2 Saˬmeuˬlaˆ 1:1 - Akha

¹ Sawˇluˆ shiˇ dzeuˇ gʼaˬ ngeh, Aˬmaˬlehˇ tsawˇ haˬ deuˬ-ahˇ Daˬbiˇ guiˇ deuˆ gʼaˬ-awˇ gʼoꞈ keuˆ laˇ-awˇ, Ziˇkaˬlehˆ meuˬ-ahˇ nyiˬ nah jawˇ-euˬ meh.

2 Saˬmeuˬlaˆ 1:1 Iomraidhean Croise

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

1 Saˬmeuˬlaˆ 27:6

Kʼoeˇ ngeh, Aˬkiˇ neh Daˬbiˇ-ahˇ Ziˇkaˬlehˆ meuˬ biꞈ-awˇ bi jawˇ-euˬ meh. Kʼoeˇ miˇ neh, kʼoeˇ ngeh nah neh aˇ dahˬ beh-awˇ, Ziˇkaˬlehˆ meuˬ kʼoeˇ meuˬ Yuˇdaˆ sahˬ paˬ deuˬ-ahˇ taꞈ-eu meuˬ pyeuꞈ laˇ-euˬ meh.

1 Saˬmeuˬlaˆ 30:1

Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.

1 Saˬmeuˬlaˆ 31:4

Kʼoeˇ ngeh, aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ-ahˇ, “Miˬyehˇ maˬ baw-eu Piˇliˇtiˆ tsawˇ haˬ heu deuˬ ngaˬ-ahˇ kʼaˇ gʼeh mawꞈ-eu gʼeh-awˇ maˬ bi sehꞈ mawꞈ nya. Nawˬ-euˬ mi cehˇ gʼeu doˆ-awˇ ngaˬ-ahˇ sehꞈ-awˬ” lehˇ, Sawˇluˆ ehˇ nehˬ-euˬ meh. Ehˇ kʼawꞈ, zaˬ guˬ kʼoeˇ gʼaˬ kʼoeˇ loꞈ-ehˇ maˬ jahˇ peuˬ-a. Kʼoeˇ miˇ neh, yawˬ haˇ yawˬ ha mi cehˇ gʼawˇ daˬ-awˇ, coˬ daˆ sehꞈ-euˬ meh.

1 Saˬmeuˬlaˆ 31:6

Sawˇluˆ maˬ ehˇ, aˬ yawꞈ-euˬ aˬ li smˬ li maˬ ehˇ, kʼoeˇ loꞈ-ehˇ shiˇ-awˇ, Sawˇluˆ-euˬ tsawˇ haˬ dawˬ tawˆ luꞈ, kʼoeˇ ngeh nah shiˇ jiˇ-euˬ meh.