1 Yoˇhaˬ 4:1 - Akha

¹ Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.

1 Yoˇhaˬ 4:1 Iomraidhean Croise

1 Sahˬpaˬ 13:18

Beˬdeˬlaˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ ehˇ-eu, , “Ngaˇ kʼawꞈ, nawˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ ma. Mˬ taˆ gʼaˬ kʼehˇ tiˬ gʼaˬ-ahˇ Sahˬpaˬ Miˬyehˇ kʼehˇ gʼeh leꞈ-awˇ, nawˬ-ahˇ sheuˬ kʼoꞈ laˬ-iˇ-awˇ bi dzaˬ bi dawˇ-awˬ lehˇ ehˇ le-euˬ meh.” Maˇ maˇ ni ehˇ naˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ jaˬ myawꞈ myawꞈ luꞈ-eu meh.

Dawqdaq 14:15

Dawˇ ga deuˬ kʼaˇ ehˇ kʼaˇ jah jah-awˇ, yaw gahˇ deuˬ kuiˇ toꞈ shaˇ noeˬ-awˇ ciˬ-eu meh.

Yeˬlaˬmiˇ 14:14

Ehˇ kʼawꞈ, Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu deuˬ-aˬ, ngaˬ-euˬ tsawˇ myahˇ-ahˇ gʼoe-awˇ jaˬ myawꞈ myawꞈ luꞈ meh. Aˬ yawꞈ maꞈ-ahˇ ngaˬ neh pyehˬ leꞈ-euˬ maˬ ngeuˇ. Ngaˬ-euˬ dah zaˇ dawˬ tiˬ dawˬ-iˬ bi ngehˬ le-euˬ maˬ ngeuˇ. Yaw sahˇ laꞈ kʼoeˇ aˬ yawꞈ maꞈ kʼaˇ ya siˬ kʼaˇ ya mawˇ-euˬ loꞈ-ehˇ ngehˬ-eu tmˇ-eu ma lehˇ aˬ yawꞈ maꞈ ehˇ kʼawꞈ, aˬ yawꞈ maꞈ ngehˬ-eu dawˬ kʼoeˇ deuˬ ngaˬ-euˬ dawˬ maˬ ngeuˇ. Mehˬ hu paw pyeuꞈ laˇ-eu gaˇ kawˆ aˬ yawꞈ maꞈ ehˇ-eu kʼoeˇ-aˬ, aˬ yawꞈ maꞈ neh kʼaˇ noeˬ doˆ-euˬ loꞈ-ehˇ ehˇ-eu jeˬ pyeuꞈ-awˇ, gaˇ dahˇ maˬ tsoeˬ-aˬ.

Yeˬlaˬmiˇ 23:16

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ ehˇ gaˇ taˬ naˇ haˬ. Aˬ yawꞈ maꞈ naw maꞈ-ahˇ, maˬ tsaˬ maˬ dawˇ-eu noeˬ tmˬ duˬ biꞈ byah nehˬ laꞈ-euˬ meh. Ngaˬ neh bi ehˇ-euˬ dawˬ naw maꞈ-ahˇ maˬ ehˇ nehˬ ni, aˬ yawꞈ maꞈ neh kʼaˇ noeˬ doˆ-euˬ jeˬ tehꞈ-ehˇ ehˇ nehˬ-euˬ meh.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Maˬkuˆ 13:21

“‘Haw-awˬ. Ka li heu gaˇ jawˇ ngaˇ. Kʼoeˇ gaˇ jawˇ ngaˇ’ lehˇ, tsawˇ haˬ tiˬ gʼaˬ na ehˇ laˇ gaˇ naw maꞈ taˬ jah.

Luˇkaꞈ 12:57

“Naw maꞈ aˬ jeˬ miˇ neh yaw tsaˬ jeˬ-ahˇ yawˬ haˇ yawˬ ha maˬ shaˇ sawˇ geuꞈ te.

Luˇkaꞈ 21:8

Yeˬsuˇ ehˇ-eu, “Aˬ cawˬ neh gaˇ ma maˬ bi sheuˬ bahˬ ni yaw gahˇ gahˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ aˬ yawꞈ ma. Aˇ nah aˇ yamˬ kʼoeˇ yamˬ keuˆ le-euˬ meh’ lehˇ ehˇ tehꞈ-a. Aˬ yawꞈ maꞈ-euˬ mehˬ nah naw maꞈ taˬ caw teh.

Gʼaˬkʼehˇ 17:11

Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

Gʼaˬkʼehˇ 20:29

Ngaˇ doˆ-iˇ dzeuˇ naˇ guˆ laˇ paˬ-ehˇ gʼeh-eu kʼaˬ yehˇ deuˬ oe-awˇ, yawˇ yawˇ maꞈ-ahˇ gʼawˬ shaˬ maˬ gaˬ ni laˆ cawˆ le tehꞈ-a lehˇ ngaˇ siˬ nya ma.

1 Gawˇliˬtu 12:10

Tiˬ gʼaˬ-ahˇ zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-awˇ, tiˬ gʼaˬ-ahˇ Miˬyehˇ dawˬ kawˬ mehˬ nya-eu laꞈ sawˬ biꞈ taˬ-euˬ meh. Tiˬ gʼaˬ-ahˇ Yaw sahˇ Miˬyehˇ neh biꞈ-euˬ laꞈ sawˬ ngeuˇ-eu maˬ ngeuˇ-eu tseˇ paˆ duˬ nya-eu nui gahˇ biꞈ taˬ-euˬ meh. Tiˬ gʼaˬ-ahˇ dawˬ gʼawˬ mya jeˬ ngehˬ nya-eu laꞈ sawˬ biꞈ taˬ-awˇ, tiˬ gʼaˬ-ahˇ dawˬ gʼawˬ mya jeˬ ngehˬ-eu kʼoeˇ-euˬ dawˬ tsuiꞈ yuˇ doˆ nya-eu laꞈ sawˬ biꞈ taˬ-euˬ meh.

1 Gawˇliˬtu 14:29

Miˬyehˇ dawˬ kawˬ mehˬ-eu tsawˇ haˬ nyiˬ gʼaˬ smˇ gʼaˬ bi ngehˬ bi tmˇ-eu tsaˬ meh. Nui deuˬ-aˬ, aˬ yawꞈ maꞈ neh ngehˬ-euˬ jeˬ-ahˇ shaˇ sawˇ-eu tsaˬ meh.

1 Teˇsaˬloˇni 5:20

Miˬyehˇ neh bi mehˬ-euˬ loꞈ-ehˇ dawˬ mehˬ mehˬ gaˇ yehˬ bawˬ sehˇ lu-ehˇ taˬ ehˇ.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

2 Teˇsaˬloˇni 2:2

Sahˬpaˬ Yeˬsuˇ-euˬ Aˇnah keuˆ le gʼaˬ-euˬ meh lehˇ aˬ cawˬ ehˇ gaˇ naw maꞈ yaw awˇ laꞈ-ehˇ taˬ noeˬ bahˬ. Nui ma yaw tsaˇ taˬ tsaˇ. Nga maꞈ dawˬ mehˬ mehˬ ngeh kʼoeˇ loꞈ-ehˇ ehˇ-eu meh lehˇ aˬ cawˬ naw maꞈ-ahˇ tsaꞈ nehˬ laˇ-eu baw tehꞈ-a. Maˬ ngeuˇ naˇ, nga maꞈ sahˬ boꞈ boꞈ-awˇ kʼoeˇ loꞈ-ehˇ ehˇ-eu meh lehˇ tsaꞈ laˇ tehꞈ-a.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

2 Beˬtuˆluˆ 2:1

Aˇ hu ba-euˬ tsawˇ haˬ deuˬ jawˇ gaˇ maˬ ngeuˇ-eu Miˬyehˇ gʼaˇ duˬ ngehˬ dah-eu deuˬ doˆ le haw-euˬ loꞈ-ehˇ, naw maꞈ jawˇ gaˇ maˬ ngeuˇ-eu mehˬ-eu tsoˆ-eu saˬ laˬ deuˬ doˆ le tehꞈ-a. Yaw cawˆ jeˬ hawˇ-eu maˬ tsaˬ-eu jah-eu jeˬ aˬ yawꞈ maꞈ hehˇ ahˇ laꞈ-awˇ, aˬ yawꞈ maꞈ-ahˇ ka kʼoꞈ nehˬ-euˬ Sahˬpaˬ-ahˇ maˬ siˬ lehˇ ehˇ tehꞈ-a. Kʼoeˇ miˇ neh, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ yaw kawˇ-ehˇ keuˆ le ni yawˬ haˇ ha mˇ gaˇ duˇ-eu meh.

1 Yoˇhaˬ 2:18

Ngaˇ gaˬ dui dui-eu zaˬ deuˬ-oˇ, aˇ saˬ saˬ-eu aˇ yamˬ peh le-euˬ meh. Ka li-ahˇ Muiˇ-eu Gʼaˬ oe luꞈ meh lehˇ ehˇ-eu naw maꞈ ya gaˬ taˬ-euˬ meh. Ka li-ahˇ muiˇ-eu gʼawˬ mya gʼaˬ nymˬ-mˇ doˆ le gʼaˬ-euˬ meh. Kʼoeˇ miˇ neh, aˇ saˬ saˬ-eu aˇ yamˬ keuˆ le-euˬ gaˇ kawˆ aˬ dui siˬ nya-eu ma.

1 Yoˇhaˬ 2:7

Ngaˇ gaˬ dui dui-eu cawˬ deuˬ-oˇ, ngaˇ naw maꞈ-ahˇ boꞈ ahˇ laꞈ-euˬ dawˬ heu deuˬ-aˬ, yaw shuiꞈ maˬ ngeuˇ. Aˇ dahˬ beh ngeh neh naw maꞈ-ahˇ biꞈ-euˬ dawˬ yaw oeˇ kʼoeˇ ma. Dawˬ yaw oeˇ kʼoeˇ-aˬ, naw maꞈ-ahˇ mehˬ nehˬ-euˬ guiˬ lahˬ dawˬ kʼoeˇ meh.

2 Yoˇhaˬ 1:7

Yeˬsuˇ Ka li tsawˇ haˬ zaˬ-euˬ shiˬ shaˬ jiˇ pi-awˇ oe-euˬ meh lehˇ maˬ ha geuꞈ-eu jaˬ myawꞈ mehˇ shuiˇ shuiˇ-eu tsawˇ haˬ deuˬ gʼawˬ mya ni miˇ tsaˬ kʼoeˇ taˆ iˇ byah taˬ-euˬ meh. Kʼoeˇ loꞈ-ehˇ ehˇ-eu tsawˇ haˬ-aˬ, jaˬ myawꞈ mehˇ shuiˇ pyeuꞈ-awˇ, Ka li-ahˇ Muiˇ-eu tsawˇ haˬ meh.

3 Yoˇhaˬ 1:11

Ngaˇ gaˬ dui dui-eu cawˬ-oˇ, maˬ muiˬ-eu jeˬ-ahˇ maˬ dzaw geuꞈ ni, yaw muiˬ jeˬ-ahˇ tehꞈ-ehˇ dzaw geuꞈ-awˬ. Yaw muiˬ jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, maˬ muiˬ-eu jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ maˬ siˬ maˬ mawˇ haw-euˬ tsawˇ haˬ pyeuꞈ-eu meh.

Panmaeq 2:2

Nawˬ neh mˇ taˬ-euˬ gaˇ deuˬ ngaˇ siˬ nya ma. Nawˇ aˇ naˆ ni leh jeh-awˇ mˇ-euˬ gaˇ kawˆ maˬ ehˇ, aˇ naˆ ni oˇ-euˬ gaˇ kawˆ maˬ ehˇ, ngaˇ siˬ nya ma. Haiˬ-eu tsawˇ haˬ deuˬ-ahˇ nawˇ maˬ bi dzeuˇ-iˇ-euˬ gaˇ kawˆ maˬ ehˇ, Miˬyehˇ gaˇ mˇ-eu gʼaˬ kʼehˇ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ deuˬ-ahˇ nawˇ lawˬ haw-euˬ gaˇ kawˆ maˬ ehˇ, aˬ yawꞈ maꞈ jaˬ myawꞈ myawꞈ-eu tsawˇ haˬ meh lehˇ nawˇ caw duˬ-euˬ gaˇ kawˆ maˬ ehˇ, ngaˇ siˬ nya ma.