1 Yoˇhaˬ 1:3 - Akha

³ Naw maꞈ kʼawꞈ, nga maꞈ nehˬ-ehˇ tiˬ kawˆ loꞈ-ehˇ Aˬda Miˬyehˇ hawˇ-eu aˬ yawꞈ-euˬ Zaˬmaˇ Yeˬsuˇ Ka li-ahˇ cawˬ cawˬ taꞈ nya laˇ ni, nga maꞈ neh kʼaˇ ya gaˬ kʼaˇ ya mawˇ-euˬ jeˬ naw maꞈ-ahˇ dzawˇ nehˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 1:3 Iomraidhean Croise

Yawˇbaˆ 13:1

Naw maꞈ kʼaˇ ehˇ-eu yawˬ jeˬ na luꞈ-ahˇ ngaˇ myaˆ mawˇ haw-awˇ, naˬ gaˬ haw-euˬ ma.

Jaceuq 2:7

Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Jaceuq 22:22

Nawˬneh mˇtaˬ-euˬgaˇkawˆdeuˬ, ngaˬ-euˬtsawˇhaˬ-ahˇja mehˬma. Tsawˇhaˬaˇmaꞈbymˇleˇ-euˬgaˇ, nawˬ-ahˇngaˇguˇ-awˇja ceuˬma.

Iˇsaˬyaˇ 66:19

Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Bawˇtsahˬ 10:32

Nga maꞈ nehˬ-ehˇ nawˇ laˇ naˇ, Sahˬpaˬ Miˬyehˇ neh nga maꞈ-ahˇ biꞈ nehˬ laꞈ-euˬ guiˬ lahˬ dawˬ tawˆ luꞈ nawˬ-ahˇ biˇ nehˬ ma.”

Yoˇhaˬ 17:11

Nymˬ-mˇ nawˇ jawˇ gaˇ ngaˇ gʼoꞈ laˇ-eu lehˇ gʼeh-eu ma. Ngaˇ-aˬ, miˇ tsaˬ kʼoeˇ taˆ maˬ paˇ jawˇ ma. Ehˇ kʼawꞈ, aˬ yawꞈ maꞈ miˇ tsaˬ kʼoeˇ taˆ ya jawˇ-a siˬ. Muiˬ-eu shawˇ-eu Aˬda-oˇ, aˇ nyaꞈ Da zaˬ tiˬ gʼaˬ tehꞈ-ehˇ pyeuꞈ luꞈ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya ni, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ nehˬ-awˬ.

Yoˇhaˬ 17:21

Aˬ yawꞈ maꞈ dawˬ tawˆ luꞈ nui ma tiˬ siˬ tehꞈ-ehˇ taˬ nya laˇ ni ngaˇ guiˬ lahˬ shaˇ-eu ma. Aˬda-oˇ, ngaˬ-euˬ laꞈ kʼoeˇ nawˇ jawˇ-awˇ, nawˬ-euˬ laꞈ kʼoeˇ ngaˇ jawˇ-eu loꞈ-ehˇ, aˬ yawꞈ maꞈ aˇ nyaꞈ Da zaˬ-euˬ laꞈ kʼoeˇ jawˇ luꞈ-uˇ. Nawˬ neh ngaˬ-ahˇ kʼehˇ gʼeh leꞈ-euˬ meh lehˇ miˇ tsaˬ zaˬ deuˬ jah laˇ ni, aˬ yawꞈ maꞈ nui ma tiˬ siˬ tehꞈ-ehˇ taˬ luꞈ-uˇ.

Yoˇhaˬ 17:25

Tsaˬ dui dawˇ dui dui-eu Aˬda-oˇ, miˇ tsaˬ zaˬ deuˬ nawˬ-ahˇ maˬ siˬ nya kʼawꞈ, ngaˇ nawˬ-ahˇ siˬ nya-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ tsawˇ haˬ heu deuˬ siˬ nya meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 19:35

(Pyeuꞈ laˇ-euˬ gaˇ kawˆ kʼoeˇ-ahˇ mawˇ duˬ-euˬ kʼoeˇ gʼaˬ, naw maꞈ kʼawꞈ jah laˇ nya ni dzawˇ duˬ-eu meh. Aˬ yawꞈ ehˇ-eu maˇ maˇ ni ngeuˇ-awˇ, aˬ yawꞈ dawˇ coe ni ehˇ-eu ma lehˇ aˬ yawˇ yawꞈ siˬ duˬ-eu meh.)

Gʼaˬkʼehˇ 13:32

Laˬ kʼaˬ cehˇ-eu guiˬ lahˬ dawˬ heu, naw maꞈ jawˇ gaˇ nga nyaꞈ hehˇ laꞈ-euˬ jeˬ pyeuꞈ-eu ma. Aˬ dui-euˬ aˬ poeˬ aˬ bawˇ deuˬ-ahˇ Miˬyehˇ neh saˇ jaˇ dzaˬ taˬ-euˬ jeˬ,

Gʼaˬkʼehˇ 13:41

‘Dawˬ doeˇ ngehˬ-eu deuˬ haw taˬ-awˬ. Zahˬ dui dui leˇ-awˇ shiˇ tsehˆ-awˬ. Aˬ jeˬ miˇ neh ehˇ naˇ, iˬ nah ngaˇ mˇ-eu gʼeh-eu heu, aˬ cawˬ naw maꞈ-ahˇ ehˇ-euˬ kʼawꞈ, naw maꞈ ngeuˇ meh lehˇ maˬ duˇ-a’ lehˇ ehˇ taˬ-euˬ meh.”

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Gʼaˬkʼehˇ 4:20

Nga nyaꞈ law nmˇ-aˬ, nga nyaꞈ neh kʼaˇ ya gaˬ kʼaˇ ya mawˇ-euˬ gaˇ kawˆ heu maˬ ja-ehˇ maˬ jawˇ coeˇ nya.”

Lormav 15:27

Kʼoeˇ loꞈ-ehˇ noeˬ tsehˆ-euˬ kʼoeˇ-aˬ, aˬ yawꞈ maꞈ yawˬ haˇ yawˬ ha noeˬ siˬ-awˇ noeˬ tsehˆ-euˬ jeˬ pyeuꞈ-eu meh. Ehˇ kʼawꞈ, maˇ maˇ ni ehˇ leꞈ naˇ, aˬ yawꞈ maꞈ kʼoeˇ deuˬ-ahˇ ya caw ba-eu kʼaˆ behˆ jaˆ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ neh Yuˇdaˆ tsawˇ haˬ maˬ ngeuˇ-eu deuˬ-ahˇ saꞈ laˇ paw-euˬ guiˬ lah caw ba nehˬ-euˬ-aˬ, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ-ahˇ shiˬ shaˬ jiˇ paw-euˬ guiˬ lahˬ caw ba nehˬ paˬ-ehˇ gʼeh-eu meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 1:9

Aˬ dui-euˬ Sahˬpaˬ pyeuꞈ-eu aˬ yawꞈ-euˬ Zaˬmaˇ Yeˬsuˇ Ka li-ahˇ taꞈ leˇ nya ni naw maꞈ-ahˇ kuˇ doˆ-euˬ Miˬyehˇ-aˬ, saˇ jaˇ ziꞈ-eu Miˬyehˇ pyeuꞈ-eu meh.

1 Gawˇliˬtu 15:1

Aˬ yuiꞈ aˬ nyiˇ Ka li zaˬ deuˬ-oˇ, nymˬ-mˇ poˆ jawˇ-aˬ, ngaˬ neh naw maꞈ-ahˇ mehˬ nehˬ yaꞈ-euˬ Laˬ kʼaˬ cehˇ-eu Guiˬ lahˬ dawˬ paˇ ja noeˬ nehˬ-eu ma. Ngaˬ neh mehˬ-euˬ kʼoeˇ naw maꞈ ha geuꞈ gʼaˬ-awˇ, kʼoeˇ-euˬ kʼoeˇ taˆ naw maꞈ-euˬ jah-eu jeˬ ziꞈ luꞈ meh.

Eˇpeˇsu 3:6

Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

Piˇliˇpiˆ 2:1

Naw maꞈ Ka li laꞈ kʼoeˇ dehꞈ-eu baˬ da neh, gʼaˬ kʼaˆ laˇ-awˇ, aˬ yawꞈ-euˬ gʼoeˇ-eu gaˬ-eu jeˬ naw maꞈ-ahˇ nui saˇ bi za-eu meh. Naw maꞈ Ka li-euˬ Yaw sahˇ Miˬyehˇ nehˬ-ehˇ cawˬ cawˬ-eu baˬ da neh, tiˬ gʼaˬ tiˇ gʼaˬ gʼawˬ shaˬ gaˬ nya laˇ-awˇ, tiˬ gʼaˬ gʼaˇ duˬ tiˬ gʼaˬ shaˇ noeˬ nya laˇ-eu meh.

Piˇliˇpiˆ 3:10

Ngaˇ geuꞈ mawꞈ-eu jeˬ-aˬ, Ka li-ahˇ siˬ nya-awˇ gʼoꞈ dehꞈ laˇ-euˬ Ka li neh mˇ yaꞈ-euˬ jeˬ-ahˇ mˇ nya laˇ mawꞈ-eu tiˬ jeˬ, aˬ yawꞈ kʼaˇ ya daˬ-euˬ loꞈ-ehˇ daˬ-awˇ aˬ yawꞈ kʼaˇ shiˇ-euˬ loꞈ-ehˇ shiˇ mawꞈ-eu tiˬ jeˬ,

Gawˇlawˇsehˇ 1:13

Yaw zahˇ-euˬ baoˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-awˇ, aˬ yawꞈ-euˬ Zaˬmaˇ-euˬ miˇ kʼahˬ laꞈ kʼoeˇ aˬ dui-ahˇ sheuˬ ahˇ nehˬ laꞈ-euˬ meh.

1 Teˇsaˬloˇni 1:10

Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

1 Tiˆmoˇseˬ 6:2

Ka li zaˬ pyeuꞈ-eu baw leˬ deuˬ-euˬ zaˬ kʼaˆ geuꞈ luꞈ-eu deuˬ-aˬ, yaw ha-euˬ baw leˬ-ahˇ yehˬ bawˬ sehˇ lu-ehˇ gʼeh-eu maˬ tsaˬ-a. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˬ ha baw leˬ-euˬ aˬ yuiꞈ aˬ nyiˇ pyeuꞈ laˇ-euˬ meh. Kʼoeˇ uˬ taꞈ, baw leˬ deuˬ-euˬ gaˇ-ahˇ aˬ cawˬ naˆ maˬ tseˇ leh jeh-awˇ mˇ nehˬ paˬ-ehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ maꞈ mˇ cu luꞈ-eu kʼoeˇ-aˬ, aˬ yawꞈ maꞈ gaˬ-eu Ka li-ahˇ jah-eu tsawˇ haˬ deuˬ-ahˇ mˇ cu-eu jeˬ pyeuꞈ-eu meh. Gaˇ kawˆ heu deuˬ nawˇ mehˬ nehˬ tsoˆ nehˬ-awˇ gʼaˬ biꞈ-awˬ.

HeˬByehˇ 2:12

Aˬ yawꞈ Miˬyehˇ-ahˇ ehˇ-eu, “Nawˬneh mˇtaˬ-euˬ gaˇ kʼoeˇdeuˬ, ngaˬ-euˬ mehˇ nmˇ-ahˇ dzawˇ nehˬ ma. Aˬ yawꞈ maꞈ uiˬ leˇ-awˇ jawˇ gaˇ, nawˬ-ahˇ ngaˇ ja ceuˬ ma.”

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

1 Beˬtuˆluˆ 5:1

Ka li zaˬ aˇ muˇ-euˬ tsawˇ mawˬ tsawˇ kʼaˆ tiˬ gʼaˬ pyeuꞈ-eu ngaˇ, naw maꞈ-euˬ Ka li zaˬ aˇ muˇ laꞈ kʼoeˇ jawˇ-eu tsawˇ mawˬ tsawˇ kʼaˆ deuˬ-ahˇ heu loꞈ-ehˇ shaˇ-eu ma. Ngaˇ-aˬ, kʼehˬ-eu kʼaˆ-eu jeˬ-ahˇ Ka li ya daˬ-euˬ gaˇ kawˆ saˇ kiˇ kamˬ-eu tsawˇ haˬ pyeuꞈ-eu loꞈ-ehˇ, Miˬyehˇ tsawˇ haˬ zaˬ-ahˇ Ka li-euˬ yaw shehꞈ kʼahˬ sehˇ pah mehˬ le ngeh, ngaˇ kʼawꞈ yaw shehꞈ kʼahˬ sehˇ kʼoeˇ za ma. Ngaˇ naw maꞈ-ahˇ heu loꞈ-ehˇ shaˇ-eu ma.

2 Beˬtuˆluˆ 1:16

Aˬ dui-euˬ Sahˬpaˬ Yeˬsuˇ Ka li baoˬ tiˬ byah ni zaꞈ le tehꞈ-a lehˇ naw maꞈ-ahˇ nga maꞈ bi siˬ-eu heu-aˬ, aˬ cawˬ neh noeˬ doˆ-awˇ ja-euˬ gaˇ kawˆ yuˇ-awˇ bi siˬ-eu maˬ ngeuˇ. Aˬ yawꞈ-euˬ huiˬ dui mahˇ dui dui-eu baoˬ-ahˇ nga maꞈ myaˆ ya mawˇ duˬ-euˬ ma.

1 Yoˇhaˬ 1:1

Aˇ dahˬ beh ngeh neh dehꞈ luꞈ jawˇ luꞈ-eu dawˬ pyeuꞈ-eu saꞈ laˇ dehꞈ-eu jeˬ biꞈ-eu dawˬ gaˇ kawˆ naw maꞈ jawˇ gaˇ nga maꞈ boꞈ ahˇ laꞈ-eu ma. Dawˬ kʼoeˇ-ahˇ nga maꞈ naˬ bawˇ ya gaˬ-awˇ, myaˆ ya mawˇ-euˬ ma. Myaˆ nuiˆ neh haw duˬ-euˬ uˬ taꞈ, aˬ laꞈ neh ya sawˆ duˬ-euˬ ma.

1 Yoˇhaˬ 1:5

Zaˬmaˇ-euˬ guiˬ lahˬ dawˬ nga maꞈ ya gaˬ-awˇ naw maꞈ-ahˇ ja mehˬ-eu-aˬ, heu loꞈ-ehˇ ma. Miˬyehˇ-aˬ, yaw shehꞈ pyeuꞈ-awˇ, aˬ yawꞈ-euˬ laꞈ kʼoeˇ yaw zahˇ tiˬ pawꞈ-iˬ maˬ ahˇ-a.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.