Aˇ dahˬ 16:3 - Akha

³ Kʼoeˇ ngeh, Saˬlehˇ neh Haˬgaˬlaˇ-ahˇ Aˬbyaˬ-euˬ ma nyiˇ bi geuꞈ-euˬ meh. Heu-aˬ, Aˬbyaˬ aˬ yawꞈ Kaˬnaˬ miˇ kʼahˬ-ahˇ tseˇ kʼoꞈ jawˇ keuˆ laꞈ ngeh pyeuꞈ laˇ-euˬ gaˇ kawˆ meh.

Aˇ dahˬ 16:3 Iomraidhean Croise

Aˇ dahˬ 16:16

Kʼoeˇ ngeh, Aˬbyaˬ yehꞈ tseˇ shiꞈ kʼoꞈ kʼawˆ laˇ-euˬ meh.

Aˇ dahˬ 16:4

Aˬbyaˬ hawˇ-eu Haˬgaˬlaˇ aˬ nyaꞈ yuꞈ taꞈ-awˇ, Haˬgaˬlaˇ aˬ nyiˇ pi leˇ-euˬ meh. Haˬgaˬlaˇ-aˬ, yawˬ ha aˬ nyiˇ pi leˇ-euˬ gaˇ kawˆ siˬ leˇ ngeh, nui ma huiˬ laˇ-awˇ, Saˬlehˇ-ahˇ yaw kʼaˆ-ehˇ yaw zeu maˬ baw ni pyeuꞈ-iˇ-euˬ meh.

Aˇ dahˬ 16:5

Kʼoeˇ ngeh, Aˬbyaˬ-ahˇ Saˬlehˇ heu loꞈ-ehˇ ehˇ nehˬ-euˬ meh. “Haˬgaˬlaˇ ngaˬ-ahˇ yaw zeu maˬ baw-eu-aˬ, nawˬ-ahˇ neh ahˇ-eu meh. Ngaˬ neh nawˬ-ahˇ mehˬ-awˇ aˬ yawꞈ-ahˇ bi yuˇ-euˬ ma. Ehˇ kʼawꞈ, yawˬ haˇ yawˬ ha aˬ nyiˇ pi leˇ-euˬ miˇ-a lehˇ siˬ leˇ ngeh tiˬ nah neh, Haˬgaˬlaˇ ngaˬ-ahˇ yaw zeu maˬ baw-a. Nawˇ lehˬ-eu nga loˇ, ngaˇ lehˬ-eu nga loˇ lehˇ, Sahˬpaˬ Miˬyehˇ yaˇ kʼaˬ daˇ nehˬ laꞈ luꞈ-uˇ.”

Aˇ dahˬ 21:21

Aˬ yawꞈ-euˬ aˬ ma neh aˬ yawꞈ-ahˇ Iˇjiˇtuˆ tsawˇ jeuˬ zaˬ miˬ aˬ buˇ tiˬ gʼaˬ-ahˇ bi sheuˬ dahˬ dzaˬ-euˬ meh.

Aˇ dahˬ 25:6

Aˬ yawꞈ-euˬ ma nyiˇ deuˬ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ laꞈ sawˬ biꞈ yaꞈ-euˬ meh. Kʼoeˇ naˇ, aˬ yawꞈ maꞈ-ahˇ Iˇtsaˆ jawˇ gaˇ neh bi doˆ-iˇ-awˇ, nahˇ ma doˆ kʼehˬ paw bi jawˇ-iˇ-euˬ meh.

Aˇ dahˬ 28:9

Kʼoeˇ ngeh jawˇ, Aˬbyaˬhaˬ-euˬ aˬ li Iˇshaˬmeˬlaˇ jawˇ gaˇ aˬ yawꞈ iˇ-awˇ, Iˇshaˬmeˬlaˇ-euˬ aˬ buˇ pyeuꞈ-eu Neˬbaˬyoˇ-euˬ dmˇ ma Maˬhaˬlaˇ-ahˇ sheuˬ-euˬ meh.

Aˇ dahˬ 30:4

Kʼoeˇ naˇ, Laˬkeˬlaˇ-aˬ, aˬ yawꞈ-euˬ zaˬ kʼaˆ Biˇlaˬhaˇ-ahˇ Yaˬkoˆ nehˬ-ehˇ bi yuꞈ taꞈ-iˇ-euˬ meh.

Aˇ dahˬ 30:9

Leˇaˬ-aˬ, yawˬ ha zaˬ maˬ paˇ jawˇ le nya-euˬ gaˇ kawˆ ya siˬ duˬ ngeh, Yaˬkoˆ-ahˇ aˬ yawꞈ-euˬ zaˬ kʼaˆ Ziˇlaˬpaˬ-ahˇ bi sheuˬ-euˬ meh.

Aˇ dahˬ 32:22

Yaˬkoˆ-aˬ, aˬ yawꞈ-euˬ miˬ zaˬ nyiˬ gʼaˬ, ma nyiˇ nyiˬ gʼaˬ hawˇ-eu, aˬ yawꞈ-euˬ zaˬ tseˇ tiꞈ gʼaˬ sheuˬ-awˇ, kʼoeˇ ngeh miˇ Jaˬboˆ lawˇ baˬ tsehˆ-euˬ meh.

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

2 Saˬmeuˬlaˆ 5:13

Heˬbyoˬ meuˬ-ahˇ neh Yeˬluˇsaˬlehˬ meuˬ-ahˇ Daˬbiˇ jawˇ-iˇ gʼaˬ ngeh, ma nyiˇ gʼawˬ mya gʼaˬ sheuˬ lahˬ-awˇ, aˬ buˇ aˬ li gʼawˬ mya ni jawˇ le-euˬ meh.

1 Sahˬpaˬ 11:3

Sawˇlaˬmoˬ-aˬ, sahˬ paˬ zaˬ miˬ shiꞈ yaˇ gʼaˬ-ahˇ sheuˬ-euˬ uˬ taꞈ, ma nyiˇ smˬ yaˇ gʼaˬ jawˇ-eu meh. Aˬ yawꞈ Miˬyehˇ-ahˇ byehˇ dzeh ni, aˬ yawꞈ-euˬ miˬ zaˬ kʼoeˇ deuˬ jahˇ-euˬ meh.

Gaˬlaˬtiˆ 4:25

Aˬleˬbyaˇ miˇ kʼahˬ-ahˇ jaˆ-eu Siˇnaˆ gawˬ jawˬ-euˬ dah zaˇ pyeuꞈ-eu Haˬgaˬlaˇ-aˬ, iˬ nah jaˆ luꞈ-eu Yeˬluˇsaˬlehˬ meuˬ kʼoeˇ meh. Meuˬ kʼoeˇ meuˬ hawˇ-eu kʼoeˇ gaˇ jawˇ-eu tsawˇ haˬ dawˬ tawˆ luꞈ, zaˬ kʼaˆ pyeuꞈ luꞈ-eu meh.