Aˇ dahˬ 1:9 - Akha

⁹ Kʼoeˇ naˇ, Iˇ cuꞈ maˬ dahˬ-eu pehˇ tsahˇ bi baw laˇ-eu gʼaˇ duˬ, mˬ-euˬ uˬ moˆ paw jaˆ-eu iˇ cuꞈ deuˬ tiˬ paw dzeˇ coeˇ-ahˇ tehꞈ-ehˇ uiˬ-iˇ-awˬ lehˇ Miˬyehˇ dawˬ biꞈ ngeh, kʼoeˇ loꞈ-ehˇ pyeuꞈ laˇ-euˬ meh.

Aˇ dahˬ 1:9 Iomraidhean Croise

Aˇ dahˬ 1:8

Kaˬ lawˆ kʼoeˇ hmˬ-ahˇ, “Mˬ” lehˇ Miˬyehˇ myahˇ nehˬ-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, nyiˬ nah tiˬ nah dzeuˇ-iˇ-euˬ meh.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Yawˇbaˆ 26:10

Iˬ ma laˆ shaˆ kʼoeˇ taˆ yaw zah zah-ehˇ aˬ yawꞈ kawˆ boꞈ-awˇ, yaw shehꞈ hawˇ-eu yaw zahˇ biˇ paˆ-euˬ meh.

Yawˇbaˆ 26:7

Laꞈ taˆ pyawˬ-ahˇ jaˆ-eu mˬ-ahˇ Miˬyehˇ toˆ pyeh-awˇ, miˇ tsaˬ tahˬ kʼawˇ-ahˇ tiˬ gaˇ-iˬ maˬ tuˆ ni jaˬ myawꞈ-ahˇ bi ceuˬ-euˬ meh.

Jaceuq 104:3

mˬ taˆ iˇ cuꞈ kʼoeˇ taˆ nawˬ-euˬ nymˇ tsoˆ daˆ taˬ-euˬ meh. Mˬ dmˇ-ahˇ nawˬ-euˬ mahˬ laˆ lawˬ bi geuꞈ-awˇ, jaˬ lehˇ-euˬ aˬ dahˇ kʼoeˇ taˆ nawˇ dziˬ-eu meh.

Jaceuq 33:7

Maˇtsaꞈ-ahˇ kʼaˇahˇ-eu loꞈ-ehˇ, laˆshaˆiˇcuꞈlaˆuiˬjiˇ-awˇ, yaw naꞈ-ahˇpiˬlahˇtaˬ-euˬmeh.

Jaceuq 95:5

Aˬ yawꞈ neh beh-euˬ iˬ ma laˆ shaˆ-ahˇ aˬ yawꞈ uˆ lahˇ-eu meh. Miˇ tsaˬ tahˬ kʼawˇ-ahˇ kʼawꞈ aˬ yawꞈ tehˆ taˬ-euˬ meh.

Dawˬ tsoˆ 1:7

Lawˇ gawˆ kʼaˇ yoeˇ-eu dawˬ tawˆ luꞈ, laˆshaˆ-ahˇ yoeˇ uˇ-iˇ jiˇ kʼawꞈ, laˆ shaˆ byah laˇ-eu maˬ baw-a. Gawˆ bi yoeˇ-eu lawˇ gawˆ dawˬ tawˆ, gawˆ mehˇ ya gʼoꞈ kʼoꞈ leˇ-eu meh.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Yawˇnaˆ 1:9

Yawˇnaˆ ehˇ-eu, “Ngaˇ-aˬ, Heˬbyehˇ tsawˇ jeuˬ ma. Miˇ tsaˬ tahˬ kʼawˇ hawˇ-eu iˬ ma laˆ shaˆ-ahˇ beh-euˬ mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ ma.”

2 Beˬtuˆluˆ 3:5

Aˇ hu ba Miˬyehˇ dawˬ biꞈ-awˇ mˬ hawˇ-eu miˇ-ahˇ beh-euˬ gaˇ kawˆ maˬ ehˇ, iˇ cuꞈ laꞈ kʼoeˇ neh miˇ tsaˬ heu-ahˇ beh doˆ-awˇ, iˇ cuꞈ-ahˇ gʼoe-awˇ miˇ tsaˬ tahˬ kʼawˇ heu bi pyeuꞈ doˆ laˇ-euˬ gaˇ kawˆ maˬ ehˇ, aˬ yawꞈ maꞈ diˇ daˬ-ehˇ maˬ siˬ nya-eu jahˇ geuꞈ-eu meh.

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.