1 Yoˇhaˬ 5:8 - Akha

⁸ Yaw sahˇ Miˬyehˇ, iˇ cuꞈ, shiˬ, heu smˇ jeˬ meh. Heu smˇ jeˬ luꞈ saˇ kiˇ kamˬ-eu tiˬ hmˬ tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Mirtsaq-euq khoertav sarkir kamq-eu smr jeq jav-eu mae. Khoer-aq, Muiq-eu Saflar, ircuf hawr-eu shiq mae. Heu smr jeq sarkir kamq-eu-aq, tiqgar tsaq-eu mae.

1 Yoˇhaˬ 5:8 Iomraidhean Croise

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maˬkuˆ 14:56

Tsawˇ haˬ gʼawˬ mya gʼaˬ Yeˬsuˇ gaˇ kawˆ jaˬ myawꞈ myawꞈ-eu laꞈ kʼoeˇ saˇ kiˇ kamˬ kʼawꞈ, tiˬ gʼaˬ ehˇ-euˬ tiˬ jeˬ beu beu-ehˇ, yaw duˬ maˬ laˆ baw nya-a.

Yoˇhaˬ 15:26

“Caw ba-eu gʼaˬ oe tehꞈ-a. Aˬ yawꞈ-aˬ, Miˬyehˇ gaˇ kawˆ yaw tsaˬ yaw dawˇ jeˬ bi siˬ bi mawˇ le-euˬ gʼaˬ pyeuꞈ-eu, Aˬda jawˇ gaˇ neh oe-euˬ Yaw sahˇ Miˬyehˇ meh. Aˬda jawˇ gaˇ neh aˬ yawꞈ-ahˇ ngaˇ bi oe-awˇ, ngaˬ-euˬ gaˇ kawˆ aˬ yawꞈ saˇ kiˇ kamˬ tehꞈ-a.

Yoˇhaˬ 19:34

ehˇ kʼawꞈ, yehˇ tiˬ gʼaˬ neh Yeˬsuˇ-euˬ byaˇ gʼaˇ-ahˇ gahˬ tsawˆ-awˇ, shiˬ hawˇ-eu iˇ cuꞈ tiˬ poˆ tehꞈ-ehˇ yoeˇ doˆ le-euˬ meh.

Gʼaˬkʼehˇ 15:15

Gaˇ kawˆ heu Miˬyehˇ gʼaˇ duˬ ngehˬ dah-eu deuˬ neh ehˇ taˬ yaꞈ-euˬ dawˬ-ahˇ tsaˬ dui dui leˇ-eu meh. Jaˇliꞈ laꞈ kʼoeˇ ehˇ taˬ-euˬ-aˬ,

Lormav 8:16

Aˬ dui Miˬyehˇ-euˬ zaˬ pyeuꞈ-eu gaˇ kawˆ, Yaw sahˇ Miˬyehˇ hawˇ-eu aˬ dui-euˬ saꞈ laˇ tiˬ kawˆ loꞈ-ehˇ saˇ kiˇ kamˬ-eu meh.

2 Gawˇliˬtu 1:22

Aˬ dui-ahˇ aˬ yawꞈ-euˬ tsawˇ haˬ bi pyeuꞈ-eu gʼaˇ duˬ jmˬ diˬ nehˬ laꞈ-awˇ, aˬ duiˬ-euˬ nui ma laꞈ kʼoeˇ Muiˬ-eu Shawˇ-eu Yaw sahˇ Miˬyehˇ bi jawˇ le-eu laꞈ kʼoeˇ, aˬ yawꞈ-euˬ tsawˇ haˬ ma lehˇ kamˬ tsehˆ taˬ-euˬ meh.

HeˬByehˇ 13:12

Kʼoeˇ baˬ da neh, Yeˬsuˇ gʼeh aˬ yawꞈ-euˬ shiˬ neh tsawˇ haˬ zaˬ-euˬ iˬ baˇ shawˇ-eu gʼaˇ duˬ meuˬ meuˬ dzeˇ shiˇ-euˬ meh.

HeˬByehˇ 6:4

Aˬ jeˬ miˇ neh ehˇ naˇ, jah-eu jeˬ-ahˇ byehˇ dzeh dzeuˇ-euˬ tsawˇ haˬ deuˬ-ahˇ, iˬ baˇ noeˬ poˆ-eu tsahˇ-ahˇ aˬ joˆ-ehˇ paˇ bi gʼoꞈ kʼoꞈ keuˆ laˇ nya nmˇ. Aˬ yawꞈ maꞈ-aˬ, Miˬyehˇ-euˬ yaw shehꞈ laꞈ kʼoeˇ jawˇ haw-awˇ, mˬ kʼoeˇ taˆ neh oe-euˬ Miˬyehˇ neh biꞈ-euˬ laꞈ sawˬ-euˬ yaw kuiˇ ya myeuꞈ haw-awˇ, aˬ cawˬ loꞈ-ehˇ Muiˬ-eu shawˇ-eu Yaw sahˇ Miˬyehˇ za haw-euˬ tsawˇ haˬ pyeuꞈ-eu meh.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.

1 Yoˇhaˬ 5:9

Tsawˇ haˬ zaˬ saˇ kiˇ kamˬ gaˇ aˬ dui jah-eu-aˬ, Miˬyehˇ saˇ kiˇ kamˬ gaˇ aˇ naˆ ni paˇ jah paˬ nga. Aˬ yawꞈ-euˬ Zaˬmaˇ gaˇ kawˆ Miˬyehˇ-euˬ mawˇ do saˇ kiˇ kamˬ taˬ-euˬ meh.