2 Saˬmeuˬlaˆ 1:16 - Akha

¹⁶ Aˬmaˬlehˇ tsawˇ haˬ kʼoeˇ gʼaˬ-ahˇ Daˬbiˇ ehˇ nehˬ-eu, “Nawˬ-euˬ kʼoeˇ taˆ heu loꞈ-ehˇ keuˆ le ni, nawˇ mˇ-euˬ meh. Sahˬpaˬ Miˬyehˇ neh tseˇ doˆ taˬ-eu sahˬ paˬ tiˬ gʼaˬ-ahˇ nawˬ neh sehꞈ-euˬ ma lehˇ nawˇ ehˇ doˆ-eu laꞈ kʼoeˇ, yawˬ ha kʼoeˇ taˆ shiˇ-eu jeˬ keuˆ le ni nawˇ saˇ kiˇ kamˬ-euˬ meh.”

2 Saˬmeuˬlaˆ 1:16 Iomraidhean Croise

2 Saˬmeuˬlaˆ 1:10

Aˬ jeˬ lehˇ ehˇ kʼawꞈ, aˬ yawꞈ coˬ dzeh-iˇ-eu nehˬ-ehˇ shiˇ tsehˆ-eu ngaˇ lehˇ siˬ duˬ-awˇ, le-awˇ aˬ yawꞈ-ahˇ sehꞈ-euˬ ma. Kʼoeˇ naˇ, aˬ yawꞈ kʼoˆ luꞈ-eu sahˬ paˬ uˬ kʼoˆ hawˇ-eu aˬ yawꞈ duꞈ luꞈ-eu laꞈ duꞈ lehˆ doˆ-awˇ, nawˇ jawˇ gaˇ yuˇ laꞈ-euˬ ma.”

2 Saˬmeuˬlaˆ 16:8

Sawˇluˆ-euˬ miˇ kʼahˬ nawˬ neh yuˇ geuꞈ-euˬ meh. Nymˬ-mˇ poˆ jawˇ-aˬ, Sawˇluˆ-euˬ aˇ jeuˬ aˇ ca deuˬ-ahˇ nawˬ neh sehꞈ-euˬ aˇ poeˬ, Sahˬpaˬ Miˬyehˇ nawˬ-ahˇ paˇ kʼehˬ poˆ luꞈ-eu meh. Sahˬpaˬ Miˬyehˇ neh nawˬ-euˬ miˇ kʼahˬ nawˬ li Aˬbaˇsaˬloˬ-ahˇ biꞈ-euˬ meh. Nawˇ-aˬ, aˬ cawˬ-ahˇ sehꞈ-euˬ tsawˇ haˬ pyeuꞈ-eu miˇ neh, ya luˬ ya seˇ-iˇ-eu keuˆ le-euˬ maˬ ngeuˇ nya loˇ.”

1 Sahˬpaˬ 2:37

Nawˇ meuˬ laꞈ nyiˇ doˆ-iˇ-awˇ, Giˇdaˬloˬ lawˇ gawˆ iˇ tsehˆ naˇ, aˬ diˇ aˬ maˇ ya shiˇ meh lehˇ noeˬ taˬ-awˬ. Shiˇ-euˬ iˬ baˇ kʼoeˇ kʼawꞈ nawˬ-euˬ kʼoeˇ taˆ jaˆ tehꞈ-a.”

Yawˇbaˆ 15:6

Nawˬ-euˬ iˬ baˇ-ahˇ ngaˇ ja doeˇ-eu maˬ loˬ-a. Nawˬ neh kʼaˇ ngehˬ-euˬ dawˬ yawˬ dawˬ na luꞈ nawˬ-ahˇ ja doeˇ luꞈ meh.

Dawqdaq 6:2

nawˬ neh ngehˬ-euˬ dawˬ-ahˇ nawˇ teuˆ lahˇ-awˇ, nawˬ neh kʼmˇ-euˬ lahˇ ju-ahˇ nawˇ paꞈ le naˇ,

Yeˬsaˬgeˬlaˇ 18:13

Aˬ cawˬ-ahˇ pyuˇ paˇ nehˬ-awˇ jiˇ jeuˬ yuˇ dzaˬ-euˬ meh. Aˬ li kʼoeˇ gʼaˬ ya dehꞈ tehꞈ-a loˇ. Maˬ ya dehꞈ-a. Nui daˆ daˆ dui dui laˇ paˬ-ehˇ gʼeh-eu gaˇ heu deuˬ aˬ yawꞈ mˇ-euˬ miˇ neh, ya shiˇ tehꞈ-a. Aˬ yawꞈ ya shiˇ-eu kʼoeˇ aˬ cawˬ maˬ guˬ-a.

Yeˬsaˬgeˬlaˇ 33:5

Aˬ yawꞈ-euˬ yaw lehˬ baˬ da neh aˬ yawꞈ ya shiˇ-eu meh. Aˬ jeˬ miˇ neh ehˇ naˇ, daˇ heh teˇ saˇ gaˬ-euˬ kʼawꞈ aˬ yawˬ maˬ yahˇ-a. Aˬ yawꞈ yahˇ law nmˇ-aˬ, shiˇ kʼawˇ dzeuˇ tehꞈ-a.

Uˬ duˬ 20:16

Zaˬ miˬ zaˬ tiˬ gʼaˬ na, jeˬ zaˬ tiˬ mawˇ nehˬ-ehˇ joe-eu lehˇ leh jeh naˇ, zaˬ miˬ zaˬ kʼoeˇ gʼaˬ hawˇ-eu jeˬ zaˬ kʼoeˇ mawˇ-aˬ, sehꞈ nehˬ gaˇ ya daˬ tehꞈ-a. Aˬ yawꞈ nyaꞈ-aˬ, yawˬ ha kʼoeˇ taˆ shiˇ-eu jeˬ keuˆ le ni mˇ-euˬ meh.

Uˬ duˬ 20:27

“Nyiˇ paˬ shaˆ ma deuˬ-ahˇ laꞈ jeuˬ shaˇ-eu tsawˇ haˬ aˬ geu gʼaˬ maˬ kaˬ, kʼaˬ lo neh biˬ sehꞈ gaˇ ya daˬ tehꞈ-a. Kʼoeˇ loꞈ-ehˇ kʼaˇ mˇ-eu tsawˇ haˬ aˬ geu gʼaˬ maˬ kaˬ, yawˬ haˇ yawˬ ha ya shiˇ ni mˇ gaˇ duˇ tehꞈ-a.”

Uˬ duˬ 20:9

Zahˇ sahˇ kʼoꞈ heu deuˬ-aˬ, Sahˬpaˬ Miˬyehˇ neh biꞈ-euˬ zahˇ sahˇ kʼoꞈ pyeuꞈ-eu meh. Yawˬ ha-euˬ aˬ ma aˬ da-ahˇ yaˬ kʼehˇ yaˬ-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Aˬ yawꞈ-aˬ, yawˬ haˇ yawˬ ha ya shiˇ ni mˇ-eu meh.

Maꞈtehˬ 27:25

Kʼoeˇ ngeh, tsawˇ haˬ dawˬ tawˆ luꞈ ehˇ-eu, “Tsawˇ haˬ teu gʼaˬ-ahˇ sehꞈ-eu iˬ baˇ kʼoeˇ, nga maꞈ kʼoeˇ taˆ hawˇ-eu nga maꞈ-euˬ zaˬ deuˬ kʼoeˇ taˆ keuˆ le luꞈ-uˇ.”

Luˇkaꞈ 19:22

“Aˬ yawꞈ ehˇ kʼoꞈ nehˬ-eu, ‘Haiˬ dui dui-eu zaˬ kʼaˆ-oˇ, nawˬ-euˬ kʼaˬ meh-ahˇ doˆ le-euˬ dawˬ neh, nawˬ-ahˇ ngaˇ yaˇ kʼaˬ daˇ ma. Ngaˬ neh maˬ yuˇ taˬ-euˬ gaˇ ngaˇ yuˇ geuꞈ-awˇ, ngaˬ neh maˬ sehˬ-euˬ gaˇ ngaˇ yehˬ dzaˬ-euˬ nawˇ siˬ duˬ-eu nga laˬ.

Gʼaˬkʼehˇ 18:6

Aˬ yawꞈ maꞈ aˬ yawꞈ mehˬ gaˇ maˬ naˇ haˬ ni aˬ yawꞈ-ahˇ yaw doeˇ ehˇ ngeh, aˬ yawꞈ pehˇ kʼahˬ byuˬ kʼaˇ-awˇ ehˇ nehˬ-eu, “Naw maꞈ dehꞈ-eu jeˬ-ahˇ smˬ naˇ, naw maꞈ-euˬ iˬ baˇ meh. Ngaˬ-ahˇ tiˬ jeˬ-iˬ maˬ taꞈ. Iˬ nah taꞈ naˇ, aˬ cawˬ tsawˇ jeuˬ-ahˇ ngaˇ mehˬ-iˇ ma.”

Gʼaˬkʼehˇ 20:26

Kʼoeˇ miˇ neh, naw maꞈ tiˬ gʼaˬ na dehꞈ-eu saꞈ laˇ smˬ-iˇ naˇ ngaˬ-euˬ baˬ da neh maˬ ngeuˇ lehˇ, naꞈ suiˇ ni gʼeh-eu dawˬ iˬ nah ngaˇ ngehˬ-eu ma.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Dawˬmehˬ 19:10

Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, iˬ baˇ maˬ ahˇ-eu tsawˇ haˬ deuˬ maˬ ya shiˇ ni maˬ ehˇ, kʼoeˇ loꞈ-ehˇ gʼeh-eu tsawˇ haˬ deuˬ-ahˇ sehꞈ-euˬ baˬ da neh nawˬ-euˬ kʼoeˇ taˆ iˬ baˇ maˬ ya keuˆ le ni maˬ ehˇ, kʼoeˇ loꞈ-ehˇ mˇ-awˬ.

Yawˇshuˆ 2:19

Tiˬ gʼaˬ na nymˇ laꞈ nyiˇ doˆ-iˇ-awˇ ya shiˇ naˇ, aˬ yawꞈ-euˬ iˬ baˇ meh. Nga maꞈ-euˬ iˬ baˇ maˬ ngeuˇ. Ehˇ kʼawꞈ, nawˬ nehˬ-ehˇ nymˇ laꞈ kʼoeˇ jawˇ luꞈ-eu tsawˇ haˬ-ahˇ laˆ tahˬ laˆ naˇ naˇ, nga maꞈ-euˬ iˬ baˇ ma.

Yaˇ kʼaˬ daˇ 9:24

Aˬbiˇmaˬlehˆ maˬ ehˇ, Giˇdoˬ-euˬ aˬ li shiꞈ tseˇ gʼaˬ-ahˇ sehꞈ ni aˬ yawꞈ-ahˇ gʼaˬ biꞈ-eu tsawˇ haˬ deuˬ maˬ ehˇ, aˬ yawꞈ maꞈ neh kʼaˇ mˇ-euˬ loꞈ-ehˇ ya daˬ poˆ ni, kʼoeˇ loꞈ-ehˇ pyeuꞈ laˇ-euˬ meh.

1 Saˬmeuˬlaˆ 25:39

Naˬbaˬlaˇ shiˇ-euˬ gaˇ kawˆ Daˬbiˇ ya gaˬ ngeh, heu loꞈ-ehˇ ehˇ-eu meh. “Yaw lehˬ jeˬ maˬ ya mˇ ni ngaˬ-ahˇ ha lahˇ nehˬ laꞈ-awˇ, ngaˬ-ahˇ yehˬ bawˬ sehˇ lu-ehˇ ehˇ-eu Naˬbaˬlaˇ-ahˇ Sahˬpaˬ Miˬyehˇ laꞈ poˆ poˆ kʼoꞈ nehˬ-euˬ miˇ neh, Sahˬpaˬ Miˬyehˇ-ahˇ ngaˇ ja ceuˬ-eu ma. Naˬbaˬlaˇ yaw haiˬ jeˬ mˇ-euˬ miˇ neh, Sahˬpaˬ Miˬyehˇ neh aˬ yawꞈ-ahˇ kʼehˬ nehˬ kʼaˆ nehˬ-euˬ meh.” Kʼoeˇ naˇ, “Ngaˬ-ahˇ mˇ dzaˬ laˇ ma loˇ” lehˇ, Daˬbiˇ neh Aˬbiˇgeˬlaˆ-ahˇ bi naˇ haˬ-iˇ-euˬ meh.

1 Saˬmeuˬlaˆ 26:9

Ehˇ kʼawꞈ, Daˬbiˇ ehˇ-eu, “Aˬ yawꞈ-ahˇ laˆ tahˬ laˆ naˇ-eu jeˬ maˬ mˇ kʼmˬ-a. Sahˬpaˬ Miˬyehˇ neh tseˇ doˆ-euˬ sahˬ paˬ-ahˇ laˆ tahˬ laˆ naˇ-eu jeˬ mˇ-eu tsawˇ haˬ-ahˇ, Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a.”