ehˇ, ngaˬ-ahˇ bi ka kʼoꞈ le-euˬ ngaˇ.”