1 Yoˇhaˬ 2:1 - Akha

¹ Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

1 Yoˇhaˬ 2:1 Iomraidhean Croise

Jaceuq 4:4

Guˆ-awˇyaw dzuˬdzuˬ-eu laꞈkʼoeˇ, iˬbaˇmˇ-eu jeˬ byehˇdzeh-awˬ. Yuꞈ zaˇ-ahˇ ciˬcuˇni yuꞈngeh, gaˇkawˆheu-ahˇ shaˇnoeˬduˬ-awˬ.

Yeˬsaˬgeˬlaˇ 3:21

Yaw tsaˬ yaw dawˇ tsawˇ haˬ tiˬ gʼaˬ-ahˇ iˬ baˇ maˬ ya mˇ ni nawˇ mehˬ nehˬ tsoˆ nehˬ-awˇ, nawˬ-euˬ ehˇ dawˬ-ahˇ naˇ haˬ-eu laꞈ kʼoeˇ, iˬ baˇ maˬ mˇ ni jawˇ naˇ, aˬ yawꞈ maˬ ya shiˇ-ehˇ, nawˇ kʼawꞈ shiˇ gaˇ ya buˬ-iˇ tehꞈ-a.”

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Luˇkaꞈ 10:22

“Yawˬ jeˬ naˬ luꞈ ngaˬ Da neh ngaˬ-ahˇ a nehˬ jiˇ laꞈ-euˬ meh. Zaˬmaˇ-aˬ, aˬ suˇ gʼaˬ-a lehˇ, Aˬda maˬ ngeuˇ naˇ tiˬ gʼaˬ-iˬ maˬ siˬ nya-a. Kʼoeˇ loꞈ-ehˇ duˇ ni, Aˬda-aˬ, aˬ suˇ gʼaˬ-a lehˇ, Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ deuˬ maˬ ngeuˇ naˇ, tiˬ gʼaˬ-iˬ maˬ siˬ nya-a.”

Yoˇhaˬ 13:33

Ngaˇ gaˬ-eu ngaˬ-euˬ zaˬ deuˬ-oˇ, ngaˇ naw maꞈ nehˬ-ehˇ gʼawˬ myahˇ ni maˬ paˇ ya jawˇ meh. Naw maꞈ ngaˬ-ahˇ poˆ tehꞈ-a. Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ngaˬ neh ehˇ nehˬ-euˬ dawˬ ngaˇ naw maꞈ-ahˇ paˇ ehˇ nehˬ nyaˇ. ‘Ngaˇ le-eu lehˇ gʼeh-eu jawˇ duˬ-ahˇ naw maꞈ maˬ le nya-a.’

Yoˇhaˬ 14:16

Ngaˇ Aˬda-ahˇ shaˇ-awˇ, naw maꞈ nehˬ-ehˇ aˬ myah luꞈ bi jawˇ-eu gʼaˇ duˬ Caw ba-eu gʼaˬ bi biꞈ leꞈ ma.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 21:5

“Zaˬ guˬ deuˬ-oˇ, ngaˬ shaˬ dzeh mi maˬ loˇ” lehˇ Yeˬsuˇ naˇ haˬ ngeh, “Maˬ dzeh mi-aˬ” lehˇ aˬ yawꞈ maꞈ ehˇ kʼoꞈ nehˬ-euˬ meh.

Yoˇhaˬ 5:14

Kʼoeˇ naˇ kʼah, Uˬ duˬ tahˬ nymˇ nymˇ ma-euˬ lahˇ laꞈ kʼoeˇ tsawˇ haˬ kʼoeˇ gʼaˬ-ahˇ Yeˬsuˇ paˇ tahˬ puˬ-awˇ ehˇ nehˬ-eu, “Naˇ haˬ sheˇ. Nymˬ-mˇ nawˇ jawˇ saˇ doˆ laˇ-euˬ meh. Teu miˇ neh iˬ baˇ taˬ paˇ mˇ. Maˬ ngeuˇ naˇ yaw beh naˆ maˬ tseˇ nawˇ paˇ ya shaˬ tehꞈ-a.”

Yoˇhaˬ 5:36

Ehˇ kʼawꞈ, Yoˇhaˬ neh saˇ kiˇ kamˬ-euˬ naˆ maˬ tseˇ huiˬ dzehˬ-eu ngaˬ-euˬ gaˇ kawˆ saˇ kiˇ kamˬ taˬ-euˬ jaˆ ma. Ngaˬ Da neh ngaˬ-ahˇ bi mˇ laꞈ-euˬ ngaˬ neh mˇ-euˬ gaˇ kʼoeˇ deuˬ ngaˬ-euˬ dah zaˇ dawˬ ngehˬ gaˇ duˇ ni, Aˬda neh ngaˬ-ahˇ kʼehˇ gʼeh leꞈ-euˬ meh lehˇ saˇ kiˇ kamˬ-eu jeˬ pyeuꞈ-eu meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 8:11

Aˬ yawꞈ ehˇ-eu, “Sahˬpaˬ-oˇ, tiˬ gʼaˬ-iˬ maˬ paˇ jawˇ meh.” Yeˬsuˇ ehˇ-eu, “Ngaˇ jiˇ nawˬ-ahˇ iˬ baˇ maˬ poˆ. Gʼoꞈ-iˇ-awˬ. Ehˇ kʼawꞈ, iˬ baˇ taˬ paˇ mˇ de.”

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Lormav 5:10

Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

Lormav 6:15

Toˆ-ehˇ ngeuˇ naˇ, aˬ joˆ-ehˇ jahˇ nmˇ. Aˬ dui zahˇ dawˬ kʼoꞈ dawˬ uˬ moˆ maˬ jawˇ-ehˇ Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu miˇ neh iˬ baˇ mˇ-eu la. Maˬ ngeuˇ-a.

Lormav 8:34

Toˆ-ehˇ ngeuˇ naˇ, aˬ yawꞈ maꞈ iˬ baˇ ahˇ meh lehˇ aˬ suˇ gʼaˬ paˇ ehˇ nmˇ. Tiˬ gʼaˬ-iˬ maˬ paˇ ehˇ-aˇ. Shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-awˇ, Miˬyehˇ-euˬ aˇ maˇ paw jawˇ-awˇ aˬ dui-euˬ gʼaˇ duˬ Miˬyehˇ-ahˇ shaˇ luꞈ-eu gʼaˬ pyeuꞈ-eu Yeˬsuˇ Ka li kʼawꞈ, kʼoeˇ loꞈ-ehˇ maˬ ehˇ-aˇ.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 4:19

Ngaˇ gaˬ-eu ngaˬ-euˬ zaˬ deuˬ-oˇ, Ka li-euˬ aˇ gʼehˇ naw maꞈ laꞈ kʼoeˇ ahˇ laˇ ni, zaˬ baw luꞈ-eu aˬ ma tiˬ gʼaˬ uˬ maˆ naˇ-eu shaˬ-eu loꞈ-ehˇ naw maꞈ gʼaˇ duˬ ngaˇ shaˬ zahˬ mˇ-eu maˬ tsehˆ leˇ nya.

Eˇpeˇsu 2:18

Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, aˬ dui dawˬ tawˆ luꞈ nui ma tiˬ siˬ tehꞈ-ehˇ taˬ-awˇ Miˬyehˇ jawˇ gaˇ jiˆ uˇ laˇ nya-eu heu-aˬ, Ka li baˬ da neh meh.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

1 Tiˆmoˇseˬ 2:5

Aˬ jeˬ miˇ neh ehˇ naˇ, Miˬyehˇ tiˬ gʼaˬ tehꞈ-ehˇ jawˇ-awˇ, Miˬyehˇ hawˇ-eu tsawˇ haˬ tsaˬ leˇ tsahˇ leˇ ni mˇ-eu tsawˇ kaˬ tiˬ gʼaˬ jawˇ-eu tehꞈ meh. Tsawˇ kaˬ kʼoeˇ gʼaˬ-aˬ, Yeˬsuˇ Ka li meh.

1 Tiˆmoˇseˬ 3:14

Ngaˇ sahˬ boꞈ heu taꞈ boꞈ luꞈ ngeh, gʼawˬ myahˇ maˬ gʼeh-ehˇ nawˇ jawˇ gaˇ laˇ ma lehˇ noeˬ tmˬ taˬ-euˬ ma.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.

Yaˬkoˆ 3:9

Aˬda pyeuꞈ-eu Sahˬpaˬ Miˬyehˇ-euˬ guiˬ lahˬ-ahˇ mehˬ laˇ neh aˬ dui ja ceuˬ-eu loꞈ-ehˇ, Miˬyehˇ-euˬ aˇ gʼehˇ-ahˇ duˇ ni beh taˬ-euˬ tsawˇ haˬ zaˬ deuˬ-ahˇ kʼawꞈ, mehˬ laˇ neh aˬ dui yaˬ kʼehˇ yaˬ-eu meh.

1 Beˬtuˆluˆ 2:22

Aˬ yawꞈ iˬ baˇ tiˬ pawꞈ-iˬ maˬ mˇ haw-aˬ. Aˬ yawꞈ-euˬ kʼaˬ meh-ahˇ jaꞈ myawꞈ myawꞈ-eu dawˬ tiˬ dawˬ-iˬ ma ngehˬ doˆ leꞈ haw-aˬ.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

1 Yoˇhaˬ 3:18

Ngaˇ gaˬ dui dui-eu zaˬ deuˬ-oˇ, aˬ dui-euˬ gʼoeˇ-eu gaˬ-eu heu-aˬ, mehˬ boeˬ neh tehꞈ-ehˇ gaˬ-eu jeˬ taˬ bi pyeuꞈ. Maˇ jawˆ ni gʼeh-eu gʼoeˇ-eu gaˬ-eu jeˬ bi pyeuꞈ-awˇ, mˇ-eu shaˇ-eu laꞈ kʼoeˇ bi doˆ laˇ-awˬ.

1 Yoˇhaˬ 3:5

Ka li oe-euˬ-aˬ, iˬ baˇ-ahˇ yuˇ dzeh-eu gʼaˇ duˬ pyeuꞈ-awˇ, aˬ yawꞈ-euˬ laꞈ kʼoeˇ iˬ baˇ tiˬ pawꞈ-iˬ maˬ ahˇ-eu gaˇ kawˆ naw maꞈ siˬ duˬ luꞈ meh.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

1 Yoˇhaˬ 5:17

Kʼaˇ mˇ kʼaˇ shaˇ lehˬ-euˬ jeˬ dawˬ tawˆ luꞈ iˬ baˇ meh. Ehˇ kʼawꞈ, shiˇ gaˇ maˬ keuˆ-eu iˬ baˇ lehˇ baw-eu meh.

1 Yoˇhaˬ 5:21

Ngaˇ gaˬ dui dui-eu zaˬ deuˬ-oˇ, maˬ ngeuˇ-eu miˬ yehˇ deuˬ jawˇ paw maˬ ya pyawˇ-iˇ ni, yawˬ haˇ yawˬ ha yahˇ dui dui-awˬ.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.