2 Saˬmeuˬlaˆ 21:3 - Akha

³ Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ Daˬbiˇ neh bi kuˇ laˬ-iˇ-awˇ, “Naw maꞈ-ahˇ ngaˇ aˬ joˆ-ehˇ ya mˇ nehˬ nmˇ. Sahˬpaˬ Miˬyehˇ-euˬ tsawˇ jeuˬ-ahˇ naw maꞈ guiˬ lahˬ biꞈ nya ni, naw maꞈ kʼoeˇ taˆ mˇ lehˬ taˬ-euˬ jeˬ-ahˇ ngaˇ mˇ tsoeˬ nehˬ mawꞈ-eu ma” lehˇ ehˇ nehˬ-euˬ meh.

2 Saˬmeuˬlaˆ 21:3 Iomraidhean Croise

2 Saˬmeuˬlaˆ 20:19

Nga maꞈ-euˬ meuˬ heu meuˬ-aˬ, huiˬ-eu meuˬ tiˬ meuˬ pyeuꞈ-awˇ, nui saˇ oꞈ-eu meuˬ tiˬ meuˬ pyeuꞈ-eu uˬ taꞈ, Iˇsaˬleˬlaˆ miˇ kʼahˬ laꞈ kʼoeˇ aˬ cawˬ naˆ maˬ tseˇ saˇ jaˇ ziꞈ-eu meuˬ tiˬ meuˬ kʼawꞈ pyeuꞈ-eu ma. Aˬ jeˬ miˇ neh meuˬ heu meuˬ-ahˇ laˆ cawˆ-eu lehˇ nawˇ leh jeh te. Sahˬpaˬ Miˬyehˇ-euˬ myawˬ-ahˇ nawˇ laˆ luˬ laˆ seˇ nehˬ mawꞈ te loˇ.”

Doˆ-iˇ 32:30

Yawˬ nah yawˬ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Guˆ dui dui laˇ paˬ-ehˇ gʼeh-eu iˬ baˇ naw maꞈ mˇ gʼaˬ-euˬ meh. Ehˇ kʼawꞈ, gawˬ jawˬ-ahˇ, Sahˬpaˬ Miˬyehˇ jawˇ gaˇ, nymˬ-mˇ ngaˇ tiˬ poˆ paˇ daˆ leˇ ma. Naw maꞈ iˬ baˇ ya buˬ-iˇ ni, ngaˇ jahˇ nya-eu maˬ siˬ.”

Uˬ duˬ 1:4

Kʼoeˇ naˇ, mawˇ neˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ-euˬ aˬ laꞈ ya baꞈ daˆ meh. Kʼoeˇ ngeh, aˬ yawꞈ-euˬ iˬ baˇ bi pi dzeh-eu gʼaˇ duˬ lawˇ-eu jeˬ pyeuꞈ-eu mawˇ neˇ kʼoeˇ mawˇ-ahˇ ha geuꞈ nehˬ tehꞈ-a.

Yawˇnaˆ 1:11

Jaˬ lehˇ lehˇ ma kʼoeˇ, ngehˬ baw ngehˬ kʼaˆ laˇ-eu miˇ neh, “Jaˬ lehˇ lehˇ ma heu naˬ leˇ ni nga maꞈ nawˬ-ahˇ aˬ joˆ-ehˇ ya jahˇ nehˬ nmˇ” lehˇ, Yawˇnaˆ-ahˇ aˬ yawꞈ maꞈ naˇ haˬ-euˬ meh.

HeˬByehˇ 9:22

Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ-aˬ, yawˬ jeˬ na luꞈ ehˇ gʼaˬ ni-ahˇ shiˬ neh ya shawˇ-awˇ, shiˬ shehˆ-awˇ neh tehꞈ-ehˇ iˬ baˇ pyehˬ nehˬ-eu jeˬ-ahˇ za nya-eu meh.

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.