1 Saˬmeuˬlaˆ 4:9 - Akha

⁹ Piˇliˇtiˆ tsawˇ haˬ deuˬ-oˇ, nui ma kʼaˬ duˬ ni taˬ-eu laꞈ kʼoeˇ, kʼaˬ dzeˇ zaˬ-euˬ nui ma pi-awˇ guiˇ deuˆ-awˬ. Kʼoeˇ loꞈ-ehˇ noeˬ tsehˆ-awˇ maˬ deuˆ naˇ, Heˬbyehˇ tsawˇ haˬ deuˬ aˬ dui-euˬ zaˬ kʼaˆ geuꞈ-euˬ loꞈ-ehˇ, aˬ dui maꞈ kʼawꞈ aˬ yawꞈ maꞈ-euˬ zaˬ kʼaˆ paˇ ya geuꞈ poˆ tehꞈ-a. Teu miˇ neh kʼaˬ dzeˇ zaˬ-euˬ nui ma pi-awˇ guiˇ deuˆ kaˇ-euˇ.”

1 Saˬmeuˬlaˆ 4:9 Iomraidhean Croise

2 Saˬmeuˬlaˆ 10:12

Gʼaˬ byehˆ maˬ byehˆ ni nui ma kʼaˬ duˬ ni taˬ-awˬ. Aˬ dui-euˬ tsawˇ jeuˬ hawˇ-eu, aˬ dui Miˬyehˇ-euˬ meuˬ deuˬ gʼaˇ duˬ, yaw kʼaˆ kʼaˆ-ehˇ guiˇ deuˆ kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

Iˇsaˬyaˇ 14:2

Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ miˇ kʼahˬ laꞈ kʼoeˇ gʼoꞈ jawˇ leˇ nya ni, tsawˇ jeuˬ gʼawˬ mya jeuˬ aˬ yawꞈ maꞈ-ahˇ caw ba nehˬ-awˇ, tsawˇ jeuˬ kʼoeˇ deuˬ Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ-euˬ zaˬ kʼaˆ geuꞈ laˇ tehꞈ-a. Yaw beh aˬ yawꞈ maꞈ-ahˇ deuˆ gʼaˬ-euˬ tsawˇ haˬ deuˬ-ahˇ aˬ yawꞈ maꞈ paˇ deuˆ gʼaˬ-awˇ, aˬ yawꞈ maꞈ-ahˇ kʼehˬ-euˬ tsawˇ haˬ deuˬ kʼoeˇ taˆ, aˬ yawꞈ maꞈ paˇ uˆ lahˇ tehꞈ-a.

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

1 Gawˇliˬtu 16:13

Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

Yaˇ kʼaˬ daˇ 10:7

Kʼoeˇ miˇ neh Sahˬpaˬ Miˬyehˇ nui ma pehˇ laˇ-awˇ, Piˇliˇtiˆ tsawˇ haˬ hawˇ-eu Aˬmoˬ tsawˇ haˬ deuˬ-ahˇ, aˬ yawꞈ maꞈ kʼoeˇ taˆ bi gʼaˬ leˇ-awˇ, aˬ yawꞈ maꞈ-ahˇ bi uˆ lahˇ-euˬ meh.

Yaˇ kʼaˬ daˇ 13:1

Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-euˬ mehˬ shi iˬ baˇ mˇ-euˬ miˇ neh, Piˇliˇtiˆ tsawˇ haˬ deuˬ neh aˬ yawꞈ maꞈ-ahˇ oeˬ tseˇ kʼoꞈ Sahˬpaˬ Miˬyehˇ bi uˆ lahˇ-euˬ meh.

1 Saˬmeuˬlaˆ 14:21

Piˇliˇtiˆ tsawˇ haˬ deuˬ jawˇ paw cehˆ uˇ leˇ-awˇ, aˬ yawꞈ maꞈ-euˬ taˆ-ahˇ jawˇ leˇ-euˬ Heˬbyehˇ tsawˇ haˬ deuˬ kʼawꞈ nui ma paˇ laˇ-awˇ, Sawˇluˆ hawˇ-eu Yawˇnaˆshaˬ jawˇ paw pyawˬ-euˬ meh.

1 Saˬmeuˬlaˆ 4:8

Baoˬ huiˬ-eu miˬ yehˇ kʼoeˇ deuˬ-euˬ aˬ laꞈ laꞈ kʼoeˇ, aˬ dui-ahˇ aˬ suˇ gʼaˬ ka kʼoꞈ nehˬ laꞈ nmˇ. Miˬ yehˇ kʼoeˇ deuˬ-aˬ, bawˇ tsahˬ bawˇ dahˇ laꞈ kʼoeˇ Iˇjiˇtuˆ tsawˇ haˬ deuˬ-ahˇ sehꞈ-euˬ miˬ yehˇ deuˬ ngeuˇ-eu jeˬ nga.