1 Saˬmeuˬlaˆ 5:4 - Akha

⁴ Yawˬ shawˬ yawˬ uˬ shawˬ yaw naꞈ-ehˇ, Dawˬ ma saˇ jaˇ Bahˬ keuˆ mehˬ shi tahˬ pahˬ aˬ ma mawˇ kawˇ kʼoeˇ hmˬ paˇ coˬ-iˇ taˬ-euˬ gaˇ aˬ yawꞈ maꞈ paˇ ya mawˇ-euˬ meh. Kʼoeˇ ngeh poˆ jawˇ, tahˬ pahˬ aˬ ma mawˇ kawˇ kʼoeˇ hmˬ-euˬ uˬ duˬ hawˇ-eu aˬ laꞈ nyiˬ laꞈ luꞈ kʼehꞈ tsehˆ-iˇ-awˇ, laˇ gʼoˆ dawˬ peh dawˬ dzm dawˬ tehꞈ kʼoeˇ taˆ ga luꞈ-eu meh. Gʼawˇ mawˇ hmˬ tehꞈ-ehˇ Dawˬ ma saˇ jaˇ Bahˬ keuˆ mehˬ shi ga yaꞈ-euˬ meh.

1 Saˬmeuˬlaˆ 5:4 Iomraidhean Croise

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 40:20

Pyuˇ shuiˇ maˬ sahˇ-eu tsawˇ haˬ deuˬ, maˬ peuˬ-iˇ-eu aˇ bawˇ daˇ kawˬ poˆ-awˇ, laꞈ myawˬ laꞈ muˆ nya-eu deuˬ-ahˇ kʼehˇ-awˇ, maˬ coˬ-iˇ nya-eu tahˬ pahˬ aˬ ma taꞈ-eu meh.

Yeˬlaˬmiˇ 10:11

(Mˬ hawˇ-eu miˇ-ahˇ beh-euˬ gʼaˬ maˬ ngeuˇ-eu miˬ yehˇ deuˬ ya luˬ ya seˇ-iˇ-awˇ, miˇ tsaˬ kʼoeˇ taˆ tiˬ gʼaˬ-iˬ maˬ jaˆ maˬ jawˇ nya ni pyeuꞈ-iˇ tehꞈ-a lehˇ, tsawˇ haˬ kʼoeˇ deuˬ-ahˇ naw maꞈ ya ehˇ nehˬ meh.)

Yeˬlaˬmiˇ 10:14

Kʼoeˇ gaˇ mawˇ ngeh tsawˇ haˬ yawˬ gʼaˬ na luꞈ, yawˬ ha aˬ dzawˬ aˇ gah nya lehˇ siˬ duˬ-euˬ meh. Tahˬ pahˬ aˬ ma mawˇ kawˇ tehˆ-eu tsawˇ haˬ daˬ ga-eu meh. Aˬ jeˬ miˇ neh ehˇ naˇ aˬ yawꞈ maꞈ neh tehˆ-euˬ miˬ yehˇ, miˬ yehˇ maˬ ngeuˇ-ehˇ saꞈ maˬ gʼawˇ nya-a.

Yeˬlaˬmiˇ 10:15

Miˬ yehˇ kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, tsawˇ haˬ zaˬ-euˬ cehꞈ lehꞈ ka duˬ tehꞈ meh. Sahˬpaˬ Miˬyehˇ zaꞈ le-awˇ kʼehˬ nehˬ ngeh, aˬ yawꞈ maꞈ byoˆ-iˇ laˆ-iˇ jiˇ tehꞈ-a.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Daˬyeˬlaˇ 11:8

Aˬ yawꞈ maꞈ-euˬ miˬ yehˇ deuˬ hawˇ-eu, miˬ yehˇ kʼoeˇ deuˬ-ahˇ damˬ nehˬ taˬ-euˬ shuiˇ hawˇ-eu pyuˇ neh jahˇ taˬ-euˬ mˇ myawˬ keu ka deuˬ, Iˇjiˇtuˆ miˇ kʼahˬ-ahˇ aˬ yawꞈ yuˇ kʼoꞈ gʼeh tehꞈ-a. Aˇ yamˬ gʼawˬ myahˇ ni, aˬ yawꞈ guiˇ maˬ paˇ deuˆ ni jawˇ tehꞈ-a.

Miˇkaˬ 1:7

Aˇ poeˬ kʼaˆ-eu tahˬ pahˬ aˬ ma mawˇ kawˇ dawˬ tawˆ luꞈ meuˇ-iˇ loeˇ-iˇ jiˇ-awˇ, uˬ duˬ tahˬ nymˇ-ahˇ jawˇ-eu meh maˬ laˇ deuˬ-ahˇ kʼaˇ biꞈ-euˬ yawˬ jeˬ na luꞈ miˬ dzaˬ bi keuˬ dzeh-eu uˬ taꞈ, tahˬ pahˬ aˬ ma mawˇ kawˇ dawˬ tawˆ luꞈ yaw cawˆ-ehˇ baꞈ bymˇ taˬ-awˇ ga tehꞈ-a. Zaˬ bi myaˬ laˇ-eu gʼaˇ duˬ maˬ tsaˬ maˬ dawˇ-eu zahˇ sahˇ kʼoꞈ bawˬ-iˬ jahˇ gaˇ geuꞈ-eu lehˇ, aˬ yawꞈ maꞈ neh poˆ uiˬ taˬ-euˬ mˇ myawˬ kʼoeˇ deuˬ-ahˇ, muiˇ-eu deuˬ neh uˬ duˬ tahˬ gaˇ geuꞈ-eu lehˇ yawˬ gaˇ yawˬ bi baꞈ byoˆ gʼeh tehꞈ-a.”

1 Saˬmeuˬlaˆ 6:5

Kʼoeˇ loꞈ-ehˇ jahˇ naˇ, naw maꞈ-ahˇ maˬ ehˇ, naw maꞈ-euˬ miˬ yehˇ deuˬ-ahˇ maˬ ehˇ, naw maꞈ-euˬ miˇ kʼahˬ-ahˇ maˬ ehˇ, aˬ yawꞈ maˬ paˇ kʼehˬ nehˬ laꞈ ni byehˇ-eu duˇ.