1 Yoˇhaˬ 4:5 - Akha

⁵ Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ miˇ tsaˬ heu-ahˇ taꞈ-eu gaˇ kawˆ ja gaˇ, miˇ tsaˬ zaˬ deuˬ naˇ haˬ geuꞈ-eu meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, miˇtsaˬ heu-ahˇ taꞈ-eu tsawˇ haˬ deuˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf mirtsaq-anr taf-eu mirnae, mirtsaq-anr taf-eu garkawv ngaeq-eu mae. Mirtsaqzaq khawf aqyawf maf-euq dawq narhaq-eu mae.

1 Yoˇhaˬ 4:5 Iomraidhean Croise

Jaceuq 17:4

Nawˬ-euˬdawˬ-ahˇnaˇhaˬgeuꞈ-awˇ, tsawˇhaˬzaˬ-euˬhaiˬ-eu gaˇdeuˬ, maˬmˇni ngaˇyahˇdzeuˇ-eu ma.

Yeˬlaˬmiˇ 29:8

Naw maꞈ nehˬ-ehˇ jawˇ luꞈ-eu Miˬyehˇ gʼaˇ duˬ ngehˬ dah-eu deuˬ hawˇ-eu, mehˬ hu paw pyeuꞈ laˇ-eu gaˇ kawˆ ehˇ duˬ nya ma lehˇ kʼaˇ ehˇ-eu tsawˇ haˬ deuˬ neh, naw maꞈ-ahˇ mehˇ shuiˇ maˬ ya bi shuiˇ tawˆ ni yahˇ-awˬ lehˇ, Iˇsaˬleˬlaˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ dawˬ biꞈ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja gaˇ, naw maꞈ tiˬ pawꞈ-iˬ taˬ naˇ haˬ.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Luˇkaꞈ 16:8

Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 17:16

Ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 3:31

Mˬ-ahˇ neh oe-euˬ gʼaˬ-aˬ, dawˬ tawˆ kʼoeˇ taˆ huiˬ dzehˬ-eu meh. Miˇ tsaˬ kʼoeˇ taˆ jawˇ-eu gʼaˬ-aˬ, miˇ tsaˬ-ahˇ taꞈ-awˇ, miˇ tsaˬ kʼoeˇ taˆ-euˬ gaˇ kawˆ tehꞈ-ehˇ ngehˬ-eu tmˇ-eu meh. Ehˇ kʼawꞈ, mˬ-ahˇ neh oe-euˬ gʼaˬ-aˬ, dawˬ tawˆ luꞈ kʼoeˇ taˆ huiˬ dzehˬ-eu gʼaˬ meh.

Yoˇhaˬ 8:23

Yeˬsuˇ ehˇ-eu, “Naw maꞈ-aˬ, laꞈ oˆ miˇ tsaˬ zaˬ meh. Ngaˇ-aˬ, mˬ taˆ-euˬ tsawˇ haˬ ma. Naw maꞈ-aˬ miˇ tsaˬ heu-ahˇ taꞈ-eu tsawˇ haˬ meh. Ngaˇ-aˬ, miˇ tsaˬ heu-ahˇ maˬ taꞈ.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.