1 Tiˆmoˇseˬ 2:5 - Akha

⁵ Aˬ jeˬ miˇ neh ehˇ naˇ, Miˬyehˇ tiˬ gʼaˬ tehꞈ-ehˇ jawˇ-awˇ, Miˬyehˇ hawˇ-eu tsawˇ haˬ tsaˬ leˇ tsahˇ leˇ ni mˇ-eu tsawˇ kaˬ tiˬ gʼaˬ jawˇ-eu tehꞈ meh. Tsawˇ kaˬ kʼoeˇ gʼaˬ-aˬ, Yeˬsuˇ Ka li meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, Miqyaer tiq ghaq jawr-eu taef mae. Miqyaer hawr-eu tsawrhaq-euq yawkaq-anr khawf, tsawrkaq tiq ghaq jawr-eu taef mae. Tsawrkaq khoerghaq-aq, tsawrhaq pyeuf-eu Yeqsur Kali mae.

1 Tiˆmoˇseˬ 2:5 Iomraidhean Croise

Yawˇbaˆ 9:33

Ehˇ kʼawꞈ, nymˬ-mˇ nga nyaꞈ yaw kaˬ-ahˇ tsawˇ kaˬ maˬ jawˇ-a. Miˬyehˇ hawˇ-eu ngaˬ-ahˇ yaˇ kʼaˬ daˇ nehˬ-eu gʼaˬ maˬ jawˇ-a.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Maꞈtehˬ 1:1

Heu-aˬ, Aˬbyaˬhaˬ hawˇ-eu Daˬbiˇ-ahˇ neh gui ka leꞈ-euˬ Yeˬsuˇ Ka li-euˬ tsuiꞈ meh.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Luˇkaꞈ 14:22

Tiˬ kʼehˬ keuˆ laˇ ngeh, zaˬ kʼaˆ kʼoeˇ gʼaˬ ehˇ-eu, ‘Baw leˬ-oˇ, nawˬ neh ehˇ-euˬ loꞈ-ehˇ kuˇ uiˬ taˬ-euˬ ma. Ehˇ kʼawꞈ, jawˇ duˬ gʼawˬ mya ni ngehꞈ nga siˬ.’

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”

Lormav 1:3

Kʼoeˇ-aˬ, aˬ yawꞈ-euˬ Zaˬmaˇ pyeuꞈ-eu aˬ dui-euˬ Sahˬpaˬ Yeˬsuˇ Ka li gaˇ kawˆ meh. Tsawˇ haˬ zaˬ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ dehꞈ le-euˬ meh.

Lormav 10:12

Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ tseˇ paˆ ni, dawˬ tawˆ luꞈ ahˇ leˇ jiˇ-eu meh. Miˬyehˇ-aˬ, dawˬ tawˆ luꞈ-euˬ Sahˬpaˬ pyeuꞈ-awˇ, aˬ yawꞈ-ahˇ kʼaˇ kuˇ-eu tsawˇ haˬ-ahˇ guiˬ lahˬ tiˬ byah ni biꞈ nehˬ-eu meh.

1 Gawˇliˬtu 8:4

Kʼoeˇ miˇ neh, tahˬ paˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ-eu gaˇ kawˆ ngaˇ heu loꞈ-ehˇ ehˇ-eu ma. Tahˬ paˬ aˬ ma mawˇ kawˇ-aˬ, aˬ diˇ aˬ maˇ maˬ jaˆ maˬ jawˇ-eu jeˬ-euˬ dah zaˇ tehˆ taˬ-euˬ mawˇ kawˇ meh lehˇ aˬ dui siˬ nya ma. Miˬyehˇ tiˬ gʼaˬ tehꞈ-ehˇ jawˇ-eu gaˇ kawˆ kʼawꞈ, aˬ dui siˬ nya ma.

1 Gawˇliˬtu 8:6

Ehˇ kʼawꞈ, aˬ dui-euˬ gʼaˇ duˬ-aˬ, Miˬyehˇ tiˬ gʼaˬ jawˇ-eu tehꞈ ma. Aˬ yawꞈ-aˬ, dawˬ tawˆ luꞈ-ahˇ Beh-euˬ yaw sahˇ Aˬda pyeuꞈ-awˇ, aˬ yawꞈ gʼaˇ duˬ aˬ dui dehꞈ luꞈ-eu ma.

Gaˬlaˬtiˆ 3:20

Ehˇ kʼawꞈ, tiˬ gʼaˬ-ahˇ tehꞈ-ehˇ taꞈ-eu jeˬ ngeuˇ naˇ, tsawˇ kaˬ maˬ loˬ-a. Miˬyehˇ-aˬ, tiˬ gʼaˬ tehꞈ meh.

Eˇpeˇsu 4:6

Tsawˇ jeuˬ dawˬ tawˆ luꞈ-euˬ Aˬda pyeuꞈ-eu Miˬyehˇ tiˬ gʼaˬ tehꞈ-ehˇ jawˇ-eu meh. Aˬ yawꞈ-aˬ, dawˬ tawˆ luꞈ kʼoeˇ taˆ Sahˬpaˬ pyeuꞈ-awˇ, dawˬ tawˆ luꞈ laꞈ kʼoeˇ gaˇ mˇ-awˇ, dawˬ tawˆ luꞈ laꞈ kʼoeˇ jawˇ-eu meh.

Dawˬmehˬ 6:4

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ tiˬ gʼaˬ tehꞈ-ehˇ aˬ dui-euˬ Miˬyehˇ pyeuꞈ-eu gaˇ kawˆ naw maꞈ taˬ ngehˇ.

1 Tiˆmoˇseˬ 6:13

Yawˬ jeˬ na luꞈ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Miˬyehˇ mehˬ shi hawˇ-eu, sahˬ paˬ Boˬtiˆ Piˇlaˆ-ahˇ jah-eu jeˬ ziꞈ dah ni mehˬ nehˬ-euˬ gʼaˬ pyeuꞈ-eu Yeˬsuˇ Ka li mehˬ shi, ngaˇ nawˬ-ahˇ dawˬ heu loꞈ-ehˇ biꞈ-eu ma.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

HeˬByehˇ 8:6

Miˬyehˇ hawˇ-eu aˬ yawꞈ-euˬ tsawˇ haˬ yaw kaˬ-ahˇ Yeˬsuˇ neh lehˬ hmˬ taˬ-euˬ dawˬ ma saˇ jaˇ kʼoeˇ-aˬ, muiˬ dzehˬ byah dzehˬ-eu saˇ jaˇ dawˬ-ahˇ gʼoe-awˇ mˇ taˬ-euˬ miˇ neh, dawˬ ma saˇ jaˇ yaw oeˇ naˆ maˬ tseˇ muiˬ dzehˬ byah dzehˬ-eu dawˬ ma saˇ jaˇ pyeuꞈ-eu meh. Kʼoeˇ loꞈ-ehˇ duˇ ni, piˇ ma kʼoeˇ deuˬ mˇ luꞈ-eu gaˇ naˆ maˬ tseˇ huiˬ dzehˬ-eu gaˇ, Yeˬsuˇ-ahˇ aˬ nehˬ taˬ-euˬ meh.

HeˬByehˇ 9:15

Kʼoeˇ baˬ da neh, dawˬ ma saˇ jaˇ yaw shuiꞈ pyeuꞈ leˇ ni mˇ-eu gʼaˬ-aˬ, Ka li meh. Miˬyehˇ neh kuˇ doˆ-euˬ tsawˇ haˬ deuˬ mˬ maˬ maˬ byaˆ zaˇ ziˇ guiˬ lahˬ jeˬ biˇ za ni, aˬ yawꞈ kʼoeˇ loꞈ-ehˇ mˇ-euˬ meh. Dawˬ ma saˇ jaˇ yaw beh hmˬ-ahˇ gʼoe-awˇ dehꞈ luꞈ ngeh, Ka li shiˇ dah-awˇ tsawˇ haˬ zaˬ deuˬ-ahˇ yawˬ ha neh mˇ-euˬ iˬ baˇ-ahˇ bi buˬ-iˇ nya-euˬ miˇ neh, kʼoeˇ loꞈ-ehˇ mˇ pyeuꞈ nya-euˬ meh.

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.

Panmaeq 1:13

Kʼoeˇ-euˬ gʼahˇ ceh, aˬ kuiˇ pehˬ zaˬ-ahˇ keuˆ-eu pehˇ kʼahˬ pehˇ mahˇ dm-awˇ kʼahˬ-ahˇ shuiˇ joꞈ paꞈ paꞈ taˬ-euˬ, tsawˇ haˬ-ahˇ duˇ-eu tiˬ gʼaˬ mawˇ-euˬ ma.