1 Yoˇhaˬ 4:21 - Akha

²¹ Ka li neh aˬ dui-ahˇ biꞈ taˬ yaꞈ-euˬ dawˬ-aˬ, heu loꞈ-ehˇ meh. Miˬyehˇ-ahˇ gaˬ-eu tsawˇ haˬ-aˬ, Ka li zaˬ cawˬ cawˬ ya gaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Miqyaer-anr gaq-eu tsawrhaq-aq, yawqha-euq maernmr-anr khawf yagaq-eu mae laer aer-eu dawq khoerdawq-aq, Miqyaer nae aqdui-anr biftaq-euq dawq mae.

1 Yoˇhaˬ 4:21 Iomraidhean Croise

Uˬ duˬ 19:18

Aˬ cawˬ-ahˇ jahˇ kʼoꞈ nehˬ mawꞈ-eu nui ma taˬ bi ahˇ. Aˬ cawˬ-ahˇ bye-eu nui ma taˬ bi jaˆ. Ehˇ kʼawꞈ, yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ. Ngaˇ-aˬ, Sahˬpaˬ Miˬyehˇ ma.

Maꞈtehˬ 5:43

“ ‘Yawˬ ha dawˬ peh jawˇ-eu tsawˇ haˬ-ahˇ gaˬ-awˇ, yawˬ ha-ahˇ muiˇ-eu tsawˇ haˬ-ahˇ muiˇ-awˬ’ lehˇ ehˇ taˬ-euˬ dawˬ naw maꞈ ya gaˬ-euˬ meh.

Luˇkaꞈ 10:37

Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ ehˇ-eu, “Aˬ yawꞈ-ahˇ gʼawˬ shaˬ gaˬ nehˬ-euˬ kʼoeˇ gʼaˬ-ahˇ kuˇ-eu tsaˬ tehꞈ-a.” Yeˬsuˇ aˬ yawꞈ-ahˇ ehˇ nehˬ-eu, “Nawˇ gʼeh kʼoeˇ loꞈ-ehˇ mˇ-iˇ-awˬ.”

Yoˇhaˬ 15:12

Naw maꞈ-ahˇ dawˬ heu dawˬ biꞈ-eu ma. Ngaˇ naw maꞈ-ahˇ gaˬ-eu loꞈ-ehˇ, naw maꞈ tiˬ gʼaˬ tiˇ gʼaˬ gaˬ-awˬ.

Gaˬlaˬtiˆ 5:14

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ dawˬ tawˆ luꞈ, “Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ” lehˇ ehˇ-eu dawˬ kʼoeˇ dawˬ laꞈ kʼoeˇ byah laˇ jiˇ-euˬ meh.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

1 Teˇsaˬloˇni 4:9

Ka li zaˬ cawˬ cawˬ ya gaˬ ya gʼoeˇ-eu gaˇ kawˆ naw maꞈ-ahˇ boꞈ nehˬ-eu maˬ paˇ loˬ meh. Naw maꞈ tiˬ gʼaˬ tiˇ gʼaˬ aˬ joˆ-ehˇ ya gaˬ ya gʼoeˇ-eu gaˇ kawˆ, Miˬyehˇ neh naw maꞈ-ahˇ mehˬ nehˬ tsoˆ nehˬ gʼaˬ-euˬ meh.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.

1 Yoˇhaˬ 2:7

Ngaˇ gaˬ dui dui-eu cawˬ deuˬ-oˇ, ngaˇ naw maꞈ-ahˇ boꞈ ahˇ laꞈ-euˬ dawˬ heu deuˬ-aˬ, yaw shuiꞈ maˬ ngeuˇ. Aˇ dahˬ beh ngeh neh naw maꞈ-ahˇ biꞈ-euˬ dawˬ yaw oeˇ kʼoeˇ ma. Dawˬ yaw oeˇ kʼoeˇ-aˬ, naw maꞈ-ahˇ mehˬ nehˬ-euˬ guiˬ lahˬ dawˬ kʼoeˇ meh.

1 Yoˇhaˬ 3:11

Aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-aˬ, aˬ dui tiˬ gʼaˬ tiˇ gʼaˬ ya gaˬ meh lehˇ ehˇ-eu kʼoeˇ dawˬ meh.

1 Yoˇhaˬ 3:14

Aˬ dui-aˬ, shiˇ-eu jeˬ laꞈ kʼoeˇ neh doˆ dzeuˇ laˇ-awˇ, dehꞈ-eu jeˬ laꞈ kʼoeˇ uˇ keuˆ laˇ taˬ-euˬ ma lehˇ siˬ nya-eu ma. Aˬ dui Ka li zaˬ cawˬ cawˬ gaˬ luꞈ-eu miˇ neh, kʼoeˇ loꞈ-ehˇ ehˇ tsehˆ nya-eu ma. Gʼoeˇ-eu gaˬ-eu jeˬ maˬ ahˇ-eu tsawˇ haˬ-aˬ, shiˇ-eu jeˬ-euˬ baoˬ uˬ moˆ jawˇ luꞈ-a siˬ.

1 Yoˇhaˬ 3:18

Ngaˇ gaˬ dui dui-eu zaˬ deuˬ-oˇ, aˬ dui-euˬ gʼoeˇ-eu gaˬ-eu heu-aˬ, mehˬ boeˬ neh tehꞈ-ehˇ gaˬ-eu jeˬ taˬ bi pyeuꞈ. Maˇ jawˆ ni gʼeh-eu gʼoeˇ-eu gaˬ-eu jeˬ bi pyeuꞈ-awˇ, mˇ-eu shaˇ-eu laꞈ kʼoeˇ bi doˆ laˇ-awˬ.

1 Yoˇhaˬ 3:23

Aˬ yawꞈ neh aˬ dui-ahˇ biꞈ-euˬ dawˬ-aˬ, aˬ yawꞈ-euˬ Zaˬmaˇ Yeˬsuˇ Ka li-ahˇ jah-awˇ, Ka li neh dawˬ biꞈ taˬ-euˬ loꞈ-ehˇ tiˬ gʼaˬ tiˇ gʼaˬ gaˬ-awˬ lehˇ ehˇ-eu kʼoeˇ dawˬ meh.

1 Yoˇhaˬ 4:11

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ naˆ ni gaˬ gaˇ keuˆ-eu-aˬ, aˬ dui tiˬ gʼaˬ tiˇ gʼaˬ gaˬ-eu tsaˬ tehꞈ-a.