Aˇ dahˬ 1:5 - Akha

⁵ Yaw shehꞈ-ahˇ “Nah gʼahˇ”, yaw zahˇ-ahˇ “Uˬ ciꞈ” lehˇ, aˬ yawꞈ myahˇ nehˬ-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, yaw beh nah dzeuˇ-iˇ-euˬ meh.

Aˇ dahˬ 1:5 Iomraidhean Croise

Aˇ dahˬ 1:13

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, smˬ nah tiˬ nah dzeuˇ-iˇ-euˬ meh.

Aˇ dahˬ 1:19

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, oeˬ nah tiˬ nah dzeuˇ-iˇ-euˬ meh.

Aˇ dahˬ 1:23

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, ngaˬ nah tiˬ nah dzeuˇ-iˇ-euˬ meh.

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Aˇ dahˬ 1:8

Kaˬ lawˆ kʼoeˇ hmˬ-ahˇ, “Mˬ” lehˇ Miˬyehˇ myahˇ nehˬ-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, nyiˬ nah tiˬ nah dzeuˇ-iˇ-euˬ meh.

Aˇ dahˬ 8:22

Miˇ tsaˬ heu li-iˇ ngeh keuˆ ni, ka-eu aˇ yamˬ hawˇ-eu yehˬ-eu aˇ yamˬ baw tehꞈ-a. Yaw tsehꞈ hawˇ-eu yaw lahˇ, tsahˬ gaˆ hawˇ-eu jawˇ la, uˬ ciꞈ hawˇ-eu nah gʼahˇ aˬ myah luꞈ jaˆ tehꞈ-a” lehˇ ehˇ-eu meh.

Jaceuq 104:20

Uˬ ciꞈ-ahˇ nawˇ beh-awˇ, zahˇ le ngeh bawˇ tsahˬ jeˬ zaˬ deuˬ doˆ le-eu meh.

Jaceuq 19:2

Nah doˆle ngeh pah mehˬluꞈ-awˇ, yawˬmiˇna luꞈmehˬpoˆluꞈmeh.

Jaceuq 65:8

Nawˬ neh mˇ-euˬ huiˬ-eu gaˇ deuˬ-ahˇ, miˇ kʼahˬ dawˬ tawˆ luꞈ zahˬ leˇ-eu meh. Miˇ tsaˬ tahˬ kʼawˇ mˬ dzeˇ miˇ dzeˇ keuˆ ni, nawˬ neh mˇ-euˬ gaˇ-ahˇ laˬ kʼaˬ cehˇ-awˇ guˇ-eu meh.

Jaceuq 74:16

Nah hawˇ-eu miˇ-ahˇ nawˬ neh beh-awˇ, nahˇ ma hawˇ-eu ba la-ahˇ nawˇ ciꞈ tsaˬ taˬ-euˬ meh.

Iˇsaˬyaˇ 45:7

Yaw shehꞈ hawˇ-eu yaw zahˇ nyiˬ jeˬ luꞈ-ahˇ, ngaˬ neh beh taˬ-euˬ ma. Lahˬ hawˇ-eu dawˇ nyiˬ jeˬ luꞈ-ahˇ, ngaˇ bi keuˆ le-eu ma. Sahˬpaˬ Miˬyehˇ pyeuꞈ-eu ngaˇ-aˬ, heu dawˬ tawˆ luꞈ mˇ jiˇ-eu yaw sahˇ ma.

Yeˬlaˬmiˇ 33:20

“Aˇ yamˬ tsaˬ tsaˬ ni uˬ ciꞈ ciꞈ le-awˇ, aˇ yamˬ tsaˬ tsaˬ ni uˬ bya bya laˇ-eu gʼaˇ duˬ, nah hawˇ-eu miˇ-ahˇ ngaˬ neh dzaˬ taˬ-euˬ saˇ jaˇ kʼaˇ ziꞈ kʼoeˇ keuˆ ni,

Bawˇtsahˬ 20:29

Tsawˇ haˬ aˇ maꞈ aˇ muˇ dawˬ tawˆ luꞈ Aˬloˬ shiˇ-euˬ gaˇ kawˆ siˬ nya-awˇ, smˬ tseˇ nah keuˆ ni aˬ yawꞈ gʼaˇ duˬ tsawˇ ngoeˇ ngoeˇ-euˬ meh.

1 Gawˇliˬtu 3:13

Aˬ yawꞈ gʼaˬ yawꞈ, yawˬ ha neh mˇ-euˬ muiˬ-eu doeˇ-eu gaˇ kawˆ-ahˇ, Ka li-euˬ Aˇ nah keuˆ le-awˇ pah mehˬ le ngeh ya mawˇ duˬ tehꞈ-a. Aˬ jeˬ miˇ neh ehˇ naˇ, Aˇ nah kʼoeˇ nah keuˆ le ngeh, yawˬ gʼaˬ na luꞈ kʼaˇ mˇ taˬ-euˬ jeˬ-ahˇ miˬ dzaˬ neh bi pah mehˬ tehꞈ-a. Muiˬ muiˬ doeˇ doeˇ miˬ dzaˬ neh bi lawˬ haw-awˇ, bi mawˇ duˬ laˇ tehꞈ-a.

Eˇpeˇsu 5:13

Dawˬ tawˆ luꞈ yaw shehꞈ laꞈ kʼoeˇ yuˇ doˆ laꞈ jiˇ ngeh, aˬ yawꞈ maꞈ aˬ joˆ-ehˇ gʼeh-eu tsawˇ haˬ pyeuꞈ-eu bya cehˆ ni mawˇ duˬ laˇ tehꞈ-a.

1 Teˇsaˬloˇni 5:5

Aˬ jeˬ miˇ neh ehˇ naˇ, naw maꞈ dawˬ tawˆ luꞈ yaw shehꞈ-euˬ zaˬ meh. Nah gʼahˇ-euˬ zaˬ meh. Aˬ dui-aˬ, uˬ ciꞈ-euˬ zaˬ maˬ ngeuˇ. Yaw zahˇ-euˬ zaˬ maˬ ngeuˇ.